❓Qizil maydonga qurilish qila olamanmi?

Savol:
- Hovlimiz 23 sotixdan iborat. Kadastr hujjatlarimizda 11 sotix yer qizil maydon qilib belgilab qo‘yilgan. O‘sha qizil maydonga uy qura olamanmi?

Javob:
Qonunchilikka muvofiq, o‘zining egallab turgan yer uchastkasida qurilish, qayta qurish ishlarini amalga oshirish uchun ruxsatnoma olish lozim bo‘ladi. Buning uchun Davlat xizmatlari markazlari orqali murojaat etiladi. Ruxsatnoma Arxitektura qurilish bo‘limi tomonidan beriladi.

❌ Agar yer uchastkasi qizil chiziq hududida yoki muhofaza zonasida joylashgan bo‘lsa yoki o‘zboshimchalik bilan egallangan bo‘lsa, qurilish ishlarini amalga oshirish uchun ruxsat berilmaydi.

#savol_javob #huquqvaqti #yernazorati
Kanalga ulanish: https://t.iss.one/tvkad
Facebook Instagram

Olmaliq shahrida yerlarni talon-taroj qilganlik holati aniqlandi

Aniqlanishicha, Piskent tumani hokimining tegishli qarori bilan fuqaro J.Bga tegishli bo‘lgan Piskent tumani (hozirda Olmaliq shaharga o‘tgan) “Namuna” MFY, Xonobod ko‘chasi, 40-uy-joyda 15 yil davomida halol, oshkora va uzluksiz foydalanayotgan 0,12 gektar (amalda 0,601 gektar bo‘lgan) yer uchastkasiga meros qilib qoldiriladigan umrbod egalik qilish huquqi va turar-joyga mulk egalik huquqi belgilangan va ortiqcha egallangan 0,48 gektar yer maydoni tuman zaxira fondiga qaytarish komissiya zimmasiga yuklatilgan.

Biroq, mazkur ortiqcha egallangan yer maydoni zaxiraga qaytarilmasdan, uning 0,15 gektari tuman Lenin kolxozining 19.01.1990-yildagi 1-sonli yig‘ilish bayoni asos qilingan holda marxum O.K. nomiga hujjat rasmiylashtirilib fuqaro A.K. tomonidan meros huquqi olingan va fuqaro X.Mga sotib yuborilgan.

⚠️Natijada ortiqcha yer maydoniga ham o‘zboshimchalik bilan qurilish qilish orqali yerlar talon-taroj qilingan.

✔️Holat yuzasidan Kadastr agentligi viloyat boshqarmasi tomonidan to‘plangan materiallar Qo‘shma tartib asosida prokuratura organlariga yuborilishi taʼminlandi.

#yernazorati #Olmaliq
Kanalga ulanish: https://t.iss.one/tvkad
Facebook Instagram

⚡️Noqonuniy qurilishni ko‘rganda qayerga murojaat qilishni bilasizmi?

💰Yerlarni o‘zboshimchalik bilan egallab olish holatlari to‘g‘risida maʼlumot bergan shaxslar bazaviy hisoblash miqdorining o‘n foizi miqdoridagi pul mukofoti bilan rag‘batlantiriladi.

#yernazorati #ishonchraqam #infografika
Kanalga ulanish: https://t.iss.one/tvkad
Facebook     Instagram

Viloyatda mingdan ortiq yerga oid huquqbuzarlik holatlari aniqlangan

Kadastr agentligining Toshkent viloyati boshqarmasi tomonidan 2025-yil 1-choragi davomida olib borilgan nazorati tadbirlari davomida jami 1 285 ta yerga oid huquqbuzarlik holatlari aniqlangan.

Eng ko‘p holatlar quyidagi hududlarda qayd etilgan:

✅Bo‘stonliq tumani - 155 ta;
✅Zangiota tumani - 120 ta;
✅Toshkent tumani - 87 tа;
✅Yangiyo‘l tumani - 75 ta.

Shu o‘rinda Kadastr agentligi Toshkent viloyati boshqarmasi fuqarolardan ruxsatsiz qurilish qilmasliklarini, yerlarni o‘zboshimchalik bilan egallab olmasliklarni va egalik huquqi mavjud bo‘lganda esa o‘z vaqtida davlat ro‘yxatidan o‘tkazishlarini so‘rab qoladi !

#yernazorati #infografika
Kanalga ulanish: https://t.iss.one/tvkad
Facebook Instagram

Yana Nurafshon va yana hujjat soxtalashtirish holati

Kadastr agentligi Toshkent viloyati boshqarmasining Nurafshon shahrida olib borgan nazorat tadbirlari davomida Nurafshon shahar hokimining "Fuqaro R.X.Xga tegishli ikki qavatli noturar obyektini bir qismini noturar-joy toifasidan turar-joy toifasiga o‘tkazishga ruxsat berish to‘g‘risida"gi tegishli qarori va uning mazmuni "XXX MCHJga ko‘p qavatli turar-joy va 1-2-qavatida savdo va maishiy xizmat ko‘rsatish obyektlari qurish uchun yer ajratib berish to‘g‘risida"gi kabi so‘zlar bilan o‘zgartilib, soxtalashtirish orqali Nurafshon shahar, "Yangi obod" MFY hududida joylashgan, shahar zaxira yerlari tarkibida bo‘lgan 1,20 gektar yer maydoni noqonuniy o‘zlashtirilib, qurilish qilinganligi aniqlandi.

✅Holat yuzasidan Kadastr agentligi viloyat boshqarmasi tomonidan to‘plangan materiallar Qo‘shma tartib asosida prokuratura organlariga yuborilishi taʼminlandi.

#yernazorati #Nurafshon
Kanalga ulanish: https://t.iss.one/tvkad
Facebook Instagram

Nurafshon shahrida noqonuniy holat bartaraf etildi

Nurafshon shahrida olib borilgan nazorat tadbiri davomida shaharning “Degantepa” MFY hududida 1000kv.m yer maydoni fuqaro T.A tomonidan o‘zboshimcha egallanib, 50 kv.m maydonida noqonuniy qurilish ishlari amalga oshirilganligi aniqlandi.

Kadastr agentligining Nurafshon shahar bo‘limi tomonidan fuqaroga nisbatan tegishli tartibda maʼmuriy hujjatlar rasmiylashtirilib, rasmiy ogohlantirish berildi.

✅Natijada berilgan muddat ichida fuqaro tomonidan qurilmaning ixtiyoriy ravishda bartaraf etilishi taʼminlandi.

#yernazorati #Nurafshon
Kanalga ulanish: https://t.iss.one/tvkad
Facebook Instagram

⚡️Jinoyat ketidan sodir etilgan yana bir jinoyat

Zangiota tumani hokimining teshishli qaroriga asosan tumanning Qatortol qishlog‘i, Navro‘z massivida joylashgan qishloq xo‘jaligi xaritasining 387q,388q-konturlardagi jami 2,50 gektar “B.M.M.B” fermer xo‘jaligi ijarada foydalanishida bo‘lgan yer maydoni fuqaro X.G ga “Ishlab chiqarish sexlari va ma‘muriy bino hamda omborxona bino-inshootlari qurilishi uchun" ajratib berilishiga yo‘l qo‘yilganligi sababli Kadastr agentligi viloyat boshqarmasi tomonidan prokuratura organlariga materiallar yuborilgan.

Biroq, mazkur holat yuzasidan jinoyat ishi qo‘zg‘atilgan bo‘lishiga qaramay, ushbu yerda qurilish qilish maqsadida yer uchastkasining kadastr pasporti hamda Qurilish va uy-joy kommunal xo‘jaligi tomonidan beriladigan “Obyektni ixtisosini o‘zgartirish va rekonstruksiya qilish”ga ruxsatnomalarni soxtalashtirilganlik holati aniqlandi.

✅Holat yuzasidan Kadastr agentligi viloyat boshqarmasi tomonidan to‘plangan materiallar prokuratura organlariga yuborilishi taʼminlandi va Jinoyat ishiga qo‘shilgan holda tergovga qadar surishtiruv ishlari olib borilmoqda.

#Zangiota #yernazorati
Kanalga ulanish: https://t.iss.one/tvkad
Facebook Instagram