#korrupsiyaga_qarshi #Zangiota
⚡️Korrupsiya- taraqqiyot kushandasi

🔹Bugun Kadastr agentligi va Davlat kadastrlari palatasi Toshkent viloyati boshqarmalarining Korrupsiyaga qarshi kurashish bo‘yicha bosh mutaxassislari tomonidan Zangiota tuman bo‘limida qo‘shma tadbir o‘tkazildi.

🔹 Har bir xodim bilan individual tarzda o‘tkazilgan suhbatda xodimlar o‘z vazifasiga vijdonan yondoshgan holda faoliyat yuritishini, vazifasini suiisteʼmol qilmasligi uqtirildi. O‘z moddiy manfaatlarini ko‘zlab bu illatga qo‘l urmasligi qolaversa har bir jinoyat uchun jazo muqarrarligi tushuntirildi.

🔹Suhbat so‘nggida binoga kirayotgan tashrif buyuruvchilarni doimiy ravishda qayd etib borilishi lozimligi hamda korrupsion holatlar asosan sobiq xodimlar tomonidan amalga oshirilayotganligini, tuman bo‘lim va filialidan ishdan bo‘shab ketgan sobiq xodimlarni binoga doimiy ravishda tashrif buyurishlarini hamda amaldagi xodimlar bilan ish vaqtida muloqot qilishini oldini olish choralarini ko‘rish lozimligi taʼkidlandi.

Kanalga ulanish: https://t.iss.one/tvkad
Facebook Instagram

⚡️Zangiota tumanida qo‘pol yer qonunbuzilish holati aniqlandi

Aniqlanishicha, Zangiota tumani hokimining 09.07.2010-yildagi 441-son qaroriga asosan tumanning Qatortol hududida faoliyat yuritayotgan “Nodira Dilnoza Fayz” fermer xo‘jaligi ijarada foydalanishida bo‘lgan 3,0 gektar (53 ball bonitetli) sug‘oriladigan ekin yer maydoni “Davlat” fermer xo‘jaligiga yengil tipdagi muqobil yoqilg‘idan foydalaniladigan “Issiqxona” qurilishi uchun yer maydoni tanlash va ajratish to‘g‘risidagi hay‘at a‘zolarining 22.05.2010-yildagi dalolatnomasi tasdiqlangan.

Biroq, yuqorida qayd etilgan qaror Yer kodeksining 23-moddasi talablariga zid ravishda “Nodira Dilnoza Fayz” fermer xo‘jaligi ijarada foydalanishida bo‘lgan yer maydoni belgilangan tartibda davlat zaxira yerlari tarkibiga qaytarib olinmasdan turib, “Davlat” fermer xo‘jaligiga 3,0 gektar yer maydoni yer ajratish tariqasida viloyat hokimi qarori bilan realizatsiya qilinmaganligi natijasida yer uchastkasiga bo‘lgan huquqi davlat ro‘yxatidan o‘tkazilmagan va 1 402,48 kv.m. bo‘lgan issiqxona va bostirma bino-inshootlari qurish ishlari amalga oshirilib, begonalashtirib yuborilgan.

⚠️Natijada esa qishloq xo‘jaligi ekin yer maydoni kapital qurilmalar qurilishi oqibatida noqishloq xo‘jaligi yer toifasiga o‘tib ketishiga sabab bo‘lgan.

✔️Holat yuzasidan Kadastr agentligi viloyat boshqarmasi tomonidan to‘plangan materiallar Qo‘shma tartib asosida prokuratura organlariga yuborilishi taʼminlandi.

❗️Hurmatli fuqarolar, fermer xo‘jaliklari va boshqa qishloq xo‘jaligi korxonalari!

Ijara huquqi asosida ajratilgan qishloq xo‘jaligida foydalaniladigan ekin yer maydonlarida, shuningdek, sug‘oriladigan ekin yer maydonida qurilish qilish mumkin emasligini unutmang!

#yernazorati #Zangiota
Kanalga ulanish: https://t.iss.one/tvkad
Facebook Instagram

O‘zganing yeriga qurilgan noqonuniy qurilma aniqlandi

Aniqlanishicha, Zangiota tumani hokimining 15.08.2018-yildagi 1608-sonli qaroriga asosan tumanning Qatortol qishlog‘i Navro‘z hududida joylashgan, fuqaro M.Zga “Obodonlashtirish va ko‘kalamzorlashtirish” uchun berilgan qishloq xo‘jaligi xaritasining 161-konturida joylashgan 0,50 gektar qishloq xo‘jaligida foydalanilmaydigan ekin yer maydonida “Ishlab chiqarish sexi” qurilishiga ruxsat berilgan.

Biroq, M.Z tomonidan mazkur hududdagi "Zoitbek Marxabo" fermer xo‘jaligining ijarada foydalanishida bo‘lgan qishloq xo‘jaligi xaritasining 169-konturidagi 60 ball bonitetli sug‘oriladigan yer maydonida kapital qurilish ishlari amalga oshirilgan.

⚠️Natijada esa qishloq xo‘jaligidagi sug‘oriladigan ekin yer maydoni kapital qurilmalar qurilishi oqibatida noqishloq xo‘jaligi yer toifasiga o‘tib ketishiga sabab bo‘lgan.

✔️Holat yuzasidan Kadastr agentligi viloyat boshqarmasi tomonidan to‘plangan materiallar Qo‘shma tartib asosida prokuratura organlariga yuborilishi taʼminlandi.

❗️Hurmatli fuqarolar, fermer xo‘jaliklari va boshqa qishloq xo‘jaligi korxonalari!

Ijara huquqi asosida ajratilgan qishloq xo‘jaligida foydalaniladigan ekin yer maydonlarida, shuningdek, sug‘oriladigan ekin yer maydonida qurilish qilish mumkin emasligini unutmang!

#yernazorati #Zangiota
Kanalga ulanish: https://t.iss.one/tvkad
Facebook Instagram