#xushxabar

G‘alaba muborak!!!

ChDPUning "Hurriyat" jamoasi “Ma’rifat maydoni” Respublika ko'rik-tanlovining hududiy bosqichida ishtirok etdi va “Ma’rifat maydoni”da g‘oliblikni qo‘lga kiritdi. "Hurriyat" g‘alaba muborak!

👍 ❤️ 📩 @tvchdpi2017  #faxr #гордость #pride

Universitet talabalari xalqaro tanlov g‘olibi bo‘ldi
#xushxabar #CHDPU_faxri
#CHDPU_art

O‘zbekiston Badiiy akademiyasining “Akademiya” galereyasida O‘zbekiston Badiiy akademiyasi hamda Koreya Respublikasining Kemyung universiteti hamkorligida tashkil etilgan “Peyzaj va portret” nomli 1-xalqaro ijodiy tanlov g‘oliblarini taqdirlash hamda ular ijodiy ishlari ko‘rgazmasining ochilish marosimi bo‘lib o‘tdi.

Quvonarlisi, xalqaro miqyosda o‘tkazilgan ushbu ijodiy tanlovda Chirchiq davlat pedagogika universiteti San’atshunoslik fakulteti “Tasviriy san’at va muhandislik grafikasi” ta’lim yo‘nalishi talabalari Shohruza Tojiboyeva va Sardor Haqnazarov tanlovning 3-o‘rniga sazovor bo‘lgan bo‘lsa, shu ta’lim yo‘nalishi talabasi Nargiza Abdumajitova tanlovda 2-o‘rinni qo‘lga kiritdi.

G‘oliblar O‘zbekiston Badiiy akademiyasi raisi Akmal Nur va Koreya Respublikasi Kemyung universiteti xalqaro ishlar prorektori Kim Song Chjon tomonidan munosib sovg‘alar bilan mukofotlanishdi.

Rektor G‘ofurjon Muxamedov va universitet jamoasi talabalarimizni ushbu muvaffaqiyat bilan muborakbod etib, ularning kelgusidagi ijodiy ishlariga omad va zafarlar tilaydi.

👍 ❤️ 📩 @tvchdpi2017  #faxr #гордость #pride

Universitetimiz talabasi “Ilhom” mukofoti 2024-yil tanlovi sohibasi
#CHDPU_faxri #xushxabar

Joriy yilning 10-iyun kuni Adiblar xiyobonida kunning eng yodda qolarli voqeligi — “Ilhom” mukofoti respublika tanlovining 2024-yilgi sovrindorlarini taqdirlash marosimi bo‘lib o‘tdi.

Tanlovda yuqori natijalarga erishgan Chirchiq davlat pedagogika universiteti 4-bosqich talabasi Yorbulova Dildora Shokir qizi “Ilhom” mukofoti 2024-yil tanlovining 3-o‘rin sohibasi sifatida e’lon qilindi.
Dildora Yorbulova 15 mln. soʻm pul mukofoti, maxsus diplom va statuetka bilan taqdirlanadi.

👍 ❤️ 📩 @tvchdpi2017  #faxr #гордость #pride

Turkiyaning mashhur nashriyoti Sevinchni e’tirof etdi
#CHDPU_faxri #xushxabar

Joriy yilning 24-27 iyun kunlari Turkiyaning Alanya hokimligi huzuridagi Baygench nashriyoti va Shine Qizlar Akademiyasi rahbari Shohida Yusupova tarafidan tashkil qilingan O‘zbekistonning turli yo‘nalishlarda faoliyat ko‘rsatayotgan iqtidorli va faol ayol-qizlarning ijodiy ishlari jamlangan “O‘zbekistan’ın lider kadınları” (O‘zbekistonlik lider ayollar) kitobining taqdimoti va taqdirlash marosimi bo‘lib o‘tdi.

Taqdimotda bir guruh o‘zbek-turk shoir-yozuvchilari, professor va fan doktorlari, magistrlar qatorida Chirchiq davlat pedagogika universiteti Boshlang‘ich ta’lim yo‘nalishi 4-bosqich talabasi Paxriddinova Sevinch Bahodir qizi ham o‘z ijod namunasi bilan ishtirok etdi.

Baygench nashriyoti rahbari Arslan Bayir Sevinch kabi yosh iqtidor egalari tufayli ikki millat o‘rtasidagi adabiy, madaniy va do‘stlik aloqalarini yana-da mustahkamlanishi va davom etishini ta’kidlab o‘tdi.

Rahmat Sevinch, CHDPU Siz bilan faxrlanadi!

👍 ❤️ 📩 @tvchdpi2017  #faxr #гордость #pride

Talabamiz Turkiyadagi xalqaro festivalda e’tirof etildi
#CHDPU_faxri
#xushxabar

Turkiyaning Izmir shahrida «Menemen» 3-Xalqaro kulolchilik festivalida Chirchiq davlat pedagogika universiteti talabasi Oybek Burhoniddinov eng yosh kulol sifatida e’tirof etildi. Bu haqda O‘zbekiston Badiiy Akademiyasi matbuot xizmati xabar berdi.

6—8 sentabr kunlari o‘tkazilgan festivalda Turkiya, Portugaliya, Rossiya, Ukraina, Chexiya, Isroil, Fransiya, Germaniya, Ozarbayjon, Turkiya, Avstriya, Eron va O‘zbekiston kabi 37 davlatdan 70 nafar hunarmand ishtirok etdi.

Dunyo kulollari yig‘ilgan festivalda universitetimiz talabasi Oybekka "Eng yosh iqtidorli kulol" nominatsiyasi g‘olibligi berildi.

Oybekni xalqaro miqyosdagi maqom bilan tabriklaymiz!


👍 ❤️ 📩 @tvchdpi2017  #faxr #гордость #pride

CHDPU talabalari xalqaro tanlov g‘olibi bo‘ldi
#CHDPU_faxri #xushxabar

“O‘zbekiston – Germaniya” do‘stlik jamiyati hamkorligida Germaniya birligi kuni (nem. Tag der Deutschen Einheit) - milliy bayrami kuni munosabati bilan O‘zbekiston OTMlarining nemis tili yo‘nalishida tahsil olayotgan talabalar o‘rtasida “Eng yaxshi PowerPoint taqdimoti” tanlovi o‘tkazildi.

Mazkur xalqaro tadbir O'zbekiston tomon tashabbusi bilan Germaniya elchixonasi shafeligida o'tkazildi. Tanlov natijalari elchixona vakillari Efa Shnayder, Germaniyalik mutaxassis Yohanna Mayer va xalqaro ekspertlar kuzatuvida baholandi. Yakuniy natija ko‘ra Chirchiq davlat pedagogika universiteti talabalari mutloq g‘olib deb topildi.

Tanlovda ishtirok etgan barcha jamoalar “O‘zbekiston–Germaniya” do‘stlik jamiyatining va Germaniyaning O‘zbekistondagi elchixonasining sovg‘alari bilan taqdirlandilar.

Talabalarimizni xalqaro miqyosdagi maqom bilan tabriklaymiz!


👍 ❤️ 📩 @tvchdpi2017  #faxr #гордость #pride

#faxr
Oliy ta'lim, fan va innovatsiyalar sohasidagi samarali mehnati va xizmat vazifasiga bo'lgan sadoqati uchun Chirchiq davlat pedagogika universiteti professorlari Feruza Usmonovna Qodirova, Ikromjon G‘ulomjonovich Tursunov, Xolida Gulyamova va Saodat Adburashidovna Toshtemirova vazir tashakkurnomasi bilan taqdirlandilar.

Uchbu ehtirom ustozlarimizga muborak bo‘lsin!


👍👍 @tvchdpi2017