#Ilm_innovatsiya #diplomatiya
#talaba_manfaati #xizmat_safari
Chirchiq davlat pedagogika universiteti professorlari Dilfuza Maxmudova va Gavhar Abdullayevalar Malaziyaning Sultan Idris pedagogika universitetiga xizmat safari doirasida "IT sohasidagi qizlar Markazi" rahbari bilan bilan muloqot qildi.
Suhbat davomida hamkorlikda IT sohasida ilmiy va startap loyihalarni shakllantirish, talabalar va yosh olimlar uchun stajirovkalarni tashkil etish, ikki universitet talaba qizlari o'rtasida ta'lim aloqalarini rivojlantirish va tajriba almashish masalalari muhokama etildi.
Universitet olimlarining xizmat safari davom etmoqda.

👍👍 @tvchdpi2017

ChDPU professori Ozarbayjon Milliy ilmlar akademiyasi maxsus diplomi bilan taqdirlandi
#diplomatiya
#xizmat_safari

13-20 aprel kunlari Boshlang‘ich ta’lim nazariyasi kafedrasi professori, filologiya fanlari doktori Surayyo Eshonqulova xalqaro konferentsiyada ishtirok etish va bir qator ilmiy markazlarda uchrashuvlar o‘tkazish maqsadida Ozarbayjonga ilmiy safar qildi.

Ozarbayjon Milliy ilmlar akademiyasi shafeligida o‘tkazilgan «Buyuk ozarbayjon shoiri Muhammad Fuzuliy umummusulmon madaniyatining namoyondasi» va «O‘zbek va Ozarbayjon filologiyasining dolzarb masalalari» mavzusidagi xalqaro konferensiyalarda ishtirok etgan Surayyo Eshonqulova ma’ruzalari xalqaro darajadagi olimlar tomonidan e’tirof etildi.

Anjuman yakunida Ozarbayjon Milliy ilmlar akademiyasi raisi O‘zbekiston va Ozarbayjon o‘rtasida fan va ta’lim sohalarda hamkorlik aloqalarini rivojlantirishdagi qo‘shgan hissasi uchun ChDPU professori Surayyo Eshonqulovani akademiyaning maxsus diplomi bilan taqdirladi.

Ilmiy safar davomida Ozarbayjon Prezidenti huzuridagi Oliy attestatsiya komissiyasi tasarrufidagi “Ozarbayjon tili va adabiyoti tadqiqi” va “Maktabgacha va boshlang‘ich ta’lim” ilmiy-metodik jurnallarining tahririyati rahbariyati taklifiga binoan uchrashuv tashkil etildi. Uchrashuv jarayonida filologiya fanlari doktori Surayyo Eshonqulova tahririyatlar rahbarlari bilan Chirchiq davlat pedagogika universiteti bilan hamkorlik yo‘llarini yanada rivojlantirishga kelishib olindi. Professor Surayyo Eshonqulova mazkur jurnallarning tahrir hay’at a’zoligiga taklif etildi.

Navbatdagi manzil Ozarbayjon davlat pedagogika universiteti bo‘ldi. Surayyo Eshonqulova xalqaro aloqalar bo‘yicha prorektor Mahira Husenova qabulida bo‘lib, universitetatlar o‘rtasidagi hamkorlik, kelgusidagi qilinadigan ishlar haqida suhbalashdi. Ozarbayjon Turkologiya markazi bilan tanishdi, markazda bo‘lib o‘tgan turkolog olim Elchin Ibrohimovning “Turk dunyosida umumiy alifbo va muloqot tili” monografiyasining taqdimotida istirok etdi.

👍👍 @tvchdpi2017

#diplomatiya
#xizmat_safari

Ayni vaqtda O‘zbekiston Maktabgacha va maktab ta’limi vazirligi delegatsiyasi “Hayot maktabi” dasturi doirasida Belarus Respublikasida bo‘lib turibdi.
Delegatsiya vakillari orasida Maktabgacha ta’lim metodikasi kafedrasi mudiri Lola Narimbayeva Belarus davlat pedagogika universitetida malaka oshirish bilan bir qatorda "Kichik yoshdagi bolalar bugungi mehnat bozorida talab qilinadigan ko‘nikmalarni egallashi uchun" ta’lim dasturlarini yaratish yuzasidan fikr almashmoqda.
Universitet vakilining xizmat safari davom etmoqda.

👍👍 @tvchdpi2017

#xizmat_safari
"Central Asia-2024" doirasidagi "XALQARO HAMDO‘STLIK FORUMI: HAMKORLIK VA INNOVATsIYaLAR" mavzusidagi III Xalqaro kutubxonachilik Forumi bo‘lib o‘tayapti.
Forum ishida ChDPU Axborot-resurs markazi direktori Muqaddam Xamidova va markazning Ilmiy - uslubiy va axborot -ma'lumot (davriy nashrlar) bo'lim mudiri Gulnora Umurzakovalar ishtirok etmoqda.

👍👍 @tvchdpi2017