Tumanlarda MTM rahbarlari va ota-onalar ishtirokida treninglar o‘tkazilmoqda
#kafedra_tashabbusi
#PTIK
Toshkent viloyati tumanlarida "Bolani muvaffaqiyatli shaxs qilib tarbiyalashda ota-onalar bilan hamkorlikning o‘rni va ahamiyati" mavzusida treninglar bo‘lib o‘tmoqda. Unda MTM mudiralari, tarbiyachi-pedagoglar va ota-onalar ishtrok etishdi.

Maktabgacha ta’lim metodikasi kafedrasi tashabbusi bilan tashkil etilayotgan treninglarda "Maktabgacha ta’lim muassasalarida tarbiyalanuvchilarni maktabga tayyorlashda ota-onalar hamkorligi" mavzusida qiziqarli mahorat darslari o‘tkazilmoqda. Shuningdek, eng zakovatli va IQ darajasi yuqori bolalar tarbiyalashda tarbiyachi va ota-onalarga yuklanadigan vazifalar haqida ishtirokchilar o‘zaro fikr almashishdi.

“Biz bolalarni iqtidorli ekanidan faxrlansak-da, u ko‘p mehnat qilishi va iste’dodli bo‘lsa ham ehtiyotkor bo‘lishi kerakligini ta’kidlaymiz. Va ular ota-onalar ko‘magida o‘z qiziqish yo‘lini tanlashini xohlaymiz. Ota-ona va bog‘cha hamkorligi bolaga o'z kuchi va imkoniyatiga ishonch bag'ishlaydi. Tevarak-atrofdagi voqeiliklarga ongli munosabat bildirish uchun qo‘ldan kelgancha harakat qilishi mumkin”, – deydi Maktabgacha ta’lim metodikasi kafedrasi mudiri Lola Narimbayeva.

Bizni kuzating: 👉@tvchdpi2017

Tadqiqot + tijorat — menejer talabalar debati tashkil etildi
#kafedra_tashabbusi
#qaror #ijro

“Yoshlar va biznesni qo‘llab-quvvatlash yili” doirasida Maktab menejmenti kafedrasi qoshida tashkil etilgan "O‘qituvchi-tadbirkor" loyihasi faollari bilan debat o‘tkazildi. Bo‘lajak menejerlar bahsida nufuzli tadbirkorlar qatnashdi.

Tadbirkorlar Ibrohim Tursunov, Davron Risqulov va Aziz Farmonovlar bo‘lajak ta’lim menedjerlariga xavf-xatarlarni xolis baholash, boshlang‘ich mablag‘lari hisobiga biznesni qurish, moliyaviy ko‘maklar, innovatsion boshqarish yuzasidan fikr berdi. O‘z tajribalari bilan o‘rtoqlashdi.

Talabalar o‘rtasida o‘zaro fikr va tajriba almashishni ta’minlash hamda menejment yo‘nalishida ta’lim olayotgan yoshlarda liderlik qobiliyatini shakllantirish maqsadida tashkil etilgan "O‘qituvchi-tadbirkor" loyihasi yetakchilarining hisobotlari tinglandi.

Bizni kuzating: 👉@tvchdpi2017

Psixologik treninglardan ham ko‘proq foyda beruvchi fotosuratlar
#kafedra_tashabbusi

Psixologiya kafedrasida «Inson hayotida fototerapiyaning o‘rni» mavzusida psixologik trening tashkil etdi. Treningga Buyuk Britaniyalik eshitishda nuqsoni bor fotorassom Stefen Iliff va “Deaf Mosaic” tashkilotining asoschisi, O‘zbekistonlik fotorassom Husniddin Ato tashrif buyurdi.

Treningda Britaniyalik fotorassom fotografiya sohasidagi tajribalari, sohaning sir asrorlari, eshitishda nuqsonli shaxs sifatida jamiyatga moslashuv kabi fikr va mulohalarini ishtirokchilar bilan o‘rtoqlashdi. Shuningdek, psixologik trening davomida ishtirokchilar bilan amaliy mashg’ulotlar va uning natijalari yuzasidan muhokamalar o‘tkazildi.

Stefen Iliff ta’kidlashicha, “Jamiyatning qo’llab quvvatlovi va ko’magi orqali eshitishda nuqsoni bo’lganlar sog’lom insonlardek barcha orzulariga yetishishlari mumkin”.

Psixologik treningda jamiyatimiz a’zolari orasidan iqtidorlarni izlash va kashf etishga hamda ularning fotografiyadagi ijodini qo'llab-quvvatlashga bag'ishlandi.

Bizni kuzating: 👉@tvchdpi2017

Lola Narimbayeva: Bolalar - klasterning lokomotivi sanaladi
#kafedra_tashabbusi
#CHDPU_strategiyasi

Yurtimizda bolalarni himoya qilish, ularni milliy va umuminsoniy qadriyatlar ruhida tarbiyalash masalasi davlat siyosati darajasiga ko‘tarildi. Universitet, oila, bog‘cha hamkorligi bolalarni ma'naviy-axloqiy tarbiyalash hamda milliy qadriyat va urf-odatlarni yosh avlod ongiga singdirishda muhim omil bo‘lmoqda.

Bolalarning bo‘sh vaqtlarini mazmunli o‘tkazish uchun qulay shart-sharoit yaratish, qiziqishlari bo‘yicha to‘g‘ri yo‘naltirish, sportga jalb qilish kabi masalalarga ham ChDPUda kafedralar timsolida alohida e'tibor qaratgan.

Maktabgacha taʼlim metodikasi kafedra jamoasi Chirchiq shahridagi qator maktabgacha ta’lim tashkilotlari bilan innovatsion metod, innovatsion texnologiyani joriy etish doirasida hamkorliklarni yo‘lga qo‘ygan. Kafedra ko‘p tarmoqli ixtisoslashtirilgan maktabgacha ta’lim tashkilotlarida nogironligi bor bolalarni rivojlanish xaritasini yaratish va yuritish ishlarida faol ishtirok etmoqda.

Kuni kecha kafedra Chirchiq shahrida joylashgan 30-maxsus bog‘cha va 33-maktabgacha ta'lim tashkilotlarida o‘tkazilgan tadbirda qatnashdi. U yerda yuzga yaqin bolajonlarga maxsus sovg‘alar hamda shirinliklar ulashildi. Shu bilan birga, iqtidorli talabalari ishtirokida ertak qahramonlarining chiqishlari namoyish etildi.

👍👍 @tvchdpi2017

Talabalar uchun kichik loyihalar nimasi bilan foydali?!
#kafedra_tashabbusi
#CHDPU_strategiyasi

Ilmiy va metodologik kimyo kafedrasi talabalarining mustaqil ta’lim topshiriqlari va kichik loyihalarni o‘zlashtirish ko‘nikmalari yuzasidan bilimlari sinovdan o’tkazdi. Kafedra talabalar o‘rtasida kichik kimyoviy loyihalar tanlovini o‘tkazdi.

Unda talabalarning g‘oyalari va bir o‘quv semestri davomida berilgan mustaqil ta’lim topshiriqlarini to‘liq, to‘g‘ri va sifatli bajarganligi, fanga oid bilim va ko‘nikmalarni egallash darajasi baholandi.

«Loyiha faoliyatining maqsadi talabalarni o'qitishda nazariyani amaliyot bilan birlashtirish edi. Bu faoliyat talabalarning  kimyo fanidan olgan bilimlari asosida turli kuzatishlar va tadqiqot tajribalari orqali tashkil etildi. Mustaqil ta'limni 2 xil: induvidual videodars shaklida va guruhda loyiha shaklida bajarish yōlga qōyilgan. Xalqaro darajadagi pedagog kadrlar tayyorlash maqsadida talabalarning loyihalari  o‘zga tillarda qabul qilindi», — deydi. Ilmiy va metodologik kimyo kafedradi mudiri dotsent Murod Jo'rayev.

Tanlov asosida tashkil etilgan ilmiy tadbir talabalarning mustaqil fikr yuritish, o‘z-o‘zini o‘stirish, o‘zining rejasini amalga oshirishni shakllantirish maqsadiga qaratildi.

G‘olib talabalar Fizika va kimyo fakulteti rahbariyati tomonidan taqdirlandi.

👍👍 @tvchdpi2017

Navbatdagi metodik seminar: munozara va mulohazalar
#kafedra_tashabbusi #CHDPU_strategiyasi
#talaba_manfaati #kreativ_pedagog

Boshlang‘ich ta’lim nazariyasi kafedrasi tashabbusi bilan boshlang‘ich ta’limda pedagogik qadriyatlarni diagnostikalash maqsadida "Qadriyatdan pedagogik qadriyat sari" shiori ostida "Kreativ pedagog - talaba nigohida" ilmiy-metodik seminar o‘tkazildi.

Mazkur seminar uch avlod vakillari: "Yuksalish maktabi" o‘quvchilari, talabalar va professor-o‘qituvchilar ishtirokida jamoada ishlash qobiliyatini hamda pedagogik qadriyatlarni mustahkamlashga qaratilgan treninglar asosida tashkil etildi.

Milliy va xorijiy metodik tajribalar uyg‘unligida tashkil tashkil etilgan seminar moderator-talabalarning qizg‘in faolligida: bahs-munozaralar, ta’limiy tortushuvlar, metodik izlanishlari namoyish etildi. Ekspert va ishtirokchi professor-o‘qituvchilar tomonidan qo‘llanilgan ta’lim metodlarini nazariy jihatdan mukammal bo‘lsada, ularni amaliy qo‘llash borasida kamchiliklarga yo‘l qo‘yilganligi xususida fikrlar bildirildi.

Pedagogik qadriyatlar boʻyicha yetakchi ekspert, professor Muhammadjon Quronov (ekspert): "Universitet tashkil etilganidan buyon yangi pedagogik innovatsiyalar, yangiliklarning guvohi boʻlganim sabab ChDPUga kelgim keladi. Tashkil etilgan seminar talabalarning oʻquvchilar bilan ishlay olishi, oʻquvchilarning ishtiyoqmand ekanligini koʻrib, universitet rahbari va jamoasi toʻgʻri strategik yoʻlni belgilab olgani va respublika boʻyicha namuna boʻlib kelayotgan pedagogika oliy taʼlim muassasalaridan biri ekanligiga bugungi seminar jarayonlarida guvohi boʻldim".

Seminar yakunida xalqaro darajadagi pedagog kadrlarni tayyorlash strategiyasi doirasida Maktabgacha va boshlang‘ich ta’limda xorijiy til ta’limi yo‘nalishi talabalari tomonidan "Kelinlar qo‘zg‘oloni" spektakli ingliz tilida namoyish etildi.

Metodik seminar "Yuksalish maktabi"ning ijtimoiy tarmoqlarida yoritildi.
Seminardan fotoreportaj.

👍👍 @tvchdpi2017