#yashil_makon_loyihasi_doirasida
KO‘RGAZMALI SEMINAR Bahorning har bir kuni qadrli. Bu degani bahorda har bir kundan unumli foydalanib qolsang, dehqonchiliging ham serdaromad bo‘ladi, deydi qariyalarimiz.
Bugungi har bir kunni g‘animat bilgan bobodehqonlar esa allaqachon dala ishlarini boshlab yuborganlar.
Bugun To‘rtko‘l tumani Ullubog‘ ovul fuqarolar yig‘ini hududidagi “Mavlonbek Ravshanbek” fermer xo‘jaligida o‘tkazilgan ko‘rgazmali seminar aynan bahorgi yumushlarni o‘z muddatida sifatli amalga oshirishga bag‘ishlandi. Tozabog‘yop, Ko‘na To‘rtko‘l, Paxtachi ovul fuqarolari yig‘inlaridan kelgan vakillarga Qoraqalpog‘iston Respublikasi To‘rtko‘l tuman fermer, dehqon xo‘jalikalari va tomorqa yer egalari Kengashining raisi B.Masharipov, tuman qishloq xo‘jaligi boshqarma boshlig‘ining agrotexnologiyalar bo‘yicha o‘rinbosari J. Xudaybergenovlar mavzu yuzasidan so‘z yuritdilar.

#Yashil_makon_loyihasi_doirasida Yurtimiz bo‘ylab “Yashil makon” loyihasi amalga oshrilmoqda. Loyiha doirasida yurtdoshlarimiz o‘zlari yashab turgan hududga turli xil mevali va manzarali ko‘chatlar, turfa xil gul ko‘chatlari ekib uy atroflarini gulzorga aylantirishmoqda.
Bunda To‘rtko‘l tumani bozori hududida tashkil qilingan “Yashil makon” ko‘chatlar yarmarkasi juda qo‘l kelmoqda. Ushbu yarmarkada nafaqat tumanimizdan balki, qo‘shni Beruniy tumani, Xorazm viloyati hamda vodiydagi ko‘chatchilik bilan shug‘ullanuvchi soha mutaxassislari o‘z mahsulotlarini taqdim qilmoqdalar.
Yarmarkaga tashrif buyursangiz turli xil mevali va manzarali daraxt ko‘chatlarini sotib olishda uni parvarishlash sirlari ham tavsiya qilinadi. ✅To‘rtko‘l tumani hokimligi Axborot xizmati
WEB SAYT | IG | FB | TW|YT | TG