#АмирТемур дипломатиясининг тарихий аҳамиятини дунё тан олганлиги биз учун фахрдир.
Амир Темур ўз даврининг энг моҳир дипломати сифатида ҳам чуқур из қолдирган. У буюк давлат арбоби сифатида ўз мақсадларига эришишда дипломатиянинг тинч йўли билан ҳарбий тадбирларни моҳирона қўшиб олиб борган.
Тарихий ҳужжатларнинг далолат беришича, ХIV аср 70-йиллариданоқ Европа давлатлари вакиллари Туркистонга келиб, бу ердаги янги, мустақил давлатнинг қудрати ва имкониятлари билан жиддий қизиққанлар. Амир Темур ҳам ўз навбатида, айниқса, катта салтанат шакллангач, ўша даврнинг деярли барча таниқли давлатлари ва уларнинг ҳукмдорлари билан фаол дипломатик алоқалар ўрнатган, турли давлатларга ўз элчиларини юборган ва ўз навбатида унга юборилган чет эл вакилларини қабул қилган. У бошқа давлатлар ва халқлар билан ўзаро фойдали бўлган иқтисодий-савдо ва маданий алоқалар ўрнатиш ва ривожлантиришга ҳар жиҳатдан ёрдам берган. У мўғуллар ҳукмронлиги даврида ўз аҳамиятини йўқотган Буюк Ипак йўлини қайта тиклашдек улуғ мақсадига эришди.
Амир Темур дипломатиясининг назарий асосини ислом дини ташкил этган. Ислом унга ўз олдига қўйган асосий мақсади мўғуллардан холи бўлган мустақил давлат тузиш , сўнгра эса региондаги 27 та катта, кичик давлатларни бирлаштирган.
Амир Темур фаол дипломатик сиёсат туфайли унинг салтанати билан жаҳоннинг ўша даврда таниқли бўлган барча давлатлари орасида доимий алоқа ўрнатилган ва бу ўз навбатида дунёдаги кўпгина мамлакатлар билан савдо-иқтисодий алоқаларнинг ривожланишига ва маданият тараққиётига хизмат қилган.
Республика Маънавият ва маърифат маркази Тўрткўл туман бўлинмаси.
Каналга уланиш👇👇👇
👉 https://turtkulhokim.uz
🌐Ⓜ️anba: https://t.iss.one/turtkulhokim_uz