Tantanali tadbirda tuman hokimi R.Shamuratov barcha yurtdoshlarimizni bayram munosabati bilan qizg‘in tabrikladi. Shuningdek, Ikkinchi jahon urushiga tumanimizdan 13 ming 807 nafar yigitlarimiz jo‘nab ketgan bo‘lib, shundan, 2006 nafari frontda halok bo‘lgan, 505 nafari frontda bedarak yo‘qolgan. Ko‘pchiligi jangovar orden va medallar bilan taqdirlangan bo‘lsa, 5 nafari Urunbay Nurullaev, Plis Nurpeisov, Inoyat Nauruzbaev, Dmitriy Bernadskiy, Mixail Bulatov “Qahramon” unvoniga sazovor bo‘lganligini, ozodlik, erkinlik yo‘lida kurashgan ota-bobolarimiz jasorati xotiramizdan hech qachon o‘chmasligini bildirdi. ✅To‘rtko‘l  tumani hokimligi Axborot xizmati   
WEB SAYT | IG | FB | TW|YT | TG

Shundan so‘ng so‘zga chiqqan harbiylar, nuroniylar vakillari bugungi osuda hayotimiz uchun jonini fido qilgan vatandoshlarimiz hamisha qalbimizda yashashini, ularning vatan himoyasi, yurt ozodligi uchun harakatlari hamisha yuksak baholanishini ta’kidladilar.
Shu bilan birgalikda front ortida va janggohlarda qahramonlik ko‘rsatgan barchaning porloq xotirasi yod olinib, duoga qo‘l ochildi.
Bayram tadbirida tuman madaniyat bo‘limi xodimlari tomonidan tayyorlangan badiiy chiqishlar, yoshlarning va madaniyat bo‘limi xushovoz xonandalarining konsert dasturlari xavola qilindi.
Harbiylarning tantanali ravishda safda yurishlari kabi chiqishlar barchaga manzur bo‘ldi. ✅To‘rtko‘l  tumani hokimligi Axborot xizmati   
WEB SAYT | IG | FB | TW|YT | TG

Shundan keyin tuman hokimi R.Shamuratov, sektor rahbarlari, mudofaa va huquqni muhofaza qilish idoralari vakillari, tashkilot rahbarlari, korxona va tashkilotlar mutasaddilari, ta’lim muassasalari va yoshlar «Motamsaro ona» yodgorligi poyiga gulchambarlar va guldastalar qo‘ydilar. ✅To‘rtko‘l  tumani hokimligi Axborot xizmati   
WEB SAYT | IG | FB | TW|YT | TG