ТЎРТКЎЛДА КРОСС СПОРТ МУСОБАҚАСИ БЎЛИБ ЎТДИ.
Бугун Тўрткўл туманида Ўзбекистон Республикаси Президентининг ПФ - 6099 Фармони ижросини таъминлаш ҳамда аҳоли ўртасида соғлом турмуш тарзини тарғиб қилиш мақсадида Ўзбекистон Либерал Демократик партияси, туман ҳокимлиги ташаббуси билан Тўрткўл тумани марказий кўчасида кросс спорт мусобақаси ўтказилди.
Спорт мусобақасида тумандаги овул ва маҳаллалардан фуқаролар иштирок қилдилар. Спорт мусобақасини туман ҳокими Р.Шамуратов очиб берди ва ёшларни соғлом турмуш тарзига чақирди. Шунингдек, Ўзбекистон Либерал демократик партиясидан Олий Мажлис қонунчилик палатасига сайланган депутат Р.Мамутов ҳам фуқароларни соғлом турмуш тарзига риоя қилишга чорлади.
Кросс спорт мусобақасида 7 ёшдан 70 ёшгача бўлган соғлом турмуш тарафдорлари қатнашдилар. Спорт мусобақасида аёл-қизлар ўртасида Шаҳло Илясова 1-ўринни, Динора Қабулжанова 2-ўринни, Роза Исломбоева 3-ўринни эгалладилар. Ўғил болалар ўртасида 1-ўринни Ўткир Машарипов, 2-ўринни Шокир Аллаяров, 3-ўринни Шуҳрат Казаковлар эгалладилар.
Мусобақа якунида ғолиблар ва фаол қатнашган спортчилар ташкилотчилар томонидан қимматбаҳо совғалар билан тақдирландилар.
Тўрткўл тумани ҳокимлиги Ахборот хизмати.
Каналга уланиш👇👇👇
👉 https://turtkulhokim.uz
🌐Ⓜ️anba: https://t.iss.one/turtkulhokim_uz
https://www.facebook.com/turtkultumani.hokimligi

Toʻrtkoʻl tumani XTB ga qarashli 22-umumtaʼlim maktabida "Navoiyga taʼzim, Boburga tahsin" deb nomlangan adabiy-badiiy kecha oʻtkazildi. Tadbirda Respublika Ma'naviyat va maʼrifat markazi Toʻrtkoʻl tumani boʻlinmasi rahbari J.Settiyev ishtirok etdi. Sahnaning davr ruhiyatiga mos tarzda bezatilgani oʻquvchilarda oʻsha davr haqida kengroq tasavvur uygʻota oldi. Ushbu tadbirda maktabning 5-6-7-10-11-sinf oʻquvchilari tomonidan tayyorlangan Navoiy va Bobur hayoti haqidagi sahna koʻrinishlari, musiqiy chiqishlar barchada katta taassurot qoldirdi. Shuningdek, tadbir davomida oʻquvchilar Hazrat Navoiy va Bobur gʻazallarini, ruboiylarini nafaqat oʻzbek tilida, balki qoraqalpoq, turkman,
fors, rus, ingliz, ispan, hind tillarida ifodali qilib aytishdi. Ular oʻz chiqishlari davomida Navoiyning muhabbatini ham, donoligini ham, Boburning sogʻinchi-yu armonini ham tomoshabinlarga taqdim etishdi.
Каналга уланиш👇👇👇
👉 https://turtkulhokim.uz
🌐Ⓜ️anba: https://t.iss.one/turtkulhokim_uz

XTB ga qarashli 22-sonli maktabda tashkil etilgan qo'girchoq teatrida Navoiy qalamiga mansub "Lison ut-tayr" dostonining qoʻgʻirchoq teatri shaklida tomoshabinlarga taqdim etilgani barchada katta taassurot qoldirdi. Oʻquvchilar tadbirdagi ishtiroki orqali Navoiy dahosi va Bobur siymosini oʻzlari uchun yangidan kashf qilishdi, ularning ijodini ham, qalblarini larzaga solgan tuygʻularini ham his qila olishdi. Bu kabi tadbirlar yosh avlod qalbida buyuk bobolarimizga boʻlgan hurmat va ehtiromni oshirishga, faxr tuygʻusini shakllantirishga xizmat qiladi.

Тўрткўл тумани "Тинчлик" МФЙда жойлашган 18-сон мактабида "Аҳил оила куни" мавзусида тадбир бўлиб ўтди. Тадбирда туман маҳалла ва оилани қўлаб-қувватлаш бўлими мутахассиси С. Розметова, Ўзбекистон, Қорақалпоғистон ёзувчилар уюшмаси аъзоси Тўрткўл ахборот кутубхона марказининг мутахассиси М. Юсупова,18-сон мактаб психологи С.Джаббарова ва "Тинчлик", " Ўзбекистон", "Истиқлол" маҳаллаларининг ходимлари ва фаол аёл- қизлар, нуроний онахонлар қатнашди.

Тадбирда Ўзбекистон Республикаси Президентининг 2020 йил 25 декабрда ўтказилган Ўзбекистон ёшлар форумида оилавий ажримларни олдини олиш бўйича кенг жамоатчиликка, нуроний отахон ва онахонларга, оқила ва меҳрибон оналарга қилган мурожаатидан келиб чиқиб, "Оилавий муносабатларни мустаҳкамлаш ва инсон ҳаётида оиланинг ўрнини янада ошириш"мавзусида Ўзбекистон ёшларига бир гуруҳ фаол нуронийларга Мурожаат ўқиб эшиттирилди. Тадбирда оилага бағишланган шеърлар ўқилди ва саҳна кўриниши ижро этилди. Шунингдек, психологик, интерфаол ўйинлар ўтказилди.
Мурожаатнома асосида ҳар шанба куни "Аҳил оила куни" деб белгиланиб, ҳамкор ташкилотлар билан аҳоли, айниқса ёш оила вакиллари, мустақил ҳаётга қадам қўйиш бўсағасидаги йигит-қизлар ва ота-оналар билан учрашув-суҳбатлар ўтказилиши белгиланди.
Каналга уланиш👇👇👇
👉 https://turtkulhokim.uz
🌐Ⓜ️anba: https://t.iss.one/turtkulhokim_uz
https://www.facebook.com/turtkultumani.hokimligi

Ɵзбекстан Президенти Шавкат Мирзиёевтиң ҳəпте даўамындағы жумысы ҳаққындағы «Арнаўлы ракурс» көрсетиўиниң биринши санын тамаша етиң.

Ўзбекистон Президенти Шавкат Мирзиёевнинг ҳафта давомидаги фаолияти ҳақидаги «Махсус ракурс» кўрсатувининг биринчи сонини томоша қилинг.

Каналға ағза болыў:@QResMinistrlerKenesi

"НАВОИЙНИ ЭСЛАБ" ТАНЛОВИДА ИШТИРОК ЭТИНГ ВА НОУТБУК ЮТИБ ОЛИНГ!

Халқ таълими вазирлиги Алишер Навоий таваллудининг 580 йиллиги муносабати билан #Navoiyni_eslab хэштеги остида ижодий ишлар танловини эълон қилади.

‼️Танловда Навоий асарларини ёд олишга иштиёқи баланд бўлган мактаб ўқитувчи ва ўқувчилари иштирок этишлари мумкин.

Бунинг учун сиздан:

🔹Навоий асарларини ижодий ёндашган ҳолда ижро этиб, уни #Navoiyni_eslab хэштеги билан Facebook ижтимоий тармоғидаги ўзингиз истаган оммалашган гуруҳлардан бирига жойлашингиз лозим бўлади. Мисол тариқасида вазирлик ва фейсбукдаги Maslahat.uz гуруҳи ўртасида ҳамкорлик йўлга қўйилган бўлиб, ўз ижодий ишингизни тарғиб қилишда мазкур гуруҳ ёрдамидан ҳам фойдаланишингиз мумкин бўлади.

Видеороликларни баҳолашда қуйидагиларга эътибор қаратилади:

✅Креатив ёндашув;
✅Видеороликнинг сифати;
✅Ижро маҳорати;
✅Видеони ижтимоий тармоқларда оммалашгани.

⏰Видеоролик вақти 3 дақиқадан ошмаслиги тавсия этилади.

Танлов ўтказилиш вақти: 2021 йилнинг 1 дан 5 февралга қадар (шу куни ҳам).

6 февраль куни саралаб олинган энг яхши видеолар вазирликнинг Телеграмдаги расмий саҳифасига овоз бериш учун қўйилади.

‼️Овоз бериш жараёни 9 февраль куни соат 10:00 да якунланади.

🎁Номзодлар орасидан энг кўп овоз тўплаган 3 нафар иштирокчи ҳомийлар томонидан тақдим этилган ноутбук билан тақдирланади.

Куни кеча Олий Мажлис Қонунчилик палатасининг Аграр ва сув хўжалиги масалалари қўмитаси раиси Р. Мамутов Қорақалпоғистон Республикаси Жўқорғи Кенгаси қўмита бошлиғи Ш. Атаниязов, Қорақалпоғистон Республикаси Сув хўжалиги вазири Ж.Узаков, Элликқальа тумани ҳокими С.Авезов ҳамда Тўрткўл тумани ҳокими Р.Шамуратовлар Жаҳон банки иштирокидаги "Жанубий Қорақалпоғистонда сув ресурсларини бошқаришни яхшилаш" лойиҳаси иш жараëни, муаммолар ечими бўйича объектларда бўлдилар.
Тўрткўл тумани ҳокимлиги Ахборот хизмати.
Каналга уланиш👇👇👇
👉 https://turtkulhokim.uz
🌐Ⓜ️anba: https://t.iss.one/turtkulhokim_uz
https://www.facebook.com/turtkultumani.hokimligi

МАДАНИЯТИМИЗ ВА САНЪАТИМИЗ РИВОЖИНИ
ЯНГИ БОСҚИЧГА КЎТАРАЙЛИК

Маданият бу — жамият, инсон ижодий куч ва қобилиятлари тарихий тараққиётининг муайян даражаси саналади. Янги Ўзбекистоннинг янги тарихини яратишда миллий маданиятни янада ривожлантириш ғоят муҳим масаладир.
Албатта, бу борада моддий ва номоддий маданий мерос дурдоналарини муҳофаза қилиш, сақлаш, тарғиб этиш, халқ оғзаки ижодиёти ва ҳаваскорлик санъатини янада ривожлантириш, оммалаштириш, юртимизнинг жаҳон маданий маконига фаол интеграциялашувини таъминлаш, маданият ва санъат соҳасини инновацион ривожлантириш бўйича улкан ишлар амалга оширилмоқда.
Бугунги кунга қадар маданият соҳасидаги ҳуқуқий муносабатлар “Маданий бойликларни олиб чиқилиши ва олиб кирилиши тўғрисида”, “Музейлар тўғрисида”, “Маданий мерос объектларини муҳофаза қилиш ва улардан фойдаланиш тўғрисида”ги қонунлар ҳамда Ўзбекистон Республикаси Президентининг қатор Фармонлари, Қарорлари, Фармойишлари ва бошқа кўплаб қонун ости ҳужжатлари билан тартибга солиниб келинмоқда.
Давлатимиз раҳбарининг “Ўзбекистон Республикасида миллий маданиятни янада ривожлантириш концепциясини тасдиқлаш тўғрисида”ги қарорида маданият соҳасидаги муносабатларни тартибга солиш, маданият ва санъат муассасалари, ижодий уюшма ва бирлашмаларнинг ҳуқуқий мақоми, ижодкорларни ижтимоий ҳимоя қилишга қаратилган ягона ҳуқуқий база яратилмагани қайд этилган эди.
Эндиликда “Маданий фаолият ва маданият ташкилотлари тўғрисида”ги Ўзбекистон Республикаси Қонуни давлатнинг ижтимоий-иқтисодий сиёсатининг устувор йўналишларидан келиб чиққан ҳолда Ўзбекистон Республикаси фуқароларининг ва этник қатламларининг миллий ва умумбашарий маданияти соҳасида вужудга келадиган асосий ҳукуқий муносабатларни тизимли тартибга солиш имкониятини яратади.
Қонунга кўра маданият соҳасида давлат сиёсатининг мақсади ва асосий устувор йўналишларини, маданият соҳасидаги ҳуқуқий муносабат иштирокчиларини аниқлаш ва уларнинг ваколатларини белгилаш, истеъдод эгалари ва маданият муассасаларининг ҳуқуқий мақомини, маданият ташкилотларини давлат ҳокимияти органлари, маҳаллий ўзини ўзи бошқариш органлари ва бошқа ташкилотлар билан ўзаро алоқа ва ҳамкорлигини такомиллаштириш, маданият тармоқларини рақобатбардошлигини ошириши тартибга солинади.
Қонунда ижодкор, ижодий жамоа, ижодий фаолият, маданий тадбирлар, маданий тадбир ташкилотчиси, маданият ходими каби асосий тушунчаларга аниқ таъриф берилган.
Вазирлар Маҳкамаси, Маданият вазирлиги, Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги, “Ўзбеккино” миллий агентлиги ҳамда маҳаллий давлат ҳокимияти органлари маданий фаолият соҳасидаги давлат сиёсатини рўёбга чиқаришни амалга оширувчи органлар сифатида кўрсатилиб, уларнинг ваколатлари белгиланган.
Шунингдек, Қонунда фуқароларнинг, фуқаролар ўзини ўзи бошқариш органларининг, нодавлат нотижорат ташкилотларининг ва фуқаролик жамияти бошқа институтларининг маданий фаолиятда иштирок этиши, фуқароларнинг, чет эл фуқароларининг ҳамда фуқаролиги бўлмаган шахсларнинг маданий фаолият соҳасидаги ҳуқуқ ва мажбуриятлари ўз аксини топган.
Ҳужжатга кўра маданият соҳасидаги муносабатларни ҳуқуқий тартибга солиш самарадорлигини оширади, соҳани тартибга солишга қаратилган қонун ҳужжатларидаги мавжуд қарама-қаршиликлар ва номувофиқликларни бартараф қилади ҳамда халқаро ҳуқуқ нормаларини миллий қонун ҳужжатларига имплементация қилинишини таъминлаш билан бирга халқаро майдонда Ўзбекистон Республикасининг имиджини ошириш билан бир қаторда халқлар ва минтақалар ўртасидаги маданий алоқаларни янада ривожланиши ва мустаҳкамланишига ўзининг ижобий таъсирини кўрсатади.

“Маданий фаолият ва маданият ташкилотлари тўғрисида”ги Ўзбекистон Республикаси Қонунини соҳа ходимлари 30 йилдан буён интиқ бўлиб кутганди, десак муболаға бўлмайди. Ушбу қонун билан биз маданиятимиз ва санъатимизни юртимизда ҳамда жаҳон ҳамжамиятида ўз ўрнига эга бўлиш билан бир қаторда янада ривожлантириш ҳамда янги босқичга олиб чиқиб, ҳар томонлама бойитиш, унинг маънавий пойдеворини мустаҳкамлашга эга бўламиз. Мазкур Қонун 8 та боб 53 та моддадан иборат бўлиб, унда дастлаб умумий қоидалар, соҳа фаолиятини тартибга солиш, устувор йўналишларини белгилаш, асосий ҳуқуқ ва мажбуриятлар, соҳадаги айрим фаолият турларини амалга ошириш, маданий фаолиятни ташкил этиш, маданият ташкилотларини ташкил этиш, қайта ташкил этиш ва тугатиш, ташкилотларни уюшмаларга бирлаштириш, халқаро ҳамкорлик ва якунловчи бобдан иборат.
Б.Дурдиев,
Тўрткўл тумани
Маданият бўлими бошлиғи
Каналга уланиш👇👇👇
👉 https://turtkulhokim.uz
🌐Ⓜ️anba: https://t.iss.one/turtkulhokim_uz
https://www.facebook.com/turtkultumani.hokimligi

Қорақалпоғистоннинг шаҳар ва туманларида нечта бўш иш ўрни бор?

Бандлик ва меҳнат муносабатлари вазирлиги Қорақалпоғистондаги бўш иш ўринлари ҳақида маълумот берди. Қуйида улар билан танишишингиз мумкин:

▪️Нукус шаҳрида 104 та;
▪️Aмударё туманида 65 та;
▪️Беруний туманида 36 та;
▪️Элликқалъа туманида 143 та;
▪️Қонликўл туманида 113 та;
▪️Қораўзак туманида 92 та;
▪️Кегейли туманида 60 та;
▪️Қўнғирот туманида 138 та;
▪️Мўйноқ туманида 11 та;
▪️Нукус туманида 41 та;
▪️Тахтакўпир туманида 14 та;
▪️Тўрткўл туманда 198 та;
▪️Хўжайли туманида 52 та;
▪️Чимбой туманида 43 та;
▪️Шуманай туманида 68 та;
▪️Тахиатош туманида 76 та;
▪️Бўзатов туманида 81 та бўш иш ўрни бор.

Вазирлик сайтидаги ушбу маълумотга таянсак, Қорақалпоғистонда жами 1335 та бўш иш ўрни мавжуд.

Уларнинг кўпчилиги Нукус шаҳри, Aмударё, Элликқалъа, Қонликўл, Қўнғирот, Қораўзак, Тўрткўл туманларига тўғри келмоқда.

👉 Қорақалпоғистон хабарлари