#Dolzarb_90_kun #Zakovat

🔹Zakovat intellektual o‘yini – yoshlar salohiyatini namoyon etuvchi maydon!

🔺Ta’til vaqtida yoshlarning bo‘sh vaqtini mazmunli tashkil etish, ularning intellektual salohiyatini oshirish maqsadida “Zakovat” intellektual o‘yini bo‘yicha musobaqalar muntazam ravishda tashkil etilmoqda.

🔹Uchrashuvlar qizg‘in bahs-munozaralarga boy tarzda o‘tmoqda. Viloyatimizning bilimdon yoshlari qatori Turon universitetining iqtidorli talaba-yoshlari ham ushbu musobaqalarda faol ishtirok etib, o‘zlarining keng dunyoqarashi va mustahkam bilimlarini namoyish etishmoqda.

🔺Intellektual o‘yinlar orqali yoshlarda jamoada ishlash, tezkor fikrlash va mustaqil qaror qabul qilish ko‘nikmalari shakllanmoqda.

🌐Bizning sahifalar:
🚀TELEGRAM / 📷INSTAGRAM /
🎬YOUTUBE / 🔵FACEBOOK

#talaba_yutuği

🔹Universitetimiz talabasining ilmiy faoliyati Respublika darajasida yuksak baholandi!

👍Turon universiteti Filologiya va tillarni o‘qitish: Ingliz tili yo‘nalishi 2-bosqich talabasi Guljahon Marqayeva “Jadidlar merosi va zamonaviy jamiyat: ilm, ma’rifat va innovatsiya chorrahasida” mavzusidagi Respublika ilmiy-amaliy anjumanida o‘zining dolzarb va asosli ilmiy maqolasi bilan muvaffaqiyatli ishtirok etdi.

🔺Mazkur anjuman doirasida tashkil etilgan “Jadid bilimdoni” yo‘nalishidagi intellektual bahsda esa Marjona Umarova munosib ishtirok etib, faxrli 1-darajali diplom bilan taqdirlandi. Ushbu natija talabalarning puxta nazariy tayyorgarligi, mustaqil fikrlash va tahlil qilish qobiliyati, shuningdek, ilmiy rahbarining samarali yo‘l-yo‘rig‘i samarasi sifatida e’tirof etilmoqda.

🔺Universitet jamoasi ushbu yutuq bilan yosh tadqiqotchilarni samimiy muborakbod etadi hamda ularning kelajakdagi ilmiy izlanishlarida yanada katta muvaffaqiyatlarga erishishini tilab qoladi.

🌐Bizning sahifalar:
🚀TELEGRAM / 📷INSTAGRAM /
🎬YOUTUBE / 🔵FACEBOOK

#Dolzarb90kun #sport

🏓Turon universitetida stol tennisi mashg‘ulotlari tashkil etildi

🔺Sog‘lom turmush tarzini targ‘ib qilish va talabalar orasida sportga bo‘lgan qiziqishni oshirish maqsadida Turon universitetida stol tennisi bo‘yicha amaliy mashg‘ulotlar o‘tkazildi.

🔺Ustozlar ko‘magida tashkil etilgan bu faoliyat talabalarning jismoniy faolligini oshirish, sport madaniyatini rivojlantirish va sog‘lom raqobat muhitini shakllantirishga xizmat qilmoqda.

Ta’kidlash joizki, sport — bu nafaqat jismoniy salomatlik, balki iroda, intizom va jamoaviylik ruhining shakllanishi uchun muhim omillardandir.

😄Turon universiteti sog‘lom va faol avlodni tarbiyalash yo‘lida bunday tashabbuslarni doimiy ravishda qo‘llab-quvvatlab kelmoqda.

🌐Bizning sahifalar:
🚀TELEGRAM / 📷INSTAGRAM /
🎬YOUTUBE / 🔵FACEBOOK

#Dolzarb90kun #Ichki_turizm

👍Turon universiteti talabalari Qarshi shahridagi Bekmir madrasasiga tashrif buyurishdi

🔺Talabalarning bo‘sh vaqtini mazmunli tashkil etish, shuningdek, ichki turizmni rivojlantirish maqsadida Turon universiteti G‘arb tillari kafedrasi o‘qituvchisi X.Murodova rahbarligida talaba-yoshlar Qarshi shahrida joylashgan Bekmir madrasasiga tashrif buyurishdi.

Tashrif davomida talabalar mazkur tarixiy obida bilan yaqindan tanishib, uning me’moriy tuzilishi, tarixiy ahamiyati va madaniy meros sifatidagi o‘rniga oid muhim ma’lumotlarga ega bo‘lishdi. Bekmir madrasasi nafaqat o‘tmish ajdodlarimizning ilm-fan va ma’naviyatga bo‘lgan e’tiborini aks ettiruvchi muhim maskan, balki yosh avlodni milliy tarix va qadriyatlarga hurmat ruhida tarbiyalashda katta ahamiyat kasb etadi.

🔺Bunday tashriflar talabalarning dunyoqarashini kengaytirish, tarixiy-madaniy merosimizga bo‘lgan qiziqishini oshirish va yurtimiz bo‘ylab ichki turizmni qo‘llab-quvvatlashga xizmat qiladi.

🌐Bizning sahifalar:
🚀TELEGRAM / 📷INSTAGRAM /
🎬YOUTUBE / 🔵FACEBOOK