#Sportmajmua
#Sportzal

🟦Bugun, 8 – aprel kuni Muhammad al-Xorazmiy nomidagi Toshkent axborot texnologiyalari universitetida yangi, o‘zida bir qancha sport turlarini mujassam etgan, barcha zamon talablariga javob beradigan, zamonaviy Sport majmuasining ochilish marosimi bo'lib o'tdi.

🏗Oliygohimiz hududida ishga tushirilagan zamonaviy sport koshonasi turk muhandislarining konstruktsiya loyihasi bilan Turkiya davlatidan keltirilgan metal konstruktsiyalar asosida barpo etildi.

🌡Inshootning isitish tizimi avtonom lokal qozonxona orqali, sovutish tizimi esa kondentsionerlar yordamida ishlaydi.

🏆Mazkur sport inshootidagi alohida xonalar soni 12 ta bo‘lib, bir vaqtning o‘zida sportning mini futbol (basketbol yoki voleybol), yugurish, bodibilding (fitnes) va kurash kabi turlari bilan mashg‘ulot o‘tkazish imkoniyati mavjud.

▶️ Shuningdek, mazkur sport inshootida o‘tkaziladigan sport musobaqalarini internet tarmog‘i orqali onlayn translyatsiya qilish imkoniyati ham yaratilgan.

❤ https://t.iss.one/tuituz_official

#ochilish_marosimi #sportzal

Universitetimizda barpo etilayotgan va kapital ta'mirdan chiqqan turli soha obyektlarini foydalanishga topshirish yaxshi an'anaga aylanib ulgurgan. Yangi o'quv yili boshlanganligi munosabati bilan qator o'quv binolari, yangidan tashkil etilgan o'quv xonalari, laboratoriyalar va boshqa turli ta'lim obyektlari ishga tushirildi. Raqamli texnologiyalar vazirligi ko'magi bilan tashkil etilgan, joriy yilning 5-oktyabr kuni ochilish marosimi bo'lib o'tgan zamonaviy sport majmuasi ham shular jumlasidan.

🗒 Umumiy maydoni 3616 kv. metr bo'lgan sport majmuasi FIFA (Federation internationale de Football Association) xalqaro futbol uyushmalari federatsiyasi talablari asosida kapital ta'mirlandi. Undagi kiyim almashtirish xonalari, yuvinish joylari, isitish-sovutish tizimlari, tribuna, sport anjomlari to'liq yangilandi. Mazkur yopiq sport majmuasi futbol, futzal, voleybol turlari bo'yicha mashg'ulotlar o'tkazish uchun mo‘ljallangan.

✈️@tuituz_official