#tashrif #hamkorlik #Walailak

✅ Muhammad al-Xorazmiy nomidagi Toshkent axborot texnologiyalari universiteti delegatsiyasi Tailandning Walailak universitetiga tashrif buyurdi.

💬 Mazkur tashrifda TATU rahbariyati va Walailak universitetini prezidenti Dr.Prof. Sombat Thomrongthanyawonglar ikki universitet o‘rtasida hamkorlik aloqalarini yo‘lga qo‘yish, hamkorlik yo‘nalishlarini belgilash hamda hamkorlik shartnomasini imzolash bo‘yicha kelishuvlarga erishildi.

➡️ Uchrashuvda Walailak universitetining Dasturiy injiniring va Informatika fakultetlari dekanlari hamda professor-o‘qituvchilari tomonidan universitetda amalga oshirilayotgan ilmiy-amaliy loyihalar namoyish etilib, hamkorlik yo'nalishlari muhokama etildi. Jumladan, professor-o'qituvchilari hamda tadqiqotchilari uchun "Internship=scientific paper" mexanizimi asosida, hodimlar va talabalar o'rtasida professorlar almashinuv dasturlarini yo'lga qo'yish, talabalar uchun amaliyot tashkil etish, ilmiy-amaliy konferensiyalarni birgalikda o‘tkazish bo‘yicha hamkorlik loyihasi (partnership project ) ishlab chiqishga kelishildi.

🗒 Ma'lumot uchun: Walailak universiteti o'zining tadqiqot faoliyati va biotexnologiya, atrof-muhit fanlari va qayta tiklanadigan energiya kabi turli yo'nalishlarga qaratilgan tadqiqot markazlari bilan mashhur fan, texnologiya va innovatsiyalarga yo'naltirilgan keng qamrovli davlat universiteti hisoblanadi.

✈️@tuituz_official

#delegatsiya #Walailak #tashrif

Muhammad al-Xorazmiy nomidagi Toshkent axborot texnologiyalari universiteti delegatsiyasi Walailak universitetining o’quv hamda ilmiy faoliyati bilan tanishdi.

TATU delegatsiyasi vakillari Walailak universitetida faoliyat yuritayotgan “Digital technology in Medicine Laboratory”, IMAG Motion Capture Lab, INFORMATICS studio, GIS, Electronics engineering and IoT, SMART FARM, NATURAL SCIENCE kabi ilmiy tadqiqot laboratoriyalari hamda innovatsion tadqiqot markazi ( innovation research center)ga tashrif buyurib, mazkur laboratoriyalarda amalga oshirilayotgan grant loyihalar, ilmiy ishlanmalar hamda erishilgan natijalar bilan yaqindan tanishishdi.

Mazkur tashrif davomida ikki universitetning yosh olimlari, ilmiy tadqiqotchi hamda PO’lar uchun stajirovka dasturini yo’lga qo’yishga kelishildi.

✈️@tuituz_official