#hamkorlik #PermDMTU #delegatsiya

👥 Muhammad al-Xorazmiy nomidagi Toshkent axborot texnologiyalari universitetiga Rossiya Federatsiyasining Perm davlat milliy tadqiqot universitetining professor-o’qituvchilaridan tarkib topgan delegatsiya tashrif buyurdi.

💬 Tashrif davomida ikki universitet o’rtasida ta'lim integratsiyasi bilan bog'liq hamkorlik aloqalarini yo’lga qo’yish, akademik mobillik hamda ilmiy yo’nalishlarda faol mexanizmga asosan faoliyat olib borish, shuningdek, "Biznes analitika va moliyaviy rivojlantirish" ta'lim yo'nalishida 2+2 dasturini yo'lga qo'yish, magistraturada 1+1 dasturini amalga oshirish yuzasidan muzokaralar olib borildi.

🗒 Ma’lumot uchun: 2015-yil 8-iyulda e’lon qilingan “QS University Rankings: BRICS (BRICS Countries of Best Universities)” tadqiqotiga ko‘ra, Perm davlat milliy tadqiqot universiteti Rossiyaning yetakchi oliy ta’lim muassasalari ro‘yxatida bir qator oliy ta’lim muassasalarini ortda qoldirib, 24-o‘rinni egallagan.

2015 yilda universitet Moskva jurnalining "Afisha" reytingida "Rossiyaning 38 ta eng yaxshi universiteti - Moskva va Sankt-Peterburgdan tashqari" 34-o'rinni egalladi. U namunali kampusi bilan ijtimoiy fanlar bo'yicha mamlakatdagi eng yaxshi universitetlardan biri deb topildi.

✈️@tuituz_official

#tashrif #hamkorlik #Walailak

✅ Muhammad al-Xorazmiy nomidagi Toshkent axborot texnologiyalari universiteti delegatsiyasi Tailandning Walailak universitetiga tashrif buyurdi.

💬 Mazkur tashrifda TATU rahbariyati va Walailak universitetini prezidenti Dr.Prof. Sombat Thomrongthanyawonglar ikki universitet o‘rtasida hamkorlik aloqalarini yo‘lga qo‘yish, hamkorlik yo‘nalishlarini belgilash hamda hamkorlik shartnomasini imzolash bo‘yicha kelishuvlarga erishildi.

➡️ Uchrashuvda Walailak universitetining Dasturiy injiniring va Informatika fakultetlari dekanlari hamda professor-o‘qituvchilari tomonidan universitetda amalga oshirilayotgan ilmiy-amaliy loyihalar namoyish etilib, hamkorlik yo'nalishlari muhokama etildi. Jumladan, professor-o'qituvchilari hamda tadqiqotchilari uchun "Internship=scientific paper" mexanizimi asosida, hodimlar va talabalar o'rtasida professorlar almashinuv dasturlarini yo'lga qo'yish, talabalar uchun amaliyot tashkil etish, ilmiy-amaliy konferensiyalarni birgalikda o‘tkazish bo‘yicha hamkorlik loyihasi (partnership project ) ishlab chiqishga kelishildi.

🗒 Ma'lumot uchun: Walailak universiteti o'zining tadqiqot faoliyati va biotexnologiya, atrof-muhit fanlari va qayta tiklanadigan energiya kabi turli yo'nalishlarga qaratilgan tadqiqot markazlari bilan mashhur fan, texnologiya va innovatsiyalarga yo'naltirilgan keng qamrovli davlat universiteti hisoblanadi.

✈️@tuituz_official