#tashrif #UZINFOCOM

✅ Joriy yilning 27-mart kuni universitet mas’ullari “UZINFOCOM” Davlat axborot tizimlarini yaratish va qo‘llab-quvvatlash bo‘yicha yagona integrator kompaniyasiga tashrif buyurishdi.

💬 Tomonlar hamkorlikni kengaytirish imkoniyatlarini, ta'lim va ishlab chiqarish integratsiyasini takomillashtirishning asosiy yo‘nalishlari va talabalarni ishlab chiqarish amaliyotiga jalb qilish,  kelgusida kompaniyaning mutaxassislarga boʻlgan talabidan kelib chiqqan holda ta'lim yo'nalishlari va mutaxassisliklar oʻquv rejalari, fan dasturlari hamda oʻquv adabiyotlarini yangi talablar asosida bosqichma-bosqich ishlab chiqish masalalari muhokama qilindi.

📌 Shu bilan birgalikda kelgusida universitetning ayrim ta’lim yo’nalishlarida DUAL ta’limni yo’lga qo’yish yuzasidan fikr almashildi. Talaba-yoshlar amaliy mashgʻulotlar davomida bevosita axborot tizimlarini ishlab chiqish jarayoni bilan tanishishi hamda bitiruvchilarning bandligini taʼminlash masalalarida kelishuvga erishildi.

Tashrif doirasida “UZINFOCOM” jamoasi tomonidan hozirgi kunda ishlab chiqilgan dasturiy mahsulotlar va ishlanmalar hamda kompaniya dasturchi-muhandislarining ish sharoitlari bilan tanishib chiqildi.

✈️@tuituz_official

#TATU
#Uzinfocom

📆 Bugun, Muhammad al-Xorazmiy nomidagi Toshkent axborot texnologiyalari universiteti hamda Uzinfocom kompaniyasi hamkorlikda, talabalarning kelajakdagi kasbiy faoliyatiga bo‘lgan qiziqishlarini oshirish, ularning tajribalarini boyitish, real ish muhitida amaliy bilimlarga ega bo‘lish va stajirovka o'tashlariga imkon yaratish maqsadida, "Dasturiy injiniring" ta'lim yo‘nalishi 3-4 bosqich talabalari uchun maxsus amaliy tashrif tashkil etildi.

👥 Bunda talabalar, Uzinfocom va uning qoshidagi UStudy IT Akademiyasi faoliyati, mutaxassislarga yaratilayotgan sharoitlar, ish jarayoni qanday kechishi va soha mutaxassislari bilan yaqindan tanishish imkoniyatiga ega bo'ldilar.

🗣 Tashrif davomida, Uzinfocom qoshidagi UStudy IT Akademiyasi katta o‘qituvchisi Ibrokhimzoda Ayubxon tomonidan talabalarga, ma'lumotlarni tahlil qilish, sun'iy intellekt modellari asosida ilovalarni ishlab chiqish, mashinali o'qitish algoritmlarini integratsiyalash va shu kabi mavzularda qiziqarli master-klass o'tkazildi. Shuningdek, Uzinfocom kompaniyasi tomonidan ishlab chiqilgan dasturiy ishlanmalari bilan yqaindan tanishdilar hamda kompaniyada stajirovka jarayonida bevosita ishtirok etish imkoniga ega bo‘ldilar.

🤗 Bizni kuzatishda davom eting!

🔘 Eng so'nggi vakansiyalar: ❤️ @tatu_karyera_markazi