#Õzbekiston_pochtasi #tashrif

✅️ Joriy yilning 11-oktyabr kuni universitet “Pochta aloqasi texnologiyasi” yo‘nalishi 3-bosqich talabalarining O‘zbekiston pochtasi AJ “Xalqaro pochtamt” filialiga tashrifi amalga oshirildi. Tadbirdan ko’zlangan asosiy maqsad, birinchi tomondan yuqorida ko‘rsatib o‘tilgan vazifalar ijrosini ta’minlash yuzasidan soha korxonalari bilan hamkorlikni yo‘lga qo‘yish bo‘lsa, ikkinchi tomondan talabalarda amaliyot ko‘nikmalarini hosil qilishlari uchun sharoit yaratib berish, ularni ishlab chiqarish yangiliklari, pochta aloqasi korxonalarida qo‘llanilayotgan innovatsion texnologiyalar bilan tanishtirish edi.

✉ “Raqamli texnologiyalar konvergensiyasi” kafedrasida o‘qitilayotgan “Pochta aloqasining infrastrukturasi” fani doirasida tashkil etilgan mazkur amaliy-ekskursiya davomida talabalarga mutaxassislar “Xalqaro pochtamt” filiali ishlab chiqarish uchastkalari va sehlaridagi texnologik jarayonlar, Pochta aloqasining AKT asosida tashkil etilgan yangi xizmat turlari va ishlab chiqarishga tatbiq etilgan axborot tizimlari to‘g‘risida batafsil ma’lumot berdilar, shuningdek talabalar filialning avtoparki, Bojxona posti faoliyati bilan yaqindan tanishdilar.

⭐️ Amaliy-ekskursiya yakunida Xalqaro pochtamt filialida “Pochta aloqasi texnologiyasi” yo‘nalishi talabalari uchun o‘quv va amaliy mashg‘ulot xonalarini tashkil etish yuzasidan fikr va mulohazalar almashinildi.

✈️@tuituz_official

#tashrif

🌷 Beg‘ubor qalblarga quvonch, xushkayfiyat va umid uchqunini ulashish maqsadida universitetning Yoshlar ittifoqi hamda faol talabalari bilan Taskin onkologik bolalar hospisiga tashrif tashkillashtirildi. Og‘ir bemor bolajonlar bilan samimiy suhbat qilinib, ularga sovg‘alar ulashildi.

🔄 Mazkur tadbir bolajonlarga a'lo kayfiyat bag‘ishlab, ularni yanada ruhlantirdi. Bolalar quvonchi bizni ham, ota-onalarni ham, hatto shifokorlarni xushnud etdi. Bu xayrli tashabbus og‘ir bemor bolalar va ularning oilalarini ham ruhiy va ma'naviy qo‘llab-quvvatlash, ko‘tarinki kayfiyati ulashish, ertangi kunga ishonch tuyg‘ularini shakllantirishga xizmat qildi.

✈️@tuituz_official

#tashrif

🇯🇵 2024-yilning 6-noyabr kuni Muhammad al-Xorazmiy nomidagi Toshkent axborot texnologiyalari universitetiga Yaponiyaning yetakchi oliy ta'lim muassasalari, jumladan Nagoya universiteti va Kioto Informatika bo'yicha magistratura kolleji (KCGI) vakillari Yaponiya talabalarni qo'llab-quvvatlash tashkiloti (JASSO) bilan birgalikda tashrif buyurdi.

🎓 Universitet talabalari bilan tashkil etilgan uchrashuvda Yaponiyaning yetakchi universitetlarida xorijiy talabalar uchun yaratilgan imkoniyatlar, grantlar, stipendiyalar to'g'risida taqdimot qilindi. Kelgusi o'quv faoliyatini chet elda davom ettirishni xohlovchi talabalarning Yaponiyadagi talabalik hayoti bilan bog'liq barcha savollarga vakillar tomonidan to'liq javoblar berildi.

🗒 Malumot uchun:
Nagoya universiteti — Yaponiyaning milliy universitetlaridan biri bo‘lib, 2025 QS dunyo universitetlar reytingida 152-o'rinda qayd etilgan.

✈️@tuituz_official

#LitseyBitiruvchilari #tashrif

💻 Joriy yilning 8-noyabr sanasida TATU Akademik litseyining 100 nafarga yaqin bitiruvchi o'quvchilari universitet faoliyati, ta'lim yo'nalishlari va ilmiy laboratoriyalari bilan yaqindan tanishish maqsadida "Kompyuter injiniringi" fakultetiga tashrif buyurdilar.

➡️Qisqacha taqdimot davomida fakultet dekani T.Kuchkorov tomonidan o'quvchilarga universitetdagi mavjud ta'lim yo'nalishlari, kirish imtihonlari, universitetda talabalarga yaratilgan imkoniyatlar va fakultet faoliyatiga oid qiziqarli va muhim ma'lumotlar berildi.

🔴 O'quvchilar fakultetdagi ta'lim yo'nalishlari hamda qo'shma ta'lim dasturlariga qiziqish bildirib, o'zlarini qiziqtirgan savollarga javob oldilar va tashrif so'ngida fakultetdagi "Robototexnika", "VR Lab", "GisLab" va "Sun'iy intellekt" kabi o'quv-ilmiy laboratoriyalar faoliyati bilan tanishdilar.

✈️@tuituz_official

#tashrif #AQSH

💻 Muhammad al-Xorazmiy nomidagi Toshkent axborot texnologiyalari universiteti “Axborot xavfsizligi” ta’lim yo‘nalishini xalqaro akkreditatsiyadan o‘tkazish yuzasidan AQShning ABET akkreditatsiya tashkiloti bilan kelishuvlarni amalga oshirmoqda.

🇺🇸 Joriy yilning 9-12-noyabr kunlari “Axborot xavfsizligi” yo‘nalishi bo‘yicha tayyorlik hisobotlarini monitoring qilish bo‘yicha ABET tashkilotining ishchi guruhi a’zolari Dr. Ramzi Haraty, Dr. Mark Stockman, Dr. Peng Li universitetga tashrif buyurib, tayyorlangan hisobotlarning asoslari va ularning ABET mezonlariga mosligi bo‘yicha monitoring o‘tkazdi.

📄 Dastlabki natijalarga ko‘ra, ABET tashkiloti ishchi guruhi a’zolari mazkur yo‘nalish bo‘yicha o‘tkazgan monitoring natijalari ijobiy baholandi. Yo‘nalishning to‘liq akkreditatsiyadan o‘tganligini tasdiqlovchi hujjat 2025-yil avgust oyida berilishi kutilmoqda.

✈️@tuituz_official

#tashrif

✅ Kuni kecha Muhammad al-Xorazmiy nomidagi Toshkent axborot texnologiyalari universitetiga Raqamli texnologiyalar vaziri maslahatchisi janob Sakurai Akihiro tashrif buyurdi.

🤔 Tashrif davomida universitetda yaratilgan sharoitlar, jumladan ilg’or muhandislik maktabida amalga oshirilayotgan ilmiy loyihar va Yaponiya xalqaro hamkorlik agentligi (JICA) homiyligida ochilgan TATU Media markazi bilan yaqindan tanishtirildi.

✅Tashkil etilgan uchrashuv davomida universitetning hozirgi kundagi mavjud yuqori salohiyatidan kelib chiqib, Yaponiya universitetlari va kompaniyalari bilan amalga oshirilishi mumkin bo’lgan hamkorliklar va ularni jalb qilish borasida muhokamalar olib borildi.

✈️@tuituz_official

#tashrif #Xitoy

🇨🇳 Kuni kecha TATUga Xitoyning nufuzli “Xinyada” IT kompaniyasi bosh direktori Zeng Botao boshchiligidagi delegatsiya tashrif buyurdi.

🔴 Tashrif davomida universitetdagi ilmiy-o‘quv laboratoriyalari, sanoat-akademiya markazlari va Xitoyning ZTE hamda Huawei kompaniyalari tomonidan tashkil etilgan laboratoriyalar bilan yaqindan tanishtirildi. Tashkil etilgan uchrashuv davomida universitet va kompaniya o‘rtasida professional taʼlim standartlari va oʻquv dasturlarini ishlab chiqish, Xitoyning yetakchi universitetlari bilan 3 tomonlama qo’shma dasturni yo’lga qo’yish orqali professional kadrlarni tayyorlash masalalari muhokama etildi. TATU va “Xinyada” kompaniyasi o‘rtasida dastlabki hamkorlik aloqalarini yo’lga qo’yish maqsadida Anglashuv memorandumi imzolashga kelishib olindi.

☑️Ma’lumot uchun:
“Xinyada” kompaniyasi BYD va Xiaomi gigant kompaniyalarining ishlab chiqarish jarayonlarini avtomatlashtirish va tashkil etishda qatnashgan axborot texnologiyalari hamda kommunikatsiyalari sohasidagi yetakchi IT kompaniya hisoblanadi.

✈️@tuituz_official

#tashrif

🇨🇳Bugun Muhammad al-Xorazmiy nomidagi Toshkent axborot texnologiyalari universitetiga Xitoyning Karamay shahridagi Pekin neft universiteti delegatsiyasi tashrif buyurdi.

📝 Tashrif davomida universitetdagi ilmiy-o‘quv laboratoriyalari, sanoat-akademiya markazlari va Xitoyning ZTE hamda Huawei kompaniyalari tomonidan tashkil etilgan laboratoriyalar bilan yaqindan tanishtirildi. Ikki universitet o'rtasida imzolagangan hamkorlik shartnomasi doirasida energetika va axborot-texnologiyalari sohasida qo'shma loyihalar tashkil etish bo'yicha ilmiy hodimlar hamkorligini rivojlantirish istiqbollari muhokama etildi.

📁 Ma'lumot uchun: Xitoyning Karamay shahridagi Pekin neft universiteti xalqaro QS reytingi bo'yicha dunyoning TOP-640 universitetlari qatoridan joy olgan.

✈️@tuituz_official

#Xitoy #tashrif

🇨🇳 Muhammad al-Xorazmiy nomidagi Toshkent axborot texnologiyalari universitetiga Xitoy Xalq Respublikasining taʼlim sohasidagi yetakchi Beijing Ruipan International Education Technology kompaniyasi delegatsiyasi tashrif buyurdi.

⏺ Mazkur tashrif davomida universitet va kompaniyasi oʻrtasida hamkorlik aloqalarini yo’lga qo’yish, jumladan, professor o’qituvchilar uchun malaka oshirish kurslari, talabalar almashinuvi va stajirovka dasturlarini amalga oshirish istiqbollari muhokama qilindi.

📄Ma'lumot uchun:
Beijing Ruipan International Education Technology Co., Ltd. 300 dan ortiq kollej va universitetlar, shuningdek, 40 dan ortiq xorijiy universitetlar bilan hamkorlik aloqalariga ega yetakchi tashkilot hisoblanadi.

✈️@tuituz_official

#tashrif #Fransiya

💻 Kuni kecha Fransiyadagi oliy ta’lim imkoniyatlariga oid taqdimoti o’tkazish maqsadida Campus France agentligining O’zbekistondagi vakili Alisa Mot va Fransuz Aliance AFT vakillari TATUga tashrif buyurdilar.

🇫🇷 Alice Mot Campus France ma’suli va Aliance vakillari Fransiyaning universitetlari va ular tomonidan taqdim etilayotgan dasturlar, magistratura va grantlar bo’yicha taqdimot o’tkazdi. Toshkent Fransuz Alyansi vakili o‘z faoliyati va assotsiatsiyaga aʼzo bo’lishning foydalari haqida ma'lumot berib o'tdi, bu esa universitetimiz talabalarida katta qiziqish uyg’otdi.

📝 Tadbirda talabalarni qiziqtirgan savollarga javoblar berildi va debatlar o’tkazildi. Kelajakda fransuz tilini o’qitish bo’yicha qo’shma loyihalarni amalga oshirish imkoniyatlari muhokama etildi.

✈️@tuituz_official

#tashrif

🇺🇿💻🇰🇷“HUSS X TUIT Global Sustainability Program” dasturi doirasida Koreya Respublikasining yetakchi oliy ta’lim muassasalari professor va talabalari xalqaro tajriba almashish, TATUning axborot kommunikatsiya salohiyatini o‘rganish maqsadida tashrif buyurdilar. Universitetda talabalar uchun yaratilgan imkoniyatlar va sharoitlar yaqindan tanishtirildi va turli sohalarda amalga oshirilayotgan loyihalar taqdimoti bo'lib o'tdi.

🤔 Shuningdek, Kwangwoon, Kookmin, Sunmoon, Yeungnam, Honam universiteti va TATU talabalaridan iborat 10 ta guruh o‘rtasida mahalliy muammolarga yechimlarni taklif qilish orqali global ijtimoiy muammolarni hal qilishga qaratilgan loyiha tanloviga start berildi. Ushbu loyiha Koreya xalqaro hamkorlik agentligi KOICA tomonidan moliyalashtirilgan bòlib, Koreya-O’zbekiston madaniyatlararo almashinuviga imkoniyat yaratadi.

✈️@tuituz_official