#fotolavha #tashrif

✅ 6-sentyabr kuni Muhammad al-Xorazmiy nomidagi Toshkent axborot texnologiyalari universitetiga Raqamli texnologiyalar vazirligi huzuridagi Axborotlashtirish va telekommunikatsiyalar sohasida nazorat inspeksiyasi boshlig’i Abdullayev A’zam Abdushukurovich, Boshliq o'rinbosari Chorshanbiyev Jasur Xurramovich hamda Raqamli texnologiyalar sohasida nazorat qilish boshqarmasi boshlig‘i Ashirbayev Ermat Azimovich tashrif buyurishdi.

💬 Uchrashuvda professor-o'qituvchilar va mutaxassislar uchun almashinuv dasturlarini hamda malaka oshirish kurslari dasturlarini ishlab chiqish, hamkorlikda laboratoriya tashkil etish va unda soha uchun malakali kadrlarni tayyorlash, talabalar o'rtasida  malaka oshirish dasturlarini amalda tadbiq etish va ilmiy tadqiqot yo'nalishlarida hamkorlik aloqalarini yo'lga qo'yishga kelishildi.

🙋 Tashrif davomida mehmonlar universitetda tashkil etilgan ilg‘or muhandislik maktablari, ilmiy laboratoriyalar, inkubatsiyа va media markaz faoliyati bilan yaqindan tanishtirildi.

✈️@tuituz_official

#tashrif

✅️ Kuni kecha, 17-sentyabr kuni Muhammad al-Xorazmiy nomidagi Toshkent axborot texnologiyalari universitetiga Xitoyning yetakchi hamkor Xi'an Jiaotong universiteti prezidenti Zhang Liqun boshchiligidagi delegatsiya tashrif buyurdi.

💬 Uchrashuvda Xi'an Jiaotong universiteti va Muhammad Al-Xorazmiy nomidagi Toshkent axborot texnologiyalari universiteti oʻrtasida imzolangan Hamkorlik yo'l xaritasida belgilangan akademik va ilmiy almashinuvlar, qoʻshma taʼlim dasturlarini yo’lga qo’yish, qo'shma IT kurslarini tashkil qilish masalalari ikki universitet rahbarlari tomonidan muhokama qilindi.

🗒 Ma’lumot uchun: Xi'an Jiaotong universiteti va TATU o'rtasida yaqindan hamkorlik aloqalari o'rnatilgan bo'lib, Xitoy delegatsiyasi "ICTWEEK Uzbekistan 2024" haftaligida ham ishtirok etdi.

✈️@tuituz_official

#Latviya #tashrif

🇱🇻 Bugun, 19-sentyabr kuni Latviyaning yetakchi Oliy ta'lim muassasi hisoblangan Riga texnika universiteti, IT ta'lim kurslarini taklif qiluvchi Baltijas Datoru Akadēmija (BDA) kompaniyasi va iqtidorli yoshlarni ish bilan ta'minlovchi Talzy kompaniyasi delegatsiyasi Latviyaning O'zbekistondagi elchixonasi vakili Jelena Puncule boshchiligida TATUga tashrif uyushtirildi.

👥 Tashrifdan maqsad TATU hamda Latviya OTM va kompaniyalari o'rtasida axborot-kommunikatsiya texnologiyalari sohasidagi hamkorlik imkoniyatlarini muhokama qilishdan iborat bo'ldi. Barcha tomonlar o'z taqdimotlarini namoyish etgan holda, tashkilotlar o'rtasida mos yo'nalishlarda hamkorlik qilishga kelishib oldilar.

✅ Riga texnika universiteti bilan amalga oshiriliyotgan UzMedEn ERASMUS+ loyihasi doirasida rejalashtirilgan oktyabr oyidagi uchrashuvda Riga texnika universiteti Fan va innovatsiyalar markazi, TATU Ilmiy tadqiqot va texnologiyalar transferi markazi o'rtasida aloqalar o’rnatishga kelishib olindi.

✈️@tuituz_official

#Õzbekiston_pochtasi #tashrif

✅️ Joriy yilning 11-oktyabr kuni universitet “Pochta aloqasi texnologiyasi” yo‘nalishi 3-bosqich talabalarining O‘zbekiston pochtasi AJ “Xalqaro pochtamt” filialiga tashrifi amalga oshirildi. Tadbirdan ko’zlangan asosiy maqsad, birinchi tomondan yuqorida ko‘rsatib o‘tilgan vazifalar ijrosini ta’minlash yuzasidan soha korxonalari bilan hamkorlikni yo‘lga qo‘yish bo‘lsa, ikkinchi tomondan talabalarda amaliyot ko‘nikmalarini hosil qilishlari uchun sharoit yaratib berish, ularni ishlab chiqarish yangiliklari, pochta aloqasi korxonalarida qo‘llanilayotgan innovatsion texnologiyalar bilan tanishtirish edi.

✉ “Raqamli texnologiyalar konvergensiyasi” kafedrasida o‘qitilayotgan “Pochta aloqasining infrastrukturasi” fani doirasida tashkil etilgan mazkur amaliy-ekskursiya davomida talabalarga mutaxassislar “Xalqaro pochtamt” filiali ishlab chiqarish uchastkalari va sehlaridagi texnologik jarayonlar, Pochta aloqasining AKT asosida tashkil etilgan yangi xizmat turlari va ishlab chiqarishga tatbiq etilgan axborot tizimlari to‘g‘risida batafsil ma’lumot berdilar, shuningdek talabalar filialning avtoparki, Bojxona posti faoliyati bilan yaqindan tanishdilar.

⭐️ Amaliy-ekskursiya yakunida Xalqaro pochtamt filialida “Pochta aloqasi texnologiyasi” yo‘nalishi talabalari uchun o‘quv va amaliy mashg‘ulot xonalarini tashkil etish yuzasidan fikr va mulohazalar almashinildi.

✈️@tuituz_official

#tashrif

🌷 Beg‘ubor qalblarga quvonch, xushkayfiyat va umid uchqunini ulashish maqsadida universitetning Yoshlar ittifoqi hamda faol talabalari bilan Taskin onkologik bolalar hospisiga tashrif tashkillashtirildi. Og‘ir bemor bolajonlar bilan samimiy suhbat qilinib, ularga sovg‘alar ulashildi.

🔄 Mazkur tadbir bolajonlarga a'lo kayfiyat bag‘ishlab, ularni yanada ruhlantirdi. Bolalar quvonchi bizni ham, ota-onalarni ham, hatto shifokorlarni xushnud etdi. Bu xayrli tashabbus og‘ir bemor bolalar va ularning oilalarini ham ruhiy va ma'naviy qo‘llab-quvvatlash, ko‘tarinki kayfiyati ulashish, ertangi kunga ishonch tuyg‘ularini shakllantirishga xizmat qildi.

✈️@tuituz_official

#tashrif

🇯🇵 2024-yilning 6-noyabr kuni Muhammad al-Xorazmiy nomidagi Toshkent axborot texnologiyalari universitetiga Yaponiyaning yetakchi oliy ta'lim muassasalari, jumladan Nagoya universiteti va Kioto Informatika bo'yicha magistratura kolleji (KCGI) vakillari Yaponiya talabalarni qo'llab-quvvatlash tashkiloti (JASSO) bilan birgalikda tashrif buyurdi.

🎓 Universitet talabalari bilan tashkil etilgan uchrashuvda Yaponiyaning yetakchi universitetlarida xorijiy talabalar uchun yaratilgan imkoniyatlar, grantlar, stipendiyalar to'g'risida taqdimot qilindi. Kelgusi o'quv faoliyatini chet elda davom ettirishni xohlovchi talabalarning Yaponiyadagi talabalik hayoti bilan bog'liq barcha savollarga vakillar tomonidan to'liq javoblar berildi.

🗒 Malumot uchun:
Nagoya universiteti — Yaponiyaning milliy universitetlaridan biri bo‘lib, 2025 QS dunyo universitetlar reytingida 152-o'rinda qayd etilgan.

✈️@tuituz_official

#LitseyBitiruvchilari #tashrif

💻 Joriy yilning 8-noyabr sanasida TATU Akademik litseyining 100 nafarga yaqin bitiruvchi o'quvchilari universitet faoliyati, ta'lim yo'nalishlari va ilmiy laboratoriyalari bilan yaqindan tanishish maqsadida "Kompyuter injiniringi" fakultetiga tashrif buyurdilar.

➡️Qisqacha taqdimot davomida fakultet dekani T.Kuchkorov tomonidan o'quvchilarga universitetdagi mavjud ta'lim yo'nalishlari, kirish imtihonlari, universitetda talabalarga yaratilgan imkoniyatlar va fakultet faoliyatiga oid qiziqarli va muhim ma'lumotlar berildi.

🔴 O'quvchilar fakultetdagi ta'lim yo'nalishlari hamda qo'shma ta'lim dasturlariga qiziqish bildirib, o'zlarini qiziqtirgan savollarga javob oldilar va tashrif so'ngida fakultetdagi "Robototexnika", "VR Lab", "GisLab" va "Sun'iy intellekt" kabi o'quv-ilmiy laboratoriyalar faoliyati bilan tanishdilar.

✈️@tuituz_official

#tashrif #AQSH

💻 Muhammad al-Xorazmiy nomidagi Toshkent axborot texnologiyalari universiteti “Axborot xavfsizligi” ta’lim yo‘nalishini xalqaro akkreditatsiyadan o‘tkazish yuzasidan AQShning ABET akkreditatsiya tashkiloti bilan kelishuvlarni amalga oshirmoqda.

🇺🇸 Joriy yilning 9-12-noyabr kunlari “Axborot xavfsizligi” yo‘nalishi bo‘yicha tayyorlik hisobotlarini monitoring qilish bo‘yicha ABET tashkilotining ishchi guruhi a’zolari Dr. Ramzi Haraty, Dr. Mark Stockman, Dr. Peng Li universitetga tashrif buyurib, tayyorlangan hisobotlarning asoslari va ularning ABET mezonlariga mosligi bo‘yicha monitoring o‘tkazdi.

📄 Dastlabki natijalarga ko‘ra, ABET tashkiloti ishchi guruhi a’zolari mazkur yo‘nalish bo‘yicha o‘tkazgan monitoring natijalari ijobiy baholandi. Yo‘nalishning to‘liq akkreditatsiyadan o‘tganligini tasdiqlovchi hujjat 2025-yil avgust oyida berilishi kutilmoqda.

✈️@tuituz_official

#tashrif

✅ Kuni kecha Muhammad al-Xorazmiy nomidagi Toshkent axborot texnologiyalari universitetiga Raqamli texnologiyalar vaziri maslahatchisi janob Sakurai Akihiro tashrif buyurdi.

🤔 Tashrif davomida universitetda yaratilgan sharoitlar, jumladan ilg’or muhandislik maktabida amalga oshirilayotgan ilmiy loyihar va Yaponiya xalqaro hamkorlik agentligi (JICA) homiyligida ochilgan TATU Media markazi bilan yaqindan tanishtirildi.

✅Tashkil etilgan uchrashuv davomida universitetning hozirgi kundagi mavjud yuqori salohiyatidan kelib chiqib, Yaponiya universitetlari va kompaniyalari bilan amalga oshirilishi mumkin bo’lgan hamkorliklar va ularni jalb qilish borasida muhokamalar olib borildi.

✈️@tuituz_official