#Forum #Videolavha #Teambuilding

Forum doirasidagi musiqiy tadbirdan videolavhalar.

🎵 "TATU yoshlari-kelajak bunyodkorlari – Qarshi-2024" forumining 2- kuni davom etmoqda. Forum doirasida tashkil etilgan musiqiy tadbirda talabalarimiz sho'x-shodon qo'shiqlarga raqsga tushishmoqda.

👥 Umid qilamizki, bunday ko'ngilochar - "Team building" tadbirlar yoshlarimizda emotsional-stress holatlari yuzaga kelishini oldini olib, birgalikda, jamoa bo'lib ishlashda yuqori natija beradi.

✈️ @tuituz_official

#forum #TATU_Olimlari

🌐 Joriy yilning 22-26-aprel kunlari, Belorus poytaxti Minsk shahri, Belorus davlat texnologiyalari universitetida “Uchuvchisiz uchish apparatlari bo’yicha xalqaro yoshlar forumi-2024” tashkil qilindi.

➡️ Dasturda Belorus, Rossiya va bir qator davlatlardan tashrif buyurgan ilmiy muassasalar, soha korxonalari va tashkilotlar qatorida TATU professor-o’qituvchilari va doktorantlari K.Shukurov, Sh.Begmatov, Z.Qodirov, B.To’rayevlar qatnashishdi.

Forumning ochilish marosimida Sun’iy intellekt kafedrasi dotsenti K.Shukurov nutq so’zladi. Shundan so’ng uchuvchisiz uchish apparatlarini iqtisodiyotning turli sohalarida amaliy qo’llash yuzasidan yig’ilish tashkil qilindi. Yig’ilish doirasida, Teleradioeshittirish tizimlari kafedrasi doktoranti Sh. Begmatov, Informatika asoslari kafedrasi assistenti Z. Qodirovlar o’z ilmiy-ishlanmalari bilan ishtirok etishdi.

#forum #IT #hamkorlik

✅ Kuni kecha, 25-iyul kuni O’zbekiston va Turkiya davlatlari yetakchi korxona va tashkilotlari, ta’lim muassasalari o’rtasida yaqin hamkorlik aloqalarini yangi bosqichga ko’tarishga qaratilgan, O’zbekiston-Turkiya biznes forumi tashkil etildi. Mazkur forumda Muhammad al-Xorazmiy nomidagi Toshkent axborot texnologiyalari universiteti rahbariyati ishtirok etib,  Turkiyaning yetakchi IT kompaniyalari bilan yangi istiqbolli hamkorliklarni yo’lga qo’ydi.

📊 Forum davomida O'zbekiston va Turkiya yetakchi biznes vakillari ishtirok etib, ular o’rtasida B2B uchrashuvlar tashkil etildi. Xususan, MIA Teknoloji, Bilkent cyberpark va GaziTechnopark bilan TATU o'rtasida muhokamalar bo'lib o'tdi, hamkorlik aloqalari o'rnatildi va anglashuv memorandumlari imzolandi. Bunda, IT-loyihalarni amalga oshirish uchun investitsiyalarni jalb qilish, IT bozoriga oid ma'lumotlar almashinuvi, o'zaro manfaatlarini hisobga olgan holda xalqaro hamkorlik muhitini yaratish belgilab olindi.

✈️@tuituz_official

#xalqaro_hamkorlik
#forum

Turkiya-O’zbekiston uchinchi ta’lim forumi o‘z ishini boshladi

27-sentyabr kuni  Istanbul shahrida Turkiya—Oʻzbekiston uchinchi taʼlim forumi oʻz ishini boshladi. Forumda Oʻzbekistonning 30 ga yaqin OTM rektorlari, Turkiya davlatidan 60 ga yaqin OTM  rahbarlari ishtirok etmoqda. 

Tadbirni Oʻzbekiston Respublikasi Prezidenti Administratsiyasining ijtimoiy rivojlantirish departamenti rahbari, Oliy taʼlim kengashi raisi Odil Abdurahmonov,   Turkiya Oliy taʼlim kengashi (YÖK) rahbari Erol Özvar, Istanbul texnika universiteti rektori  Hasan Mandal ochib berdilar.

Ta'kidlash joizki, soʻngi yillarda ikki davlat rahbarlarining siyosiy irodasi, saʼy-harakatlari tufayli Oʻzbekiston va Turkiya oʻrtasida hamkorlik aloqalari mutlaqo yangi bosqichga koʻtarildi. Universitetlar oʻrtasidagi hamkorlik koʻlami kundan-kunga kengayib bormoqda. Hozirda oliygohlar oʻrtasida imzolangan hamkorlik shartnomalari soni 150 tadan oshdi.

Soʻnggi 3 yil davomida 800 nafarga yaqin oʻzbekistonlik oʻqituvchi va tadqiqotchilar Turkiyaga malaka oshirish, stajirovka, seminar va treninglarga yuborildi. Shuningdek, Oʻzbekistondagi oliygohlarda oʻquv jarayonini tashkil etishga 500 nafardan ortiq turkiyalik oʻqituvchilar jalb etildi. Joriy oʻquv yilida universitetlarimiz oʻrtasida tashkil etilgan Double degree qoʻshma taʼlim dasturlari boʻyicha 600 nafarga yaqin talabalar tahsil olmoqda.

Forum doirasida ikki davlat universitetlarining hamkorligiga qaratilgan 50 yaqin shartnomalar, kelishuvlar va memorandumlar imzolanishi kutilmoqda.

✈️@tuituz_official

#forum #TATU #hamkorlik

📶 Turkiyaning Istanbul shahrida Oʻzbekiston va Turkiya Oliy taʼlim muassasalari rektorlarining uchinchi forumi bo’lib o’tmoqda.

🖋 Mazkur forum doirasida Muhammad al-Xorazmiy nomidagi Toshkent axborot texnologiyalari universiteti va Turkiya davlatining Firat universiteti o’rtasida professor-o‘qituvchi va talabalar almashinuvini tashkil etish, o‘zaro o‘quv hamda seminarlar tashkil etish, birgalikda ta’lim sifatini oshirish, stajirovka va malaka oshirish kurslarini tashkil etish kabi yo‘nalishlarida o‘zaro aloqalarni yo’lga qo’yishni nazarda tutgan hamkorlik shartnomalar imzolandi.

🗒 Ma'lumot uchun:
Fırat Universiteti — davlat universiteti bo'lib, Turkiyaning Elazig shahrida joylashgan. 1975 yilda tashkil etilgan va nomi Elazig yaqinidagi Furot daryosiga atab qo'yilgan. Universitet sharqiy Turkiyaning asosiy akademik muassasalaridan biri bo‘lib, 12 ta fakultet, 4 ta institut, davlat konservatoriyasi, 3 ta kasb-hunar maktabi va 21 ta ilmiy tadqiqot markaziga ega. Universitet ilmiy va texnologik taraqqiyotga katta eʼtibor beradi.

✈️@taturektori