Олий таълим муассасаларида умумхалқ хайрия ҳашари ўтказилди

📌 Aйни дамда Хоразм вилоятида қор ёғиб турганлиги сабаб ТТА Урганч филиалида ҳашар бинонинг ички қисмида олиб борилмоқда. Шунингдек, барча профессор-ўқитувчилар, ишчи-ходимлар ва талабаларга қулайлик яратиш мақсадида бино атрофи ва кириш қисмлари қордан тозаланди.

📌 Жиззах давлат педагогика институти жамоаси ҳамда талаба-ёшлар таълим муассасаси жойлашган бино атрофи ва ички ҳудудларни тартибга келтирдилар, ариқлар, кўчалар ва йўлаклар тозаланди, дов-дарахтларни буталаш ишлари амалга оширилди.

📌 Тошкент молия институтида ўтказилган ҳашарда институтнинг ишчи-ходимлари, профессор-ўқитувчилар ҳамда кўнгилли талаба-ёшлар иштирок этди. Институт ҳудуди супурилиб, ариқлар тозаланди, ўқув аудиториялари ҳамда кутубхоналар тартибга келтирилди.

📌 Самарқанд давлат чет тиллар институти профессор-ўқитувчилари ҳамда талабалари институт ҳовлисидаги очиқ майдонлар, ўқув бинолари, кутубхоналар ва талабалар турар жойларида ўтказилган ҳашар ишларида қатнашдилар.

📌 Бухоро давлат университетида ўзаро ҳамжиҳатлик, иноқлик асосида ташкил этилган тадбир натижасида университет ҳовлиси, хизмат хоналари озода, шинам ва обод ҳолга келтирилди. Университет ҳудуди бўйлаб мевали ҳамда манзарали 300 дона дарахт кўчатлари экилди.

📌 Эълон қилинган умумхалқ хайрия ҳашари доирасида Жиззах политехника институти жамоаси томонидан ҳам ҳашар фаоллик билан ташкил этилиб, институтнинг барча ҳудудида ободонлаштириш ва кўкаламзорлаштириш ишлари қизғин олиб борилди.

📌 Андижон давлат университети ҳудудидаги 4800 туп кўчат ва дарахтларга баҳорий ишлов берилиб, оқланди. Умумий 8.4 гектардан ортиқ майдон ва йўлаклар, ариқлар тозаланди. Барча факультет ўқитувчи-профессорлари ўзларига бириктирилган жойларга мевали ва манзарали дарахт экишди.

📌 Шунингдек, бугун республикамиз бўйлаб барча ОТМларда “Обод ва кўркам маҳаллам” шиори остида умумхалқ хайрия ҳашари уюшқоқлик билан ташкил этилди.

TATU rasmiy kanaliga obuna boʻlish 👇👇👇
@tuituz_official