#hackathon #Low_Code #Odoo

⌨️ Joriy yilning 4–5-may kunlari TATU da "Low Code"ga asoslangan Hakaton turniri bo'lib otdi. Unda ishtirokchilar nafaqat o‘z mahorat va iqtidorlarini namoyish etish, balki innovatsion loyihalar va dasturiy yechimlarni yaratish borasidagi amaliy tajriba va ko'nikmalarini oshirish imkoniyatiga ega bo'lishdi.

Musobaqada talaba yoshlar, Backend, Frontend dasturchilar va dizaynerlar ishtirok etdilar. Hakatonda 19 ta jamoa (jami 53 ta ishtirokchilar) o'z loyihalarini taqdim etdilar.

👥 Jamoalar "Odoo" platformasi doirasida "Low Code"ga asoslangan: Elektron tijorat, E-POST, FinTech va Deep Tech yo’nalishlarining dasturiy yechimlari bo‘yicha bellashdilar.

Hakamlar hay'atining baholash natijalariga ko'ra:
1-o'rin – “Rishala” jamoasi (“Odoo” platformasida berilgan vazifani aniq va mukammal bajarib, 86 ball bilan);
2-o'rin – “Prime” jamoasi (“Odoo” platformasida berilgan vazifani mukammal va kreativ bajarib, 80 ball);
3-o'rin – “Team A” jamoasi (“Odoo” platformasida berilgan vazifani aniq va yakka tartibda bajarib, 61 ball)ga nasib etdi.

🎁 Taqdim etilgan loyihalar asosida Hakaton g'oliblari aniqlandi va ularga vaucherlar, sertifikat hamda esdalik sovg'alari topshirildi.

✈️@tuituz_official

#memorandum #ODOO #UIC

🤝 TATU, Odoo va UIC Group kompaniyalari o'rtasida Anglashuv memorandumi imzolandi.

Odoo Ta'lim guruhi rahbari  Kevin Daniel va UIC Group bosh direktori Muratov Murodkhuja TATUga hamkorlik aloqalarini o'rnatish maqsadida tashrif buyurishdi. Hamkorlik doirasida TATU talabalari uchun "UIC Group" kompaniyasiga amaliyotga borish imkoniyati yaratiladi.

Odoo - CRM, elektron tijorat, buxgalteriya hisobi, inventarizatsiya, savdo nuqtasi, loyihalarni boshqarish kabi ochiq manbali biznes ilovalari to'plami hisoblanadi. Odoo universitetga "Odoo kursi"dan foydalanish imkoniyatini beradi. Kurs talabalarga ERP funksiyalarini tushunish uchun bilim berishga qaratilgan.

Ma'lumot uchun: Odoo millionlab kompaniyalarga o'z bizneslarini boshqarish va kengaytirish uchun zarur bo'lgan dasturiy ta'minotdan oson foydalanish imkoniyatini beradi. Butun dunyo bo'ylab 4,5 milliondan ortiq foydalanuvchi tomonidan qo'llaniladi.

✈️@tuituz_official

#seminar #Odoo #UIC_Group

Odoo va UIC Group kompaniyalari universitet o‘qituvchilari va talabalariga amaliy mashg'ulotlar va seminar o'tkazdi.

Amaliy mashg'ulotlar va seminardan asosiy maqsad: TATU ta'lim jarayonalarida eng so'nggi dasturlar, mavjud innovatsion platformalar va dunyo standartlariga mos tizimlardan foydalanish hisoblanadi.

Seminar davomida Odoo ta'lim dasturi orqali ta'lim muassasalariga Odoo dasturiy ta'minotidan talabalarni haqiqiy biznes dunyosiga tayyorlashga yordam berish uchun darslarda ta'lim resursi sifatida qanday foydalanish imkoniyatlari haqida tushuntirildi.

Odoo universitet professor-o‘qituvchilari va talabalariga akademik qo‘llab-quvvatlash uchun har birining ishlash muddati 10 oy bo‘lgan cheksiz miqdordagi Odoo ma’lumotlar bazalaridan bepul foydalanish imkoniyati yaratildi.

✈️@tuituz_official