#JobFair2024 #Mehnat_Yarmarkasi

📆 Kuni kecha, 💻 Muhammad al-Xorazmiy nomidagi Toshkent axborot texnologiyalari universitetida talabalarning mustaqil hayotga qadam qo‘yishlari, o‘z iqtidori va salohiyatini to‘liq namoyon etishlari uchun sharoitlarni kengaytirish, ularning bandligiga ko‘maklashish, talabalarni kelajakda kasbiy faoliyatiga qiziqishlarini kuchaytirish va potensial ish beruvchilar bilan to‘g‘ridan-to‘g‘ri aloqasini yo‘lga qo‘yishga ko‘maklashish maqsadida 🌸 SPRING JOB FAIR-2024 yirik mehnat yarmarkasi bo‘lib o‘tdi.

⭐️Yarmarkada O’zbektelekom, O’zbekiston pochtasi, Kiberxavfsizlik markazi, East games, GK Consulting, Mobi.uz, Tenge bank, Unicon, Hikvision, Enter engineering, Turon telecom, Sarkor telecom kabi 50 ga yaqin yirik xorijiy va mahalliy kompaniyalar o‘zlarida mavjud bo‘sh ish o‘rinlari hamda stajirovka dasturlari bilan ishtirok etishdi.

✔️ Tadbirga tashrif buyurgan 2000 dan ortiq talabalar o‘zlarini qiziqtirgan kompaniyalar faoliyati va ulardagi bo‘sh ish o‘rinlari to‘g‘risida batafsil ma’lumotga ega bo‘ldilar hamda 70 ga yaqin talabalar tadbir davomida kompaniya vakillari bilan suhbatdan o‘tib, ishga qabul qilinishga ham erishdilar.

🎁 Yarmarkada faol ishtirok etgan talabalar korxonalar tomonidan sovg’alar bilan taqdirlandi.

✈️@tuituz_official