#anjuman #konferensiya

💻 2024-yilning 4-5-yanvar kunlari Muhammad al-Xorazmiy nomidagi Toshkent axborot texnologiyalari universitetida ushbu yo‘nalishda amalga oshirilayotgan ishlar sarhisobi va yangi rejalar muhokamasiga bag‘ishlangan “Oliy ta’limni raqamlashtirish sharoitida innovatsion o‘qitish texnologiyalarini qo‘llash masalalari – ICT Edu 2024” mavzusidagi Respublika ilmiy-uslubiy anjumani tashkil etildi.

✅ Mazkur konferensiya raqamlashtirish sharoitida innovatsion o‘qitish texnologiyalarini qo‘llashga qaratilgan muammo va yechimlar muhokamasiga bag‘ishlangan bo‘lib, quyidagi sho‘balarda professor-o‘qituvchilar va ilmiy tadqiqotchilarning 250 dan ortiq ma’ruzalari muhokama qilindi.

🗂 Konferensiya yakunida oliy ta’limni raqamlashtirish sharoitida innovatsion o‘qitish texnologiyalarini qo‘llash, ta’lim sifatini oshirish va uslubiy qo‘llab-quvvatlash bo‘yicha xulosalar qabul qilindi.

✈️@tuituz_official

#anjuman #InfolibUzbekistan

💻 Muhammad al-Xorazmiy nomidagi Toshkent axborot texnologiyalari universiteti respublika ilmiy-amaliy anjumaniga mezbonlik qildi.
Joriy yilning 22-oktyabr kuni universitetimizda O‘zbekiston Milliy kutubxonasida o‘tkazilayotgan “INFOLIB O‘ZBEKISTAN – 2024” XIII Milliy axborot-kutubxona haftaligi doirasida “Uchinchi Renessans: Kutubxona sohasida kadrlar tayyorlashning dolzarb vazifalari” mavzusida ilmiy-amaliy anjuman bo‘lib o‘tdi.

☯️ Anjumanda Oliy taʼlim, fan va innovatsiyalar vazirligi, O‘zbekiston Milliy kutubxonasi mas’ul xodimlari, respublikada kutubxona sohasida kadr tayyorlovchi OTM vakillari va OTM Axborot resurs markazlari rahbarlari ishtirok etishdi.

📚 Anjuman ishtirokchilari uchun dastlab universitet kutubxonasiga ekskursiya uyushtirildi va kutobxonlarga yaratilgan shart-sharoitlar bilan tanishtirildi. So‘ngra respublikada kutubxona sohasida kadrlar tayyorlash va qayta tayyorlashdagi muhim masalalarni aniqlash, jahon talablariga javob beradigan zamonaviy o‘quv dasturlarini yaratishga oid ma’ruzalar tinglandi va muhokamalar olib borildi.

❕Eslatib o‘tamiz, TATU kutubxonalarga axborot texnologiyalari bo‘yicha mutaxassis tayyorlovchi yagona oliy ta’lim muassasasi hisoblanadi.

✈️@tuituz_official

#XotinQizlar #anjuman

💻 Muhammad al-Xorazmiy nomidagi Toshkent axborot texnologiyalari universitetida “IT sohasi rivojida xotin - qizlarning o‘rni” mavzusidagi xalqaro anjuman va Xotin-qizlarning IT sohasiga tadbiq qilishga yo‘naltirilgan dasturiy mahsulotlar, veb sayt, mobil ilova va innovatsion loyihalarini targ‘ibotiga yo‘naltirilgan “ITWomenUZ-2024” ko‘rgazmasi bo‘lib o‘tdi.

🔄 Ushbu anjumanda nafaqat universitetda faoliyat yurituvchi olima-ayollar balki, xorijlik olimalar ham tashrif buyurib, o‘z tajribalari bilan o‘rtoqlashdilar. Anjuman doirasida tashkil etilgan “ITWomenUZ-2024” ko‘rgazmasidagi olima ayollarning dasturiy mahsulot, veb sayt, mobil ilova va innovatsion loyihalari tashrif buyurgan mehmonlarda katta qiziqish uyg‘otdi.  

✈️@tuituz_official