#tashrif

🇺🇿💻🇰🇷“HUSS X TUIT Global Sustainability Program” dasturi doirasida Koreya Respublikasining yetakchi oliy ta’lim muassasalari professor va talabalari xalqaro tajriba almashish, TATUning axborot kommunikatsiya salohiyatini o‘rganish maqsadida tashrif buyurdilar. Universitetda talabalar uchun yaratilgan imkoniyatlar va sharoitlar yaqindan tanishtirildi va turli sohalarda amalga oshirilayotgan loyihalar taqdimoti bo'lib o'tdi.

🤔 Shuningdek, Kwangwoon, Kookmin, Sunmoon, Yeungnam, Honam universiteti va TATU talabalaridan iborat 10 ta guruh o‘rtasida mahalliy muammolarga yechimlarni taklif qilish orqali global ijtimoiy muammolarni hal qilishga qaratilgan loyiha tanloviga start berildi. Ushbu loyiha Koreya xalqaro hamkorlik agentligi KOICA tomonidan moliyalashtirilgan bòlib, Koreya-O’zbekiston madaniyatlararo almashinuviga imkoniyat yaratadi.

✈️@tuituz_official

#tashrif

💻 Muhammad al-Xorazmiy nomidagi Toshkent axborot texnologiyalari universiteti delegatsiyasi Malayziyaning INTI Xalqaro Universitetiga tashrif buyurdi.

🇲🇾 Tashrif davomida INTI Xalqaro Universiteti va TATU oʻrtasida imzolangan Yo’l xaritasida belgilangan maqsadlarga erishish mexanizmlari muhokama etildi. Shuningdek, universitetning tadqiqot salohiyati va imkoniyatlari bilan yaqindan tanishish maqsadida laboratoriyalar ham ko’zdan kechirildi.

➡️ Ta’kidlab o’tish joizki, birinchi Malayziya-O’zbekiston ta’lim forumi doirasida INTI Xalqaro Universiteti va TATU o’rtasida 2025-2026-yillarga mo’ljallangan hamkorlik Yo’l xaritasi imzolangan edi.

✈️@tuituz_official

#tashrif #hamkorlik

💻 Muhammad al-Xorazmiy nomidagi Toshkent axborot texnologiyalari universitetiga Xitoyning Zhengzhou universiteti delegatsiyasi tashrif buyurdi.

🇨🇳 Tashrif davomida Zhengzhou universiteti vakillari ilmiy-o‘quv laboratoriyalari va sanoat-akademiya markazlari bilan yaqindan tanishdilar. Ikki universitet o'rtasida uzoq muddatli hamkorlik doirasida energetika va axborot texnologiyalari sohasida qo‘shma tadqiqotlar va loyihalar amalga oshirish bo‘yicha ilmiy-tadqiqot hamkorligini rivojlantirish imkoniyatlari muhokama qilindi.

📝 Ma'lumot uchun: Xitoyning Zhengzhou shahridagi Zhengzhou universiteti xalqaro QS reytingi bo'yicha dunyoning TOP-500 universitetlari qatoridan joy olgan.

✈️@tuituz_official

#tashrif #DavraSuhbati

💻 Muhammad al-Xorazmiy nomidagi Toshkent axborot texnologiyalari universitetiga Alisher Navoiy nomidagi O‘zbekiston Milliy kutubxonasi rahbariyati tashrif buyurdi.

Tashrif davomida Milliy kutubxona vakillari universitetning ilmiy-o‘quv laboratoriyalari, O‘quv Media markazi va Axborot-resurs markazi faoliyati bilan yaqindan tanishdi. Uchrashuv chog‘ida tomonlar o‘quv va ilmiy tadqiqot jarayonlarida axborot ta’minotining o‘rni, kutubxona sohasida malakali IT mutaxassislarini tayyorlashning dolzarb masalalarini muhokama qildilar. Aloqalarni yanada kengaytirish maqsadida hamkorlik kelishuvi imzolandi.

✅ Shuningdek, Milliy kutubxona vakillariga Axborot-kutubxona tizimlari kafedrasida olib borilayotgan loyihalar taqdimoti o‘tkazildi. Tashrif so‘ngida Alisher Navoiy nomidagi O‘zbekiston Milliy kutubxonasi direktori Teshaboyeva Umida Alimjonovna va universitet talabalari ishtirokida motivatsion davra suhbati tashkil etildi.

🔘O‘tkazilgan muloqotda sohadagi so‘nggi yangiliklar, kutubxonachilik kasbiga qo‘yilayotgan zamonaviy talablar hamda sun’iy intellektning kutubxona jarayonlariga bo‘lishi mumkin bo‘lgan ta’siri muhokama qilindi.

✈️@tuituz_official

#tashrif

💻 Muhammad al-Xorazmiy nomidagi Toshkent axborot texnologiyalari universitetiga Lotin Amerikasi va Karib dengizi parlamenti (Parlatino) prezidenti Rolando Miguel González Patricio tashrif buyurdi.

🇨🇺 Kubalik siyosatchi, akademik va xalqaro munosabatlar bo‘yicha mutaxassis bo‘lgan González Patricio 2023-yil dekabr oyida Parlatino prezidenti etib saylangan hamda xalqaro siyosiy munosabatlar bo‘yicha bakalavr, tarix fanlari doktori bo‘lib, o‘z faoliyati davomida Kuba madaniy tadqiqotlari instituti “Xuan Marinello” va San’at universitetida yetakchi lavozimlarda ishlagan.

✅ Tashrif davomida mehmon universitetdagi ilmiy-intellektual muhit, o‘quv va ilmiy markazlar bilan tanishdi hamda xalqaro hamkorlik doirasida universitetlararo aloqalarni mustahkamlash masalalari muhokama qilindi.

📝Ma’lumot uchun:
Shu kunlarda O‘zbekiston mezbonligida Parlamentlararo Ittifoqning 150-yubiley assambleyasi bo‘lib o‘tmoqda. Ushbu nufuzli xalqaro tadbir doirasida Parlatino prezidenti, xalqaro siyosiy munosabatlar bo‘yicha mutaxassis González Patricio yurtimizda amalga oshirilayotgan islohotlarni yuqori baholadi. U 2024–2026-yillar davomida Lotin Amerikasi va Karib havzasi davlatlari o‘rtasidagi parlamentlararo va strategik hamkorlikni rivojlantirishga qaratilgan tashabbuslarga rahbarlik qilmoqda.

✈️@taturektori