#Rasmiy_bayonot

Ijtimoiy tarmoqlarda yangi o‘quv yilida ta’lim jarayonining an’anaviy (oflayn) tarzda boshlanishi haqida tarqalgan xabarlar yuzasidan

Ayni kunlarda Oliy va o‘rta maxsus ta’lim vazirligi tomonidan oliy ta’lim muassasalarining pandemiya sharoitida sanitariya-gigiyena qoidalariga rioya qilgan holda ta’lim jarayonini an’anaviy (oflayn) tarzda tashkil etish bo‘yicha tayyorgarlik holati o‘rganilmoqda.

O‘rganishlar natijasiga ko‘ra tegishli ma’lumotlar Vazirlar Mahkamasiga taqdim etiladi. Oliy ta’lim muassasalarida ta’lim jarayonini tashkil etish yuzasidan yakuniy xulosa tasdiqlangandan so‘ng, vazirlik sayti va ijtimoiy tarmoqlaridagi sahifalari orqali rasmiy tarzda e’lon qilinadi.

Shu o‘rinda, Oliy va o‘rta maxsus ta’lim vazirligi talabalarni pandemiya sharoitida sanitariya-gigiyena qoidalariga qat’iy rioya qilishlarini, ularning ota-onalari ham farzandlari sog‘lig‘iga mas’uliyat bilan qarashlari va, albatta, vaksinatsiya jarayoniga faol ishtirok etishlarini so‘rab qoladi.

Emlash talabalarning yaxshi bilim olishlari bilan bir qatorda o‘zlari hamda professor-o‘qituvchilarning ham sog‘-salomat bo‘lishini ta’minlaydi.

————————
➖ Telegram | Instagram | Facebook | YouTube

Alisher Navoiy nomidagi ToshDO‘TAU Matbuot xizmati
https://t.iss.one/navoiy_uni_uz

#Rasmiy_bayonot

2021/2022-oʻquv yili uchun respublika oliy ta’lim muassasalarida bakalavriat yoʻnalishlari va magistratura mutaxassisliklari boʻyicha toʻlov-kontrakt qiymati miqdorlari toʻgʻrisida Oliy va oʻrta maxsus ta’lim vazirligining bayonoti

Axborot xizmati rahbari Sardor Usmanov

👉 Matn formatida o'qish
👉 Kontrakt miqdorlari
___
Vazirlikning rasmiy sahifalari:
Telegram | Instagram | Facebook | YouTube

#Rasmiy_bayonot

Talaba.uz telegram kanalida Alisher Navoiy nomidagi Toshkent davlat oʻzbek tili va adabiyoti universiteti yotoqxonasida boshqa oliy taʼlim muassasasi talabasi joylashganligi haqida tarqalgan xabar yuzasidan

Talaba.uz telegram kanalida Alisher Navoiy nomidagi Toshkent davlat oʻzbek tili va adabiyoti universiteti yotoqxonasida boshqa oliy taʼlim muassasasi talabasi joylashganligi haqida asossiz xabar tarqatildi. Biz ushbu xabarni o‘ganish natijasida quyidagilarni ma’lum qilamiz.
Alisher Navoiy nomidagi Toshkent davlat oʻzbek tili va adabiyoti universitetida 2 ta Talabalar turar joyi mavjud. Talabalar turar joyi 480 talabaga moʻljallangan, bu yil qo'shimcha yotoqlar qoʻyilgani hisobiga 672 taga kengaytirilgan. Bugungi kunda 672 nafar talaba (shundan 61 nafar xorijlik) TTJda istiqomat qiladi. Bulardan 538 nafari qizlar, 73 nafari oʻgʻil bolalardir.
Joriy oʻquv yilida universitet miqyosida TTJga joylashish uchun talabalardan 966 ta ariza kelib tushgan. Ushbu arizalar universitet rektori SH.Sirojiddinov buyrugʻi bilan tuzilgan maxsus komissiya tomonidan oʻrganilib chiqilgan, murojaat etgan talabalardan: 569 nafar nogiron, boquvchisini yoʻqotgan, koʻzi ojiz, “Temir daftar”, “Ayollar daftari”, “Yoshlar daftari”da qayd etilgan, shuningdek, oilasida 2 va undan ortiq toʻlov-shartnoma asosida tahsil oladigan ehtiyojmand talabalar joylashtirilgan.
Biz ijtimoiy tarmoqlarda tekshirilmagan, asossiz ayblovlarni tarqatmaslikni soʻraymiz, shuningdek, anonim tarzda yozilgan xabarlarni tarqatish orqali o‘z manfaatini qondirishga harakat qiladigan turli kanallarga qonunchiligimizga koʻra, jinoiy javobgarlik belgilanganligini eslatib oʻtamiz.

Alisher Navoiy nomidagi ToshDO'TAU Matbuot xizmati Telegram / Facebook / Instagram

#Rasmiy_bayonot

Acharya universitetiga oliy ta’lim xizmatlarini ko‘rsatish uchun litsenziya berilmagan

Ijtimoiy tarmoqlarda Acharya universitetiga qabul bo‘lib o‘tayotgani haqida xabarlar tarqalmoqda.

Vazirlik vakolatli organ sifatida ushbu xabarlar yuzasidan quyidagilarni ma’lum qiladi.

Vazirlik ushbu xususiy ta’lim muassasasiga oliy ta’lim xizmatlarini ko‘rsatish uchun litsenziya bermagan. Litsenziya olgandan keyingina ta’lim faoliyati olib borishi mumkin.

Shu o‘rinda, abituriyentlar va ularning ota-onalaridan faqatgina vazirlikning edu.uz rasmiy saytida ko’rsatilgan davlat, nodavlat va xorijiy oliygohlar ro‘yxatidagi oliy o’quv yurtlarini tanlashlari tavsiya etiladi.

👉На русском
👉In English

Bizni kuzating👇🏻
Twitter | Instagram | Facebook | YouTube