📄 Hamkorlik to‘g‘risidagi memorandum imzolandi

🤝2025 yil iyun oyida O‘zbekiston Respublikasi Adliya vazirligi huzuridagi Qonunchilikni tahlil qilish va tartibga solish taʼsirini baholash instituti hamda O‘zbekiston Respublikasi Huquqni muhofaza qilish akademiyasi o‘rtasida hamkorlik memorandumi imzolandi.

☝️Ushbu memorandum doirasida huquqni muhofaza qilish, qonunchilik va jinoyatchilikni oldini olish sohalarida quyidagi yo‘nalishlarda samarali hamkorlikni yo‘lga qo‘yish nazarda tutilgan:

✅ jinoyatchilikni oldini olish va huquqbuzarliklar profilaktikasi bo‘yicha ilmiy-amaliy tadqiqotlar o‘tkazish;

✅ kadrlar tayyorlash, qayta tayyorlash va malaka oshirish dasturlarini amalga oshirish;

✅normativ-huquqiy hujjatlarni tahlil qilish va tartibga solish yukini kamaytirishga doir qo‘shma takliflar ishlab chiqish;

✅ sud-tergov amaliyotida tahliliy fikrlash ko‘nikmalarini rivojlantirish;

✅ qo‘shma ilmiy maqolalar, tahliliy sharhlar va nashrlar tayyorlash hamda tarqatish;

✅ xalqaro tajriba almashish va qo‘shma tadbirlar tashkil etish.

📌Mazkur memorandum har ikki tashkilot faoliyatida sifatli o‘zgarishlar jasorat bilan amalga oshirilishida muhim qadam bo‘lib, davlat boshqaruvi va huquqni muhofaza qilish tizimida ilmiy yondashuvlarni mustahkamlashga xizmat qiladi.

#RIAInstituteNEWS #Memorandum #Hamkorlik

📌 Kanalga ulanish

📄Hamkorlik memorandumi imzolandi

🤝 2025-yil 25-iyul kuni Adliya vazirligi huzuridagi Qonunchilikni tahlil qilish va tartibga solish ta’sirini baholash instituti hamda O‘zbekiston Respublikasi Kriminologiya tadqiqot instituti o‘rtasida hamkorlik memorandumi imzolandi.

✅ Ushbu memorandum jinoyatchilikka qarshi kurash, kriminologiya sohasi va huquqiy islohotlar yo‘nalishlarida quyidagi asosiy hamkorlik shakllarini nazarda tutadi:

➖kriminologiya sohasidagi normativ-huquqiy hujjatlar va ularning loyihalarini tartibga solish ta’sirini baholash;

➖kriminologiya sohasidagi qonunchilik bazasini tizimlashtirish va takomillashtirish;

➖ilmiy tadqiqotlar, ekspertizalar va tahliliy ishlanmalarni amalga oshirish;

➖kriminologik qonunchilik bo‘yicha kadrlar malakasini oshirish va o‘quv-uslubiy qo‘llanmalarni tayyorlash;

➖qo‘shma seminar, davra suhbatlari, konferensiyalar tashkil etish va ilmiy maqolalar chop etish.

➡️Mazkur memorandum ikki muassasa o‘rtasida ilmiy-tadqiqot hamkorligini mustahkamlash, kriminologik qonunchilikni tahlil qilish va uni takomillashtirishda yangi bosqichni boshlab beradi.

#RIAInstituteNEWS #Memorandum #Hamkorlik

📌 Kanalga ulanish