#Shukuh

Bugun xalqimiz qutlug‘ ayyom — muborak Ramazon hayitini keng nishonlamoqda

Ayyom munosabati bilan muqaddas diniy taomilimizga ko‘ra, erta tongdan viloyatimizdagi 219 ta masjidda musulmonlarimiz hayit namozlarini ado etdilar. Viloyat bo‘yicha 364 ming nafardan ziyod hamyurtlarimiz mazkur marosimlarda ishtirok etdi.

Ma’lumot o‘rnida, Ramazon oyi davomida viloyatda ko‘plab kam ta’minlangan oilalar, boquvchisi yo‘q fuqarolar va Ikkinchi jahon urushi qatnashchilari, yolg‘iz keksalar holidan xabar olindi. “Oilaviy bolalar uyi", "Muruvvat" va "Saxovat" uylariga moddiy yordamlar ko‘rsatildi.

Viloyatdagi 44 ta muqaddas qadamjo, tarixiy obidalar va 967 ta qabristonlar hududi obodonlashtirildi. Ramazon hayit bayrami o‘tkazilishi munosabati bilan hokimlik va tashkilotlar, huquq-tartibot idoralari xodimlari hududlardagi jome’ masjidlarga biriktirilib, namozxonlarning tinchlik-osoyishtaligi va xavfsizligi ta’minlandi.

Tadbirda viloyat hokimi Zoyir Mirzayev ham ishtirok etdi va barchani ulug‘ ayyom bilan qutladi.

✅ Telegram 🌐Website 📹YouTube 📸 Instagram✅Facebook 🕊Twitter

#Shukuh

Favqulodda vaziyatlar tizimidagi xodimlarning farzandlariga oliy taʼlimga kvota ajratildi

O‘zbekiston Respublikasi Vazirlar Mahkamasining 2018-yil 22-iyundagi "O‘zbekiston Respublikasi Qurolli Kuchlari harbiy xizmatchilari farzandlarining kvota asosida respublika oliy ta’lim muassasasiga o‘qishga kirish uchun tavsiyanomalar berish tartibi to‘g‘risida"gi 462-sonli qaroriga asosan, Favqulodda vaziyatlar vazirligi tizimida faoliyat yuritayotgan xodimlarning farzandlariga kvotalar ajratib kelinmoqda.

Jumladan, bugun Toshkent viloyati Favqulodda vaziyatlar boshqarmasi tizimida xizmat olib borayotgan 31 nafar harbiy xizmatchining 33 nafar farzandiga oliy ta’lim muassasalariga o‘qishga kirish uchun tavsiyanomalar topshirildi.

Bundan ko‘zlangan maqsad – Qurolli kuchlar tizimida xizmat olib borayotgan harbiy xizmatchilarning ijtimoiy ahvolini yaxshilash, ularning farzandlarini oliy ta’limda o‘qishlarini ta’minlash hamda yoshlarni qoʻllab-quvvatlashdan iborat.

Marosimda Toshkent viloyati Favqulodda vaziyatlar boshqarmasi boshligʻi, podpolkovnik Abdulaziz Alimatov ishtirok etdi va nutq soʻzladi.

✅Telegram 🌐Website 📹YouTube 📸 Instagram✅Facebook 🕊Twitter

#Shukuh

Maktablarda “Soʻnggi qoʻngʻiroq” yangradi

Bugun viloyatimizdagi barcha umumtaʼlim maktablarida “Soʻnggi qoʻngʻiroq” tadbirlari ko'tarinki ruhda oʻtkazildi. Jumladan, Nurafshon shahridagi "Vatanparvar bogʻi"da 32-sonli umumiy oʻrta taʼlim maktabi 11-sinf bitiruvchilarining soʻnggi qoʻngʻiroq tadbiri tashkil qilindi. Tadbir avvalida, Prezident tabrigi bitiruvchi-yoshlarga oʻqib eshittirildi.

Maʼlumot uchun, bu yil viloyatimizda 53 114 nafar 9-sinf va 35 774 nafar 11-sinf bitiruvchilari tamomlamoqda. Shundan 889 nafari oltin, 223 nafari kumush medal sohibi bo'ldi. 75 nafari oliy taʼlim muassasalariga muddatidan oldin oʻqishga qabul qilingan va 10 nafari TOP-300 talik OTM talabasi bo‘lgan.

Tadbir davomida 2024-2025-oʻquv yilida fan olimpiyadalari, koʻrik-tanlov va sport musobaqalarida ishtirok etib, faxrli oʻrinlarni egallagan hamda oʻzining namunali xulqi bilan tengdoshlariga oʻrnak boʻlgan bir guruh oʻquvchilar, shuningdek, jonkuyar ijodkor oʻqituvchilar viloyat hokimining faxriy yorliq, qimmatbaho esdalik sovgʻalari va pul mukofotlari bilan taqdirlandi.

Shuningdek, badiiy chiqishlar namoyish etilib, soʻnggi qoʻngʻiroq sadolari ostida bitiruvchilar katta hayot ostonasiga kuzatildi. Shundan soʻng, viloyat hokimi bitiruvchi yoshlar bilan ochiq muloqot oʻtkazdi va ularning taklif, tashabbus hamda fikrlarini tingladi.

Marosimda Toshkent viloyati hokimi Zoyir Mirzayev ishtirok etdi va nutq soʻzladi.

✅Telegram 🌐Website 📹YouTube 🌐 Instagram✅Facebook 🕊Twitter

#Shukuh

Nurafshonda 30-iyun – Yoshlar kuniga bag‘ishlangan viloyat asosiy bayram tantanalari bo‘lib o‘tdi

"Yangi O‘zbekiston yoshlari birlashaylik!" shiori ostida o‘tkazilgan bayram oqshomida viloyatimizning barcha shahar va tumanlaridan minglab yoshlar qatnashdi.

Yoshlar bilan ishlash borasida faollik ko‘rsatgan, yoshlarga doir davlat siyosatini amalga oshirishda alohida namuna boʻlgan rahbarlar, o‘z navbatida, har tomonlama ilg‘or, faol yoshlar Toshkent viloyati hokimligining faxriy yorliq va esdalik sovg‘alari bilan taqdirlandi.

Festivalda san’at ustalari tomonidan tayyorlangan konsert dasturi namoyish etildi.

Tadbirda Toshkent viloyati hokimi Zoyir Mirzayev ishtirok etdi va nutq so‘zladi.

✅Telegram 🌐Website 📹YouTube 🌐 Instagram✅Facebook 🕊Twitter