#Tashabbus

SOBIQ OʻQUVCHINING KUTILMAGAN TUHFASI

Zangiota tumanidagi 14-umumiy oʻrta taʼlim maktabiga qoʻshimcha qurib berilgan 690 oʻrinli yangi oʻquv binosining ochilish marosimi boʻlib oʻtdi.

Eʼtiborga molik tomoni shundaki, mazkur maktabni kapital taʼmirlash, shuningdek, qoʻshimcha bino qurish zarurati borligini bilgan sobiq oʻquvchi – tadbirkor tashabbus koʻrsatdi. U maktabni taʼmirlash va yangi binoni qurishga toʻliq oʻz hisobidan mablagʻ ajratdi.

Maʼlumot oʻrnida, tadbirkor tomonidan 690 oʻrinli yangi bino qurilishi va 960 oʻrinli mavjud binoni kapital rekonstruksiya qilish uchun 34 milliard soʻm mablagʻ yoʻnaltirgan.

Maktab jamoasi, oʻquvchilar, mahalla ahli jam boʻlib, taʼmirdan chiqqan maktab binosi, yangitdan qurilgan inshoot va undagi sharoitlar bilan tanishishdi.

Marosimda viloyat hokimi Zoyir Mirzayev ishtirok etdi.

✉Telegram 🌐Website 🌐YouTube 📱Instagram 📱Facebook 📱Twitter

#tashabbus

Yoshlar ishlari agentligi Angren shahar boʻlimi rahbari Azizbek Parpiyev boshchiligida yoshlar yetakchilari “Oqqoʻrgʻon tajribasi”ni qoʻllab-quvvatladilar va “Gulzor” mahallasida obodonlashtirish ishlarida tashabbus koʻrsatishdi.

Unda mahallaning Oxunboboyev nomli koʻchasida ariq-zovurlar, mavjud gulxonalar chiqindilardan tozalanib, tartibga keltirildi.

Mahalla yoʻllarini tekislanib, tashlandiq yotgan maydonobod qilindi.

✉️Telegram 🌐Website 🌐YouTube 📱Instagram 📱Facebook 📱Twitter

#Tashabbus

MUHRIDDIN HAMZAYEV OLMALIQ YULDUZLARINI BIRLASHTIRDI

Sentyabr. Yangi oʻquv yili. Maktabda taʼlimning ilk kunlarida boʻlib oʻtadigan saylov – sinf sardorini tayinlash marosimi.

Yoshlar ittifoqi sardori, “Kamolot” sardori, “Kamalak” sardori, Yoshlar ishlari agentligi sardori... Bu iboralar kecha, bugun va ertani birlashtiradigan jajji siyosiy voqelik, shuningdek, oʻziga xos joʻshqin va hayajonli hayot maktabidir.

Xususan, turli yillarda nomi turlicha atalgan boʻlsa-da, mohiyat, eʼtibori bilan yoshlarni birlashtiradigan gʻoyalar maydoni boʻlib kelgan noyob tuzilma bu - sardorlar maktabidir.

Oʻzbekiston Yoshlar ittifoqi Toshkent viloyati Kengashi raisi Muhriddin Hamzayevning tashabbusi bilan Olmaliqdagi 20-umumtaʼlim maktabida uch avlod sardorlarining uchrashuvi boʻlib oʻtdi. 

Maktabda yakuniga yetgan sardorlar saylovida gʻolib boʻlgan oʻquvchilar oʻzlarining yoʻlchi yulduzlari, yaʼni kechagina shu maqomda yelib-yugurib ishlagan aka va opalari bilan dildan gurunglashdilar.

Suratda: kechagina maktabda sinf sardori, Yoshlar tashkilotining vakili boʻlgan bolalar - bugungi yosh istiqbolli rahbarlar, Olmaliq shahri, Toshkent viloyatida davlat boshqaruvi sohasiga kirib kelayotgan yangi, istiqbolli avlod. Uch avlod sardorlarining gurungidan lavhalar.

📸 Foto: Nozim Abdulla

🌐Telegram 🌐Website 🌐YouTube 📱Instagram 📱Facebook 📱Twitter

#tashabbus

Obod xonadon - obod koʻcha - obod mahalla: viloyatning yana bir qator hududlarida ishlar boshlandi

🌐BATAFSIL

🌐Telegram 🌐Website 🌐YouTube 📱Instagram 📱Facebook 📱Twitter

#Tashabbus

Ohangaron tumanida “Koʻksomsa markazi” ish boshladi

Toshkentdan Fargʻona vodiysi tomon oʻtuvchi xalqaro ahamiyatga ega avtomagistral boʻylarida koʻk somsa tayyorlab, yoʻlovchilarga qulay narxlarda taqdim qilayotgan ayollar oʻzaro maslahat bilan Zoyir Mirzayevga murojaat qilgan edi.

Zamon oʻzgarayapti, mijozlarning talablari oshyapti. Shu bois, oʻzlari tayyorlagan mahsulotlarni qulay shart-sharoit hamda narxlarda xaridorlarga taqdim qilishni davr taqazo qilayotganini bildirishdi.

Tez orada mana shu “Bolgʻali” qishlogʻining oʻzidan tashabbuskor tadbirkor chiqdi. Ayollar va tadbirkor gapni bir joyga qoʻyishdi, taklif Zoyir Mirzayev tomonidan qoʻllab-quvvatlandi, shu tariqa qisqa vaqtda zamonaviy “Koʻksomsa markazi” qurildi.

Dastlabki bosqichda 34 nafar xotin-qizlarning bandligi taʼminlandi. Ayni bir paytda mazkur tashabbus yoʻl infrastrukturasi hamda xizmat koʻrsatish sifatini oshirishga xizmat qiladi.

Suratda: Markazning ochilish jarayonidan lavhalar. Suratlar muallifi Nozim Abdulla.

🌐Telegram 🌐Website 🌐YouTube 📱Instagram 📱Facebook 📱Twitter

#Tashabbus

Viloyatda “Telefonsiz maktab” tizimi ommalashmoqda

Xabaringiz bor, viloyat hokimi Zoyir Mirzayev tashabbusi bilan viloyatda “telefonsiz maktab” tizimi joriy qilingan edi.

Shu maqsadda, bugun viloyatning koʻpgina hududlarida mazkur tajriba ommalashtirilmoqda.

Jumladan, Ohangaron tumanidagi “Ungut” MFY hududidagi 53-sonli umumtaʼlim maktabida ham mazkur anʼana boshlangan. Muassasada bugungi kunda 200 nafardan ziyod oʻquvchilar tahsil olishadi. 50 nafarga yaqin pedagog-xodimlar faoliyat olib boradi.

🌐Telegram 🌐Website 🌐YouTube 📱Instagram 📱Facebook 📱Twitter

#Tashabbus

Nurafshonda “Yoshlar bogʻi” tashkil etilmoqda

Yoshlar ishlari agentligi tashabbusi bilan Nurafshon shahrida “Yoshlar bogʻi” tashkil etilmoqda.

Bugun boʻlajak bogʻda koʻchatlar uchun oʻralar qazildi, tomchilatib sugʻorish texnologiyasini oʻrnatish ishlari boshlandi, olimlar tavsiyasiga binoan koʻchat ekish tartib-taomillari toʻgʻrisidagi yoʻriqnoma ishlab chiqildi.

Ertaga “Yashil makon” umummilliy harakati doirasida Nurafshonda Yoshlar ishlari agentligi viloyat boshqarmasi jamoasi tomonidan koʻchat ekish aksiyasiga start beriladi.

Aksiya doirasida tayyorlangan maydonga ertaga ming tup turli-tuman koʻchatlar oʻtqazilishi koʻzda tutilmoqda.

🌐Telegram 🌐Website 🌐YouTube 📱Instagram 📱Facebook 📱Twitte