#obod_mahalla

Piskentda suv ta'minotini yaxshilash uchun 18 ta mahallada qurilish-ta’mirlash ishlari bajarilmoqda

Dunyoning ko‘plab mamlakatlarida ichimlik suvi taqchilligi dolzarb masala bo‘lib turgan bir vaqtda, mamlakatimizda aholiga toza ichimlik suv ta’minotini yaxshilash borasida keng ko‘lamli ishlar olib borilmoqda.

Xususan, O‘zbekiston Respublikasi Prezidentining “2022-2023 yillarda mahallalar infratuzilmasini yanada yaxshilash bo‘yicha qo‘shimcha chora-tadbirlar to‘g‘risida”gi 408-sonli qarori asosida tumandagi 9 ta mahalla hududida jami 17 mlrd. so‘mlik qurilish va ta’mirlash ishlari bajarildi, 275 ta nazorat quduqlari, yangi suv inshoatlari qurildi, 46,6 km suv tarmoqlari tortilib, suv inshootlari ta’mirlandi.

Qolaversa, “Obod qishloq” davlat dasturi asosida G‘ayrat, Chimqo‘rg‘on, Zominovul, Oqtom mahallalarida (28 km), PQ-98-sonli qaror asosida 5 ta mahallada jami 18 mlrd. so‘m evaziga (33 km) suv tarmoqlari tortilmoqda.

🌐Telegram 🌐Website 🌐YouTube 📱Instagram 📱Facebook 📱Twitter

#saxovat

Bugun Chirchiqda 1000dan ortiq ehtiyojmand oilalarga oziq-ovqat mahsulotlari tarqatildi

Chirchiq shahar sektor rahbarlari tashabbusi bilan saхovatpesha homiylar tomonidan Qurbon hayiti arafasida ijtimoiy himoyaga muhtoj, imkoniyati cheklangan, daftarlarda turgan nogironligi bor, ehtiyojmand oilalarning 1200 nafariga oziq-ovqat mahsulotlari yetkazib berildi.

Bu kabi tashabbuslar joylarda davom ettirilib, yana koʻplab oilalarga yordam qoʻllari choʻziladi.

🌐Telegram 🌐Website 🌐YouTube 📱Instagram 📱Facebook 📱Twitter

#сайлов_2023

⭕️Хорижлик кузатувчилар Тошкент вилоятида сайловга тайёргарлик жараёнларини ўрганди

📍МДҲ кузатувчилари миссияси аъзолари Евгений Козяк ва Денис Варганов Нурафшон шаҳридаги 10-Тошкент вилояти округ сайлов комиссияси биносида бўлиб, ҳудудда амалга оширилаётган ишлар билан танишди.

➡️Округ сайлов комиссияси раиси Улуғбек Тўхтаев меҳмонларга ҳудудда Муддатидан илгари Ўзбекистон Республикаси Президенти сайловига тайёргарлик кўриш борасида амалга оширилаётган ишлар ҳақида батафсил маълумот берди.

✔️Ўтган вақт давомида жойлардаги барча сайлов участкалари сайловга оид қонун ва бошқа меъёрий ҳужжатлар, зарур замонавий ахборот-коммуникация технологиялари билан таъминланди. Жисмоний ҳаракати чекланган сайловчилар имкониятини эътиборга олган ҳолда биноларга нишаб йўлаклари барпо этилди.

🟢Тошкент вилояти бўйича участка сайлов комиссияси аъзолари таркиби Сайлов Кодекси талаблари асосида тузилган. Жойларда тарғибот ишларини олиб бориш мақсадида, чақирув плакатлари, сайловга оид стендлар ва бошқа тарғибот материаллари белгиланган жойларга тартиб билан ўрнатилди.

❓Учрашувда хорижлик меҳмонлар ўзларини қизиқтирган саволларга жавоб олди.

🌐Шундан сўнг улар Нурафшон шаҳрида ташкил этилган сайлов участкаларида муддатидан олдин овоз бериш жараёнлари қай даражада бўлаётгани билан ҳам танишди.

10-Тошкент вилояти
округ сайлов комиссияси матбуот маркази.

👉каналга уланиш👈