#Maxsus_dayjest

Yurtimiz boʻylab tabiiy gazga boʻlgan ehtiyoj miqdori ortib borayotganligi sababli Toshkent viloyati hududlarida bu borada olib borilayotgan ish jarayonlari bilan qisqa satrlarda tanishing.

🔘Piskent tumani. Tuman shtabiga “Mingtepa” mahallasidan suyultirilgan gaz soʻrab qilingan murojaat “Piskenttumangaz” tomonidan ijobiy hal etildi.

🔘Bekobod shahri. Ijtimoiy soha obyektlarining navbatchilik qismlarida tungi reyd tadbirlari oʻtkazilmoqda.

🔘Zangiota tumani. Tuman hokimi rahbarligida shifoxonaning shart-sharoitlari koʻzdan kechirildi.

🔘Chirchiq shahri. Shahar FVB aholini gazdan foydalanishda xavfsizlik qoidalariga qatʼiy rioya etishga chaqirmoqda.

🔘Yangiyoʻl shahri. Shahar hududidagi mahallalarda gaz bosimi va isitish tizimidagi jarayonlar kunu tun masʼullar nazoratida.

🔘Oʻrta Chirchiq tumani. Sektorlar tomonidan anomal ob-havo sharoitida mehnat qilayotgan kommunal soha vakillarining 50 nafariga zaruriy oziq-ovqat mahsulotlari tarqatildi.

🔘Qibray tumani. Tuman aholisining murojaatlari va muammolarini oʻrganish hamda bartaraf etish maqsadida mahalla kesimida ishchi guruhlar biriktirildi.

🔘Boʻstonliq tumani. Tuman markazidan olis togʻli hududlarga muntazam ravishda koʻmir va suyultirilgan gaz ballonlari yetkazib berilmoqda.

🔘Ohangaron tumani. Aholi xonadonalarida is gazidan zaharlanishning oldini olishga qaratilgan profilaktik-targʻibot ishlari tegishli masʼullar tomonidan davom ettirilmoqda.

🔘Toshkent tumani. 2-sektor rahbari tashabbusi bilan hududdagi har bir mahallaga grafik asosida suyultirilgan gaz tarqatilmoqda.

🔘Yangiyoʻl tumani. Gaz bosimi yetib bormagan Gʻalaba mahallasining ayrim koʻchalari uchun har kuni 2 mahal issiq ovqat tayyorlanib tarqatilmoqda

📹DAYJEST VIDEOSINI FACEBOOKDA KO'RISH

#Maxsus_dayjest

Ijtimoiy himoyaga muhtoj insonlarni qoʻllab-quvvatlash xalqimizning qon-qoniga singib ketgan. Ayni damda tuman va shaharlarimizda bu ezgu saʼy-harakatlar yanada keng ommalashmoqda.

🔘Oʻrta Chirchiq tumani. Tumanda aholini ijtimoiy himoya qilish maqsadida 228 ta oilaga oziq-ovqat mahsulotlari bepul tarqatildi.

🔘Boʻstonliq tumani. Shu kunlarda Boʻstonliq tumani sektor rahbarlari hamda saxovatpesha tadbirkorlar qator tashabbuslarni amalga oshirib, ijtimoiy himoyaga muhtoj, imkoniyati cheklangan oilalar holidan xabar olishmoqda.

🔘Ohangaron shahri. “Mehr ulashing” aksiyasi doirasida Ohangaron shahar sport maktabi xodimlari “Namuna” MFYdagi nogironligi bor, kam taʼminlangan oilalarga oziq-ovqat mahsulotlari olib borishdi.

🔘Toshkent tumani. “Koʻksaroy“ mahallasida saxovatpesha homiylar tashabbusi bilan hududdagi kam taʼminlangan, boquvchisini yoʻqotgan, yakka-yolgʻiz keksalarga birlamchi isteʼmol mahsulotlari tarqatildi.

🔘Ohangaron tumani. 2-sektor rahbari tashabbusi bilan homiylik mablagʻlari hisobidan sektorda yashovchi 20 nafar kam taʼminlangan, ehtiyojmand oilaga oziq-ovqat mahsulotlari yetkazib berildi.

🔘Boʻka tumani. 2-sektor tashabbusi bilan “Shodlik” mahallasidagi nogironligi boʻlgan va boquvchisini yoʻqotgan oilalar yoʻqlandi.

🔘Olmaliq shahri. Olmaliq shahar Kengashi deputatlaridan bir guruhi oʻz okruglaridagi yordamga muhtoj fuqarolardan xabar olishdi.

🔘Qibray tumani. Tuman prokurori koʻmagida 2-sektor hududidagi mahallalarda yashovchi kam taʼminlangan, ijtimoiy himoyaga muhtoj va boquvchisini yoʻqotgan 10 nafar oilaga kunlik ehtiyojlari uchun zarur boʻlgan oziq-ovqat mahsulotlari yetkazib berildi.

🔘Chinoz tumani. “Markaziy” mahallasida yashovchi qiynalgan oilalarga oziq-ovqat mahsulotlari tarqatildi.

📹DAYJEST VIDEOSINI FACEBOOKDA KO'RISH