Chirchiq shahrida Qozog‘iston universitetining, Olmaota shahrida esa O‘zbekiston universitetining filiali ochildi

Shavkat Mirziyoyevning Qozog‘iston Respublikasiga davlat tashrifi doirasida ikki mamlakat oliy ta’lim muassasalarining filiallarini ochish yuzasidan ham kelishuvlar imzolangan.

Jumladan, Chirchiq shahrida Muxtor Avezov nomidagi Janubiy Qozog‘iston Universitetining filiali ochilgan bo‘lsa, Olmaota shahrida “Toshkent irrigatsiya va qishloq xo‘jaligini mexanizatsiyalash muhandislari instituti” milliy tadqiqot universitetining filiali o‘z ishini boshladi.

“Bugungi kunda Qozog‘istonda 6 ming nafar o‘zbekistonlik talaba ta’lim olmoqda. O‘z navbatida Qozog‘istonlik yoshlar ham O‘zbekistondagi oliy o‘quv yurtlarida o‘qimoqda”, — dedi Qozog‘iston Prezidenti Qasim-Jomart Toqayev ommaviy axborot vositalari vakillari uchun o‘tkazilgan brifingda.

Kanalga ulanish:
➖ @uzauz