🟦🟦🟩🟩

Chorshanba - investitsiya, eksport masalalarini o‘rganish va sanoat zonalarida olib borilayotgan ishlar bilan tanishish kuni.

Boʻstonliq tumani. Tuman hokimi Birlashgan Arab Amirligi investori bilan uchrashib, tayyor dori vositalarini ishlab chiqarish loyihasini amalga oshirish va qisqa muddat ichida ishga tushirish yuzasidan muzokaralar olib bordi.

Oqqoʻrgʻon tumani. Tuman hokimi tadbirkorlar bilan uchrashuv oʻtkazib, soha vakillarining faoliyatida yuzaga kelayotgan muammolarini tingladi.

Chirchiq shahar. Chirchiq kimyo-industrial texnoparkida Oʻzbekiston va Rossiya ishbilarmonlari uchun biznes-forum oʻtkazilib, unda sohaga toʻgʻridan-toʻgʻri xorijiy investitsiyalarni jalb etish boʻyicha muzokaralar olib borildi.

Bekobod tumani. "Yangibozor" mahalla fuqarolar yigʻini hududida faoliyat boshlagan "Gʻiyosiddin agro invest" masʼuliyati cheklangan jamiyati tomonidan tumanda yetishtirilayotgan qishloq xoʻjaligi mahsulotlarini eksportga yoʻnaltirish ishlari boshlab yuborildi.

Piskent tumani. Tuman hokimi oʻrinbosari boshchiligidagi ishchi guruh vakillari kichik sanoat zonalarida boʻlib, tadbirkorlik loyihalarining amalga oshirilishi, yangi loyihalarning infratuzilma bilan taʼminlanishi, mahsulotlarni ishlab chiqarish, qayta ishlash va eksportga yoʻnaltirish borasidagi ishlar holatini koʻzdan kechirdi.

Yangiyoʻl shahar. Shahar hokimi sektor rahbarlari va tegishli mutasaddilar bilan birga dehqon bozori hududidan oʻtgan "Istiqlol" koʻchasida tadbirkorlar tomonidan qoʻyilgan savdolarni tartibga solish maqsadida, oʻrganish ishlarini olib bordilar.

Quyi Chirchiq tumani. Tuman hokimligi, Iqtisodiyot va moliya vazirligi hamda "Oʻztoʻqimachiliksanoat" uyushmasi mutasaddilari "Tashkent cotton textile" masʼuliyati cheklangan jamiyatining ip-kalava ishlab chiqarish faoliyati bilan yaqindan tanishdilar.

Bekobod shahar. Shahar hokimining oʻrinbosari kichik sanoat zonalarida faoliyat yuritayotgan tadbirkorlar bilan uchrashuv oʻtkazib, energiya tejovchi texnologiyalarni amaliyotda keng joriy etish yuzasidan fikr-mulohazalarini bildirib oʻtdi.

Toshkent tumani. Tuman hokimi oʻrinbosari sanoat zonasida boʻlib, eksportyor korxona "KELES LUX-TEXTILE" masʼuliyati cheklangan jamiyati faoliyati bilan yaqindan tanishdi.

Qibray tumani. Tuman hokimi boshchiligida, sektor rahbarlari va tegishli mutasaddilar ishtirokida tadbirkorlar bilan ochiq muloqot oʻtkazilib, soha mutaxassislarini qiynab kelayotgan muammo va takliflar tinglandi.

Yangiyoʻl tumani. "Qoʻshtepa" mahalla fuqarolar yigʻini hududida joylashgan "FELDA-VV-GLOBAL" masʼuliyati cheklangan jamiyati xorijiy korxonasi sifatli qandolat va oziq-ovqat mahsulotlarini ishlab chiqarish hamda eksportni rivojlantirish loyihasini amalga oshirishi maqsadida, Malayziya davlatining "ELAYUTHAM VADIVELO" kompaniyasi tomonidan 600 ming AQSh dollari miqdordagi investitsiyalar kiritildi.

Chinoz tumani. Tuman hokimligi hamda tuman prokuraturasi mutasaddilari trikotaj mahsulotlari ishlab chiqaradigan "PRONTO TEXTILE GROUP" korxonasi faoliyati bilan yaqindan tanishdilar.

✉Telegram 🌐Website 🌐YouTube 📱Instagram 📱Facebook 📱Twitter

#Yashil_makon

Davlatimiz rahbarining topshirigʻiga asosan, joriy yilning 25-oktabridan 1-dekabriga qadar yurtimizda “Yashil makon” umummilliy loyihasi doirasida kuzgi koʻchat ekish mavsumi boshlandi. Bu mavsumda mamlakatimiz boʻylab 85 million tup koʻchat ekilishi rejalashtirilgan.

Toshkent viloyatining Nurafshon shahrida ham davlat va jamoat tashkilotlari vakillari daraxt koʻchatlarini uyushqoqlik bilan ekishmoqda. Har bir koʻchat uchun alohida masʼul biriktirish amaliyoti yoʻlga qoʻyilgan.

Jarayonlar bilan “Sevimli” telekanali lavhasida tanishishingiz mumkin

✉Telegram 🌐Website 🌐YouTube 📱Instagram 📱Facebook 📱Twitter

#turizm
#videolavha

Bugun Toshkent viloyatining turizm salohiyati va imkoniyatlari tobora ortib bormoqda.

Madaniy meros obyektlari, ziyoratgohlar, maqbara va qadamjolarni yanada koʻrkam holga keltirish hamda xorijiy mehmonlarni jalb qilish borasidagi tadbirlar shular jumlasidandir.

Umuman olganda viloyatning turizm salohiyatini yanada rivojlantirish orqali sayyohlarni jalb etish va sayohatlarni mazmunli oʻtkazish, mazkur sohaning tarmoqlarini kengaytirish choralari koʻrilmoqda.

✉Telegram 🌐Website 🌐YouTube 📱Instagram 📱Facebook 📱Twitter

#Bunyodkorlik

Bo‘stonliqda 1 milliard dollarlik GTES quriladi

➡️ Batafsil

✉Telegram 🌐Website 🌐YouTube 📱Instagram 📱Facebook 📱Twitter