#Dayjest

Chorshanba - Investitsiya, eksport masalalarini oʻrganish va sanoat zonalarida olib borilayotgan ishlar bilan tanishish kuni.

🔘Statistika boshqarmasi. Ma’lumotlarga ko‘ra, 2022 yilning yanvar-sentabr oylarida Toshkent viloyatida asosiy kapitalga o‘zlashtirilgan jami investitsiya miqdori 22 999,0 mlrd. so‘mni tashkil etadi.

🔘Ohangaron tumani. “Angren” erkin iqtisodiy zonasining “Aqcha” blokida joylashgan investitsiya loyihalariga kommunikatsiya tarmoqlarini yaratib berish yuzasidan qator ishlar amalga oshirilmoqda.

🔘Qibray tumani. Hudud rahbari boshchiligidagi mutasaddilar tumanda faoliyatini yoʻlga qoʻygan “BowCo., LTD” (Janubiy Koreya) qoʻshma korxonasidagi sharoitlar va ishlab chiqarilayotgan mahsulot turlari bilan yaqindan tanishdi.

🔘Toshkent tumani. “Oqibat” mahallasi hududida joylashgan kichik sanoat zonasidagi “EX-IM TRADE” MCHJ joriy yil yanvar oyida faoliyatini boshlagan va bugun 7 milliard soʻmlik investitsion majburiyatni bajarib, 40 ta yangi ish oʻrni yaratishga erishdi.

🔘Boʻka tumani. Oʻzbekiston yoshlar ittifoqi tumani Kengashi tomonidan Agrotexnologiyalar texnikumi hamda 2, 4-sonli umumtaʼlim maktablari koordinatorlari va sardorlari ishtirokida “Buka Richland International” korxonasiga sayohat uyushtirildi.

🔘Quyi Chirchiq tumani. Abay mahallasidagi “Agro Anatoliya” issiqxonasi Turkiya bilan hamkorlikda qurilgan boʻlib, bu yerda ayni paytda yetishtirilayotgan pomidorlar 100 foiz eksportga yoʻnaltirilmoqda.

🔘Yuqori Chirchiq tumani. Tuman hokimligi masʼullari tomonidan “Navroʻz” mahallasidagi “PAKSHOO TASHKENT” xorijiy korxonasi faoliyati va muammolari oʻrganilib, ularni bartaraf etish boʻyicha zarur tavsiyalar berildi.

🔘Ohangaron shahri. Shahardagi “RUBBER TECHNICAL PRODUCTS” XK da xodimlarni ijtimoiy qo‘llab-quvvatlash maqsadida qish zaxirasi uchun qishloq xo‘jaligi mahsulotlari tarqatildi.

📹DAYJEST VIDEOSINI FACEBOOKDA KO'RSIH

#Dayjest

Viloyatimizda qulay ishbilarmonlik muhiti, tadbirkorlar uchun yaratilayotgan imtiyoz va imkoniyatlar yangi loyihalarni amalga oshirishga xizmat qilmoqda. Jarayonga esa sektor rahbarlari va biriktirilgan masʼullar salmoqli hissa qoʻshishmoqda. Qisqa xabarlarimizda shu mavzu atrofida soʻz yuritamiz.

🔘Viloyat prokuraturasi. Qibray tumani prokurori “Obod qishloq” davlat dasturi doirasida rekonstruksiya qilinayotgan 12-maktabgacha taʼlim tashkiloti, 40-umumtaʼlim maktabida amalga oshirilayotgan ishlar bilan yaqindan tanishdi.

🔘Davlat soliq boshqarmasi. Oqqoʻrgʻon tumanida viloyat davlat soliq boshqarmasi boshligʻi Ravshan Raimov ishtirokida fuqarolar bilan sayyor uchrashuv tashkil etildi.

🔘Yangiyoʻl tumani. “Obod” mahallasidagi “AVTO YUK SHINOMONTAJ” MCHJning 3 gektar maydondagi issiqxonasida yetishtirilayotgan mahsulotlar Rossiyaga eksport qilinmoqda.

🔘Oʻrta Chirchiq tumani. “Fayzobod” mahalla fuqarolar yigʻinidagi 2-sektor binosida tuman hokimi Ixtiyor Qosimovning fuqarolar bilan ochiq muloqot tarzidagi qabuli boʻlib oʻtdi.

🔘Yuqori Chirchiq tumani. Tuman hokimi Uskenboy Atemov 25 hamda 32-umumtaʼlim maktablarining foydalanishga topshirilishi rejalashtirilayotgan yangi binolaridagi shart-sharoitlarni oʻrgandi.

🔘Zangiota tumani. Tuman hokimi va sektor rahbarlari birgalikda tumandagi ixtisoslashgan maktab binosining mukammal taʼmirlanishini koʻzdan kechirishdi.

🔘Yangiyoʻl shahri. Shahardagi “Bahor” va “Nov” mahallalari “Obod mahalla” davlat dasturiga kiritilgan boʻlib, hozirda dastur doirasida keng koʻlamli ishlar olib borilmoqda.

🔘Piskent tumani. Tadbirkorlikka ko‘maklashish markazi tomonidan ishbilarmonlar uchun uchrashuv tashkil etildi. Ta’kidlanganidek, soliq imtiyozlari qo‘llangach, tumanda tadbirkorlar soni 1800 nafarga yetadi.

📹DAYJEST VIDEOSINI FACEBOOKDA KO'RISH