#hokim_qarori

Bekoboddagi mahallalar uchun 35 milliard soʻm mablagʻ ajratildi

Viloyat hokimining qaroriga muvofiq, Bekobod shahridagi 35 ta mahallaga respublika byudjeti hamda Toshkent viloyati mahalliy byudjetining iqtisod qilingan mablagʻlari hisobidan 1 milliard soʻmdan mablagʻ ajratildi.

Mazkur mablagʻ 35 ta mahalla hududidagi ichki yoʻllar, elektr va tabiiy gaz tarmoqlari, ichimlik va oqova suv tizimini taʼmirlash va tiklash, mahalla binosi, mahalla hududida joylashgan sport maydoni, nuroniylar maskani, yoshlar markazi, bolalar maydonchasi, kutubxona, madaniyat markazini qurish, mukammal va joriy taʼmirlash hamda mahalla hududida infratuzilmani rivojlantirish, “Yashil makon” umummilliy loyihasi doirasida obodonlashtirish va koʻkalamzorlashtirish ishlari uchun yoʻnaltirilgan.

Dastlab shahar markazidan oʻtgan Xosyaz kanalining qirgʻoq boʻylarida obodonlashtirish, sayilgoh tashkil etish ishlari olib borilmoqda. Shuningdek, “Murabbiylar xiyoboni”, “Maʼrifat”, “Sirdaryo”, Hamid Olimjon, “Obod turmush”, “Taraqqiyot” va “Andijon” mahallalarida infratuzilma obyektlarini yaxshilash hamda yashil makonga aylantirish ishlari boshlab yuborilgan.

✉️Telegram 🌐YouTube 📱Instagram 📱Facebook 📱Twitter