Dayjest Maʼrifat, maʼnaviyat, diniy bagʻrikenglik

Maʼnaviyat va maʼrifat, dinu diyonat va ilm oʻchogʻi boʻlgan diyorimizda milliy qadriyatlarimiz rivojlanmoqda. Bu borada koʻplab ezgu ishlar qilinmoqda.

Bugungi mavzumiz hududlarda ana shu sohada olib borilayotgan ishlar haqida.

🔘 Bekobod shahri. Hududda Qurʼoni karim va tajvidni oʻrgatish oʻquv kursining ochilish marosimi boʻlib oʻtdi. Mazkur kurslarda oʻquv muddati 3 oyni tashkil etadi.

🔘 Yangiyoʻl tumani. “Imom Sulton” maqbarasining tarixini jonlantirish, yangi va zamonaviy qiyofaga keltirish oldidan tumandagi imom xatiblar va mahalla nuroniylari ishtirokida Qurʼon tilovat qilinib, ehson dasturxoni yozildi.

🔘 Piskent tumani. Joriy yilda muborak Haj va Umra ziyorati uchun keng yoʻl ochilgani, ziyoratchilar uchun barcha shart-sharoitlar yaratilgani yurtdoshlarimizga katta sovgʻa boʻldi. Birgina Piskent tumanidan 2022-yil davomida 30 nafar fuqaro Haj safarini amalga oshirib qaytdi.

🔘 Chinoz tumani. “Nafis” mahalla fuqarolar yigʻini hududida zamonaviy Maʼnaviyat maskani va Axborot kutubxona markazi binosi foydalanishga topshirildi. Kutubxonada 60 000 mingdan ziyod badiiy adabiyotlar jamlangan.

🔘 Toshkent tumani. “Xiyobon” mahallasida joylashgan va ayni vaqtda rekonstruksiya qilinayotgan “Hazrati Bilol” jomeʼ masjidi hashar yoʻli bilan koʻrkam qiyofa kasb etmoqda. Ushbu masjid 1000 nafar namozxonga moʻljallangan.

🔘 Zangiota tumani. “XON ATLAS-2022” chellendjlari korxona va tashkilotlarda, taʼlim muassasalarida qizgʻin oʻtkazilmoqda.

Viloyatimizning Quyi Chirchiq, Parkent, Ohangaron, Boʻstonliq, Zangiota, Yangiyoʻl, Yuqori Chirchiq tumanlari hamda Chirchiq, Olmaliq shaharlarida “Jaholatga qarshi maʼrifat” gʻoyasi asosida maʼnaviy targʻibot tadbirlari tashkil etilmoqda.

📹DAYJEST VIDEOSINI FACEBOOKDA KOʻRISH

⚡️Dayjest ⚡️Oʻqituvchi va murabbiylar

1-oktyabr - Oʻqituvchi va murabbiylar kuni viloyatimizning barcha hududida tantanali tarzda nishonlanmoqda.

Toshkent tumani. Oʻzbekiston Yoshlar ittifoqi tuman boʻlimi Sardorlar kengashi tashabbusi bilan “Ustozimga oʻxshagim kelar” aksiyasi oʻtkazildi.

Chirchiq shahri. “Kimyogar” madaniyat saroyida Oʻqituvchi va murabbiylar kuniga bagʻishlangan tadbir boʻlib oʻtdi.

Ohangaron tumani. Tadbirda Oʻzbekiston xalq artisti Mahmud Namozov el xizmatida boʻldi.

Olmaliq shahri. “Goʻzal” tantanalar majmuasida shahar hokimi ustoz va murabbiylarni qutladi.

Zangiota tumani. Oʻtkazilgan tantanali marosimda Oliy Majlis Qonunchilik palatasi deputati Maqsuda Vorisova ishtirok etdi.

Oʻrta Chirchiq tumani. Taʼlim tizimida samarali faoliyat yuritayotgan 5 nafar pedagogning mehnatlari ulugʻlanib, esdalik nishoni sohibi boʻldi.

Qibray tumani. 2 nafar oʻqituvchiga “Xalq taʼlimi aʼlochisi” koʻkrak nishoni topshirildi.

Bekobod shahri. Faxriy ustozlar 3-umumtaʼlim maktabidagi boshlangʻich taʼlim fani oyligiga bagʻishlangan maʼnaviy-maʼrifiy tadbirda ishtirok etdi.

Yangiyoʻl shahri. “Navroʻz” tantanalar majmuasida taʼlim fidoyilari jam boʻldi.

Bo'stonliq tumani. Bayram tadbirida bir qator ustozlarga faxriy yorliq va esdalik sovgʻalari topshirildi.

Parkent tumani. Bayram tadbiri tashkil etilib, ustozlarga ehtirom koʻrsatildi.

Ohangaron shahri. Oʻqituvchilarning kasb bayrami shahar tashkil etilganining 55 yilligi bilan hamohang oʻtdi.

Oqqoʻrgʻon tumani. 40-umumtaʼlim maktabi oʻqituvchisi “Bir million dasturchi” loyihasida respublika boʻyicha top 100 talikka kiritildi.

Quyi Chirchiq tumani. Hudud rahbari bayram munosabati bilan oʻqituvchi va murabbiylarga tabrik yoʻlladi.

Yangiyoʻl tumani. Bayram tadbiri koʻtarinki ruhda oʻtkazildi.

Piskent tumani. 80 nafar oʻqituvchi va 21 nafar murabbiy ragʻbatlantirildi.

Yuqori Chirchiq tumani. Tadbir avvalida davlat rahbarining oʻqituvchi va murabbiylarga yoʻllagan bayram tabrigi oʻqib eshittirildi.

📹DAYJEST VIDEOSINI FACEBOOKDA KOʻRISH

Dayjest⚡️ Hafta davomidagi muhim xabarlar ⚡️

Yakuniga yetgan sentyabr oyining soʻnggi haftasi turli yangilik va voqealarga boy boʻldi. Bugungi xabarlarimiz orqali ularning eng muhimlariga qisqacha toʻxtalib oʻtamiz.

🔘 Bekobod shahri - “Buloq ariq“ mahallasidagi hokim yordamchisi koʻmagida yoshlarga jami 290 mln soʻmlik kredit va subsidiya mablagʻlari ajratildi.

🔘 Yangiyoʻl tumani - Tumanning eng olis manzillaridagi 12 ta mahallaga tibbiyot konteynerlari oʻrnatildi. Ushbu konteynerlar 29 ming 960 nafar aholiga bepul dori-darmonlar bilan xizmat koʻrsatishni boshladi.

🔘 Piskent tumani - 2022-yilda ”Kultepa“ aholisi ”Tashabbusli byudjet" loyihasining 1-mavsumida ichki koʻchalarni taʼmirlash uchun 1 mlrd. soʻmlik, 2-mavsumida esa 1 mlrd. 200 mln. soʻmlik loyiha bilan gʻolib boʻlishdi.

🔘 Olmaliq shahri - Joriy yilda 5 mlrd. soʻmga yaqin mablagʻ evaziga maktabgacha taʼlim tashkilotlari mukammal va joriy taʼmirlandi. Qamrov darajasi 76 foizdan oshdi.

🔘 Chinoz tumani - “Nafis” mahalla fuqarolar yigʻini hududida zamonaviy Maʼnaviyat maskani va Axborot kutubxona markazi binosi foydalanishga topshirildi. Kutubxonada 60 000 mingdan ziyod badiiy adabiyotlar jamlangan.

Shuningdek, hududlarda 1-oktyabr — Oʻqituvchi va murabbiylar kuni munosabati bilan bayram tadbirlari tashkil etildi.

📹DAYJEST VIDEOSINI FACEBOOKDA KOʻRISH