#Расмий

Тошкент вилояти судлари раисларининг ҳисоботи эшитилди

Сессия кун тартибига мувофиқ, депутатлар жиноят, маъмурий, иқтисодий, фуқаролик ишлари бўйича вилоят суди раисларининг ҳисоботини эшитдилар.

Муҳокамаларда сўзга чиққанлар, савол берганлар одил судловни тўла жорий этиш бўйича мавжуд муаммолар, ҳолатлар бўйича фикр билдиришди.

Хусусан, суд мажлисларида ОАВ ходимларининг иштироки, журналистлар билан фаол ҳамкорлик қилиш бўйича реал ҳолат танқидий таҳлил қилинди ҳамда ҳамкорликни кучайтириш зарурати қайд этилди.

Сессия раиси, вилоят ҳокими Рустам Холматов наинки суд органлари, балки, ижро ҳокимиятининг барча даражадаги раҳбарлари журналист ва блогерлар билан ҳамкорлик қилиши, фаолияти очиқлигини таъминлаши замон талаби эканини таъкидлади.

Рустам Холматов,
Тошкент вилояти ҳокими:

-- Тошкент вилоятидаги барча ижро ҳокимияти вакиллари, туман ва шаҳар ҳокимлари журналист ва блогерлар билан очиқ ва самимий мулоқот ўрнатиши шарт!..

@toshvilpressa

#Расмий

Сессия ишида вилоят Адлия бошқармаси бошлиғининг ахбороти эшитилди

Тошкент вилояти Адлия бошқармаси бошлиғи Актам Муҳаммадиев соҳада 2019 йил давомида эришилган натижалар, йўл-қўйилган хато-камчиликлар юзасидан ахборот берди.

Адлия бошқармаси раҳбари ўз сўзида мавжуд муаммо ва камчиликлар ҳақида тўхталар экан, айниқса, ҳуқуқшунос кадрлар етишмовчилиги, айрим ташкилотларда юрист лавозими вакант қолаётганини, бу эса, тизимли муаммоларни келтириб чиқараётганини таъкидлади.

@toshvilpressa