#Расмий

Сессия давом этмоқда. Депутатлар раҳбарларнинг ҳисоботини эшитаяпти

Аввал хабар берганимиздек, айни пайтда Халқ депутатлари Тошкент вилояти кенгашининг олтинчи чақириқ, иккинчиси сессияси бўлиб ўтмоқда.

Нурафшон шаҳрида, вилоят ҳокимлиги фаоллар залида ўтказилаётган сессия ишида бир қатор соҳа ва тармоқ раҳбарлари Кенгашга амалга оширилган ишлар юзасидан ахборот бермоқда.

Тошкент вилояти ИИББ бошлиғи Тоҳир Орипов ҳудудда ҳуқуқбузарликлар профилактикаси ҳамда жиноятчиликни олдини олиш, жамоат тартибини сақлаш бўйича амалга оширилган ишлар юзасидан ахборот берди.

Мутасадди раҳбарлар депутатлар, оммавий ахборот воситалари ходимларининг кун тартибидаги масалалар юзасидан саволларига жавоб қайтарди.

@toshvilpressa

#Расмий

Тошкент вилояти судлари раисларининг ҳисоботи эшитилди

Сессия кун тартибига мувофиқ, депутатлар жиноят, маъмурий, иқтисодий, фуқаролик ишлари бўйича вилоят суди раисларининг ҳисоботини эшитдилар.

Муҳокамаларда сўзга чиққанлар, савол берганлар одил судловни тўла жорий этиш бўйича мавжуд муаммолар, ҳолатлар бўйича фикр билдиришди.

Хусусан, суд мажлисларида ОАВ ходимларининг иштироки, журналистлар билан фаол ҳамкорлик қилиш бўйича реал ҳолат танқидий таҳлил қилинди ҳамда ҳамкорликни кучайтириш зарурати қайд этилди.

Сессия раиси, вилоят ҳокими Рустам Холматов наинки суд органлари, балки, ижро ҳокимиятининг барча даражадаги раҳбарлари журналист ва блогерлар билан ҳамкорлик қилиши, фаолияти очиқлигини таъминлаши замон талаби эканини таъкидлади.

Рустам Холматов,
Тошкент вилояти ҳокими:

-- Тошкент вилоятидаги барча ижро ҳокимияти вакиллари, туман ва шаҳар ҳокимлари журналист ва блогерлар билан очиқ ва самимий мулоқот ўрнатиши шарт!..

@toshvilpressa