#Tuhfa

Bolajonlarga "Prezident sovg‘asi" topshirilmoqda

Bugun yurtimizning barcha hududlarida bo‘lgani kabi viloyatimiz shahar va tumanlarida ham “Prezident archasi” teatrlashtirilgan bayram tomoshalari boshlandi.

Xususan, Nurafshon shahridagi Yoshlar markazi binosida o‘tkazilgan bayram tadbirida 3-15 yoshdagi ota-ona qarovisiz qolgan bolalar, Oilaviy bolalar uylari, Muruvvat uyi tarbiyalanuvchilari hamda xizmat burchini bajarish chog‘ida halok bo‘lgan harbiy xizmatchilar farzandlari ishtirok etdi.

Tadbirda so‘zga chiqqan viloyati hokimi Zoyir Mirzayev O‘zbekiston Respublikasi Prezidentining bolalarga yo‘llagan Yangi yil bayrami tabrigini o‘qib eshittirdi va 200 nafariga "Prezident sovg‘asi"ni ulashdi.

Aytish mumkin, joriy yilda viloyatdagi 768 nafar bolaga shirinliklar, kanselyariya mahsulotlari, smart soat, darts magnit taxtasidan iborat “Prezident sovg‘asi” taqdim qilinadi. Shuningdek, 12 yoshdan katta tarbiyalanuvchilar sovg‘alari tarkibiga planshetlar ham kiritilgan.

Ma’lumot o‘rnida, hududiy hokimliklar tomonidan esa joriy yilning 25-30 dekabr kunlari tantanali tarzda topshirilishi belgilangan.

✅ Telegram 🌐Website 📹YouTube 📸 Instagram✅Facebook 🕊Twitter

⭕️ Live

Nurafshon shahridagi asosiy archa atrofida bayramona muhit hukmron: bugun, soat 18:00 da rasmiy ochilish bo‘lib o‘tadi va archa chiroqlari yoqiladi.

Nurafshon shahrida balandligi 34 metr bo‘lgan viloyatning bosh archasi qad rostladi. Muhtasham archa 28 mingdan ziyod zumrad o‘yinchoq bilan bezatilgan. Maydonga yana qo‘shimcha 22 dona kichik archa va 200 ga yaqin dekorativ jihozlar ham o‘rnatildi.

Tadbir barcha aholi uchun xavfsiz va qulay tarzda tashkil etilmoqda. Bayram shodiyonalari ertalab soat 10:00 dan oqshom soat 22:00 gacha davom etadi. Bosh archaning rasmiy ochilishi bugun, soat 18:00 da bo‘lib o‘tadi. Bayramning eng qiziqarli sahnasi 300 nafar Qorbobo ishtirokidagi chiqish bo‘lishi kutilmoqda.

✅ Telegram 🌐Website 📹YouTube 📸 Instagram✅Facebook 🕊Twitter