#Қутлов

Ҳурматли оммавий ахборот воситалари ходимлари ҳамда медиа соҳаси фаоллари!

Сиз ва Сизнинг тимсолингизда ўз ҳаёти ва тақдирини шу машаққатли, айни пайтда, шарафли касб билан боғлаган барча соҳа вакилларини Матбуот ва оммавий ахборот воситалари ходимлари куни билан самимий табриклайман!

Давлатимиз раҳбари таъкидлаганидек, кейинги йилларда юртимизда сўз эркинлиги ва фикрлар хилма-хиллигига эришиш йўлида кенг имкониятлар очилаётгани медиа воситалари вакилларининг ижтимоий-сиёсий жараёнлардаги иштироки, ўрни ва нуфузини янада кучайтирмоқда.

Бугунги кунда Тошкент вилоятида ҳам 48 номда босма оммавий ахборот воситалари фаолият юритяпти. 25 номдаги вилоят, туман ва шаҳар хокимликлари муассислигидаги газеталар узлуксиз чоп этиляпти.

Шунингдек, бундан уч йил аввал иш бошлаган Ўзбекистон миллий телерадиокоманиясининг “Нурафшон” Тошкент вилояти телерадиоканали ҳам йилдан йилга фаоллашиб, такомиллашиб бормоқда. Вилоятимизда жойлашган “Ориат доно” радиоси бугун мамлакатимизда энг кўп тингловчиларга эга радиоканаллардан биридир.

Шу билан бирга, вилоятимизда интернет журналистикаси, хусусан, ижтимоий тармоқларда саҳифа юритадиган блогерларимизнинг фаоллиги эътиборга лойиқдир.

Йилдан йилга ахборот хизмати раҳбарлари билим салоҳияти ортиб, рейтингларда юқори ўринларга эга бўлаётган ахборот хизматлари сафи кенгайиб бормоқда. Хусусан, 2021 йилда республика рейтингида 2 нафар хокимлик ахборот хизмати раҳбарининг фаолияти аъло баҳоланган бўлса, 2023 йилда туман ва шаҳар ахборот хизматлари раҳбарларининг 4 нафари юқори кўрсаткичларни қайд этди.

Фурсатдан фойдаланиб, мана шу файзли даврада жамулжам бўлган барча журналист ва блогерларимизга, марказий оммавий ахборот воситаларининг муҳаррир ва мухбирларига вилоятимизда амалга оширилаётган ислоҳотларни кенг жамоатчиликка етказишдаги фидокорона хизматлари учун алоҳида миннатдорлик билдираман.

Ҳамиша сўзингиз равон, қаламингиз ўткир бўлсин! Ижодингиз янада гуллаб-яшнасин, меҳнатларингизнинг роҳатини кўриб юринг, ҳеч қачон кам бўлманг!

Яна бир бор байрам барчамизга муборак бўлсин!

Зойир Мирзаев,
Тошкент вилояти ҳокими

📱 Instagram | 📱 Twitter | 🌐YouTube |  📱 Facebook  | 🕊Telegram

🟦🟦🟩🟩

Juma - qurilish sohasidagi muammolarni oʻrganish, investitsiya obyektlarida qurilish jarayonlari bilan tanishish kuni.

⏺ Yangiyo‘l tumani. Tumanda yo‘llardan foydalanish qulaylik va xavfsizlikni ta‘minlash maqsadida belgilangan vazifalar o‘z vaqtida bajarilmoqda.

⏺ Nurafshon shahri. Hokim boshchiligida Toshkent yo'li ko‘chasida obodonlashtirish va ko‘kalamzorlashtirish ishlar o'rganildi.

⏺ Yangiyo‘l shahri. Shaharda "Fayzabod" mahallasi hududida obodonlashtirish ishlari davom etmoqda.

⏺ Bekobod tumani. Tumanda " Obod xonadondan obod mahallagacha" shiori ostida bo’layotgan qurilish, bunyodkorlik, ishlari davom etmoqda.

⏺ Angren shahri. Shaharda ijtimoiy sohalar obyektlarida manzilli dasturga koʻra mukammal taʼmirlash va qurilish ishlari amalga oshirilmoqda.

⏺ Chinoz tumani. Tumanda aholini ichimlik suvi va oqova suv bilan taʼminlash darajasini oshirish boʻyicha dasturiy ishlar olib borilmoqda.

⏺ Toshkent tumani. Tumanda Respublika ishchi guruhi aʼzolari 4-umumtaʼlim maktabida qurilayotgan sport majmuasi holatini oʻrgandilar.

📹 DAYJEST VIDEOSINI FACEBOOKDA KO'RISH

#Sport #Marafon

VILOYATDA OMMAVIY SPORT MARAFONI O‘TKAZILDI

Bugun erta tongdan Nurafshon shahrida  "Yoshlar kuni" hamda "Olympic Day" Хаlqаrо olimpiya  kuniga bag'ishlangan "Мen g'olib", "Vаtаn qalqoni" shiori ostida havaskorlar o‘rtasida "Yangi nafas" ommaviy yugurish musobaqasi boʻlib oʻtdi.

Yugurish marafonida sektor rahbarlari, boshqarma va tashkilot boshliqlari, tuman va shahar hokimlari hamda viloyat hududlaridan 7 yoshdan 70 yoshgacha boʻlgan jami 5 mingdan ziyod koʻngilli ishtirokchilar qatnashdi.

Marafon yakunida "Faol sport targʻibotchisi", "Eng intizomli jamoa", "Eng ahil jamoa", "Marafon gʻunchasi", "Barchaga oʻrnak" kabi nominatsiyalar boʻyicha g'olib va sovrindorlarga tashakkurnoma va esdalik sovg'alari topshirildi.

✅Telegram🌐Website📹YouTube✅Facebook🕊Twitter