Elektroenergiyaga tabaqalashtirilgan tarif oldinroq kiritilishi kerak edi

1-maydan elektroyenergiyani tabaqalashtirilgan tariflari kiritilayotgan haqida o‘qigan bo‘lsangiz kerak.

Ya’ni o‘zgarishlarga ko‘ra endi ko‘p qavatli uylar va yotoqxonalarda yashovchilar:

- ijtimoiy me’yor doirasida, ya’ni oyiga 200 kWh’gacha elektr energiyasi 225 so‘mdan yetkazib beriladi.

- Me’yordan oshganda 201 kWh’dan 1000 kWh’gacha 450 so‘m,

- 1001 kWh’dan 5000 kWh’gacha 675 so‘m,

- 5001 kWh’dan 10 000 kWh’gacha 787,5 so‘m,

- 10 001 kWh’dan keyin 900 so‘m.

Qolgan maishiy iste’molchilar uchun ijtimoiy me’yor doirasidagi (oyiga 200 kWh’gacha) tarif 450 so‘m bo‘ladi. Me’yordan oshsa, qancha oshganiga qarab ko‘p qavatli uyda yashovchilardagi tarifdan ikki baravar ko‘proq bo‘ladi.

Bu nega kiritilayotganiga e’tibor bering, ayni paytda elektr energiyasining tannarxi deyarli 1000 so‘mni, tabiiy gaz tannarxi esa 2000 so‘m ekan.

Bu sohalar hozirda zararga ishlayapdi, energetika sohamiz subsidiyaga o‘tirib qolgan. Davlat budjetidan subsidiya uchun juda katta pul ajratiladi, bu holatni davomiyligi yaxshilikka olib kelmaydi.

O‘zi aslida energiya o‘z narxida sotilishi kerak. Ammo agar energiya o‘z narxida sotilganida narxlar deyarli 5 baravarga oshib ketardi. Shu uchun tariflar kiritishganga o‘xshaydi. O‘zbekiston aholisini katta qismi 200-250 kilovatdan ko‘p ishlatmaydi.

Katta miqtorda ishlatadiganlar esa qimmatroq to‘laydi. Nega subsidialangan arzon narxni hammaga bir xil bo‘lishi - bu yomonligi haqida alohida post yozaman.

🌐Telegram 🌐Website 🌐YouTube 📱Instagram 📱Facebook 📱Twitte‌‌