#Live

Anxoy provinsiyasi Bochjou shahri Partiya qoʻmitasi kotibi Dyu Yanʼan va Xalq kengashi meri Sin Fenyun bilan birgalikda Toshkent viloyati hokimi Zoyir Mirzayev ishtirokida muloqot oʻtkazildi.

Viloyat hokimi uchrashuv qatnashchilariga Toshkent viloyatining hududiy tuzilishi, salohiyati, unda faoliyat yurituvchi korxonalar hamda Xitoy tomonidan kiritilgan investitsiyalar hajmi toʻgʻrisida maʼlumot berib oʻtdi.

Shuningdek, uchrashuvda ushbu tashrif Bochjou shahri va Toshkent viloyati oʻrtasidagi hamkorlikni rivojlantirish boʻyicha fikr almashish imkoniyati ekanligi toʻgʻrisida taʼkidlandi.

Shundan soʻng, har ikki mamlakat vakillari oʻrtasida muzokaralar olib borilib, takliflar tinglandi. Viloyat hokimi Bochjoudagi dori-darmon va farmatsevtika yoʻnalishi boʻyicha investorlar bilan oʻzaro hamkorlik qilgan holda, Toshkent viloyatida ham 50,0 gektar yer maydoniga barcha infrastrukturalar bilan, klaster usulida bir qator loyihalarni amalga oshirish taklifini ilgari surdi.

🌐Telegram 🌐Website 🌐YouTube 📱Instagram 📱Facebook 📱Twitter

#Live
#Xitoy

Viloyat delegatsiyasi shahar meri Fenyuy xonim hamrohligida farmatsevtika sohasidagi yirik savdo obyekti hamda “Bozhou Urban Construction Group” kompaniyasining shoʻba korxonasidagi dorivor oʻsimliklarning yetishtirishni integratsiyalashgan Xitoy tibbiyot sanoati bilan yaqindan tanishdi.

Xitoy dorivor oʻsimliklarini ekish, qayta ishlash, dorivor damlamalarini ishlab chiqarish, dori-darmonlarni tarqatish va taʼminot zanjirini moliyalashtirish sohasidagi ishlar oʻrganilmoqda. Noyob usuldagi issiqxonadagi tuproqsiz, nam havoda, maxsus idishlarda giyohlar oʻstirilayotganligining guvohi boʻlishdi.

Ayni vaqtda mazkur hududda taxminan 200 million tup dorivor oʻsimliklar oʻstirilmoqda. 265 gektar yer maydonida tashkil etilgan dorivor mahsulotlarni qayta ishlash sanoat parkini ham koʻzdan kechirishdi. Aytish mumkin, yillik ishlab chiqarish quvvati 10 ming tonnani tashkil etadi.

Bochjou shahrida xizmat koʻrsatish sohasi ham rivojlangan boʻlib, onlayn savdo maydonchalari qurilgan. “Havfsiz hudud” ombori faoliyat yuritadi. Mahsulotlar butun mamlakat boʻylab tarqatiladi.

🌐Telegram 🌐Website 🌐YouTube 📱Instagram 📱Facebook 📱Twitter

Zoyir Mirzayev Bochjoudagi anʼanaviy va zamonaviy usulda spirt mahsulotlari ishlab chiqaruvchi yirik ishlab chiqarish obyektida boʻldi

Ayni paytda Xitoy Xalq Respublikasi Anxoy provinsiyasi Bochjou shahrida boʻlib turgan Toshkent viloyati delegatsiyasi hududdagi spirt mahsulotlari ishlab chiqaruvchi yirik ishlab chiqarish korxonasida boʻldi.

U yerda qadimiy Xitoy anʼanaviy uslubida tayyorlangan mahsulotlar bilan tanishdilar.

Shuningdek, noyob turdagi spirt mahsulotlarini saqlash qadimiy yerosti omborxonasi ham koʻzdan kechirildi.

Viloyatimiz vakillarining Xitoy Xalq Respublikasiga tashrifi davom etadi.

🌐Telegram 🌐Website 🌐YouTube 📱Instagram 📱Facebook 📱Twitter

#Xitoy

Zoyir Mirzayev Bochjou shahri tarixi muzeyida boʻldi

Xitoy Xalq Respublikasida boʻlib turgan Toshkent viloyati delegatsiyasi kecha, shuningdek, Bochjou shahrining qadimiy tarixidan soʻzlovchi qalʼada boʻlib, muzey faoliyati bilan tanishdilar.

Shahar markazidagi mazkur qalʼa 1800 yillik tarixga ega. Qalʼa ostida oʻziga xos noyob lahimlar, labirint yoʻlaklar mavjud.

Muzeyda Bochjouning ijtimoiy-siyosiy tarixidan jonli lavhalar ham oʻrin olgan. Oʻz navbatida, bugungi zamonaviy Bochjou shahri haqida hikoya qiluvchi eksponatlar namoyish etildi.

Viloyat hokimi Zoyir Mirzayev boshchiligidagi delegatsiyamiz ayni paytda Urumchi shahriga joʻnab ketmoqda. U yerda oʻzbekistonlik tadbirkorlar ishtirokida katta koʻrgazma namoyish qilinadi, bir qator amaliy muloqot va uchrashuvlar oʻtkaziladi.

🌐Telegram 🌐Website 🌐YouTube 📱Instagram 📱Facebook 📱Twitter