#Tuhfa

TOSHKENT VILOYATINING YANA 4 TA HUDUDIDA MAʼNAVIYAT MASKANLARI FOYDALANISHGA TOPSHIRILDI

Oʻzbekiston Respublikasi Prezidentining "Maʼnaviy-maʼrifiy ishlar tizimini tubdan takomillashtirish chora-tadbirlari toʻgʻrisida"gi qarorida 2021-2023-yillarda Maʼnaviyat va maʼrifat maskanlarini barpo etishning manzilli roʻyxati tasdiqlangan edi.

Shunga koʻra, Toshkent viloyatida maʼnaviy muhit barqarorligini mustahkamlash, aholi, ayniqsa yosh avlod ongi va qalbida yuksak fazilatlarni rivojlantirish maqsadida, joylarda "Maʼnaviyat maskan"lari foydalanishga topshirildi.

Xususan, dekabr oyi davomida viloyatning Bo'stonliq, Parkent, Quyi Chirchiq tumanlari hamda Ohangaron shahrida "Maʼnaviyat maskan"larining yangi binolari ochilib, ish faoliyatini boshladi.

Har bir binoning ochilish marosimida tuman va shahar hokimlari, maʼnaviyat sohasi mutasaddilari, tegishli masʼullar hamda keng jamoatchilik vakillari ishtirok etdi.

Mazkur maskanlarda oʻzbek milliy urf-odat va anʼanalarini aks ettiruvchi hunarmandchilik naʻmunalari, turli ilmiy, ommabop, badiiy va adabiy asarlardan tarkib topgan kutubxonalar ham oʻrin olgan. Bu esa o'z navbatida, aholining kitob mutolaasiga boʻlgan qiziqishini yanada oshirish, kitobxonlik madaniyatini yuksaltirish hamda ularning maʼnaviy dunyosini yanada boyitish yoʻlida xizmat qilishi shubhasiz.

🌐Telegram 🌐Website 🌐YouTube 📱Instagram 📱Facebook 📱Twitter

#Live
#matbuot_anjumani

Viloyatdagi “Maʼnaviyat va maʼrifat maskan”lari faoliyati bilan tanishish yuzasidan press-tur tashkil qilindi

Xabaringiz bor, joriy yilda viloyatda ijtimoiy-maʼnaviy muhit barqarorligini mustahkamlash, aholi, ayniqsa, yoshlar ongi va qalbida maʼnaviy fazilatlarni yuksaltirish, oila va mahallalarda hamjihatlikni mustahkamlash maqsadida har bir tuman, shaharlarda “Maʼnaviyat va maʼrifat maskan” lari tashkil etildi.

PRESS RELIZ

Batafsil

🌐Telegram 🌐Website 🌐YouTube 📱Instagram 📱Facebook 📱Twitter