#Bildirish

Qibray va Toshkent tumanlari aholisi, ichimlik suvidan vaqtincha foydalanmang!

Mazkur hududlarda Osiyo taraqqiyot banki loyihasiga asosan, (URV)–2 va (URV)–3 suv taqsimlash inshootlaridan yangi tortilgan ichimlik suvi quvuri sinov tariqasida foydalanishga topshirildi.

Suv quvuri tarmog‘i yangi hisoblanganligi va quvurlar yuvilayotgani sababli, quyidagi hududlar iste’molchilaridan yangi tortilgan ichimlik suvi tarmog‘i orqali suvni vaqtincha iste’mol qilmasliklarini so‘rab qolamiz:

➖Qibray tumani “Mehnat” va “Taraqqiyot” MFY;

➖Toshkent tumani “Sanoat”, “Quruvchi”, “Ayriota”, “Bog‘bon”, “Mustaqillik” , “Qashqarlik” , “Kensoy”, “Oydinhayot”, “Raxbarobod”, “Avliyoota”, “Xasanboy”, “Yuqori Xasanboy”, “Bahor” MFY.

Qo'shimcha ma'lumot uchun +998 95 145 01 99 dispecherlik xizmatiga qo'ng'iroq qilishingiz mumkin.

🌐Telegram 🌐Website 🌐YouTube 📱Instagram 📱Facebook 📱Twitter

#Bayonot

Xalq deputatlari Chirchiq shahar kengashi deputati J.Toʻlaganovning bugun boʻlib oʻtgan Xalq deputatlari viloyat kengashi sessiyasi haqidagi tanqidiy fikrlariga rasmiy munosabat

Bugun Nurafshon shahrida Xalq deputatlari Toshent viloyati Kengashining navbatdagi 86-sessiyasi oʻtkazildi. Jahongir Toʻlaganov sessiyada oʻziga soʻz berilmagani haqida bildirgan.

Sessiyaga joylardagi mahalliy kengashlar deputatlari ham taklif etildi. Sessiyada jami 3 nafar maʼruzachi qatnashdi, 7 ta deputat savol berdi, muhokamada qatnashdi. Xususan, hududiy kengashlardan Qibray tumani Kengashi deputati Olim Sulaymonov savol va takliflari bilan muhokamada ishtirok etdi.

Chirchiqdagi studiyadan qatnashgan Jahongir Toʻlaganovga viloyat kengashi sessiyasida soʻz berilmagani bahsli holat boʻlib, vaziyat oʻrganilganda texnik xatolik sabab ekani aniqlandi. Zoyir Mirzayevning topshirigʻi bilan bu holat boʻyicha masʼul texnik xodim ogohlantirildi.

Xalq deputatlari viloyat va shahar, tumanlar kengashlarining kengaytirilgan qoʻshma yigʻilishi boʻlgani sababli, sessiyada soʻzga turli sabablar bilan chiqmagan deputat savol yoki takliflarni yozma ravishda bildirish huquqiga ega. Ularning har qanday taklif yoki mulohazalari tegishli tartibda oʻrganib chiqiladi va taklif asosli boʻlsa, yigʻilish qaroriga oʻzgartish kiritilishi mumkin.

Jahongir Toʻlaganov singari faol deputatlarning taklifini eshitmaslik nooʻrin boʻlar edi. Biz sessiyada kimgadir soʻz bermaslik kabi xunuk holatlarga mutlaqo qarshimiz, bu vaziyatga ham bevosita viloyat sessiyada qatnashgan masʼul sifatida qandadyir siyosiy tus berilishi qoʻpol xato, deb hisoblayman.

Xalq deputatlari Chirchiq shahri kengashi deputati J.Toʻlaganov bugun ijtimoiy tarmoq orqali bildirgan taklif va mulohazalari oʻrganib chiqiladi va bu boʻyicha qoʻshimcha rasmiy munosabat beriladi.

Otabek Anarov,
Xalq deputatlari Toshkent viloyati kengashi kotibiyati mudiri.

🌐Telegram 🌐Website 🌐YouTube 📱Instagram 📱Facebook 📱Twitter

🟦🟦🟩🟩

Seshanba – hokim yordamchilari, yoshlar yetakchilari bilan muloqot va yoshlar bilan uchrashuvlar oʻtkazish kuni.

🔘Chirchiq shahri. Shahar hokimi  “Kimyogar” mahallasidagi “Nuroniylar maskani”da olib borilayotgan ishlar hamda A.Temur koʻchasida kanalizatsiya oʻzkazish ahvolini o‘rgandi.

🔘Quyi Chirchiq tumani. Tumanda "Rahbar va yoshlar" uchrashuvi o‘tkazildi.

🔘Angren shahri. Shahar hokimi va prokuror boshchiligida sport, taʼlim va madaniyat yoʻnalishlarida  bir qator yutuqlarni qoʻlga kiritgan oʻquvchi hamda uyushmagan yoshlar bilan uchrashuv o'tkazildi.

🔘Ohangaron tumani. “Yoshlar markazi” binosida  “Hokim va yoshlar" uchrashuvi boʻlib oʻtdi.

🔘Yangiyo'l shahri. Sogʻliqni saqlash vazirligi va shahar hokimligi hamkorligi ostida alohida eʼtiborga muhtoj boʻlgan 30 nafar yoshlarga sayohat uchun yo'llanmalar taqdim etildi.

🔘Yangiyo'l tumani. Oilaviy tadbirkorlik dasturi doirasida tumanda joriy yil yanvar-noyabr oylari davomida amalga oshirilgan xizmatlar hajmi yanada ortdi.

🔘Olmaliq shahri. Aholi uchun arzonlashtirilgan oziq-ovqat mahsulotlari savdo yarmarkalari tashkil qilinmoqda.

🔘Bekobod tumani. Tumanda "Rahbar va yoshlar" uchrashuvi o‘tkazildi.

🔘Yuqori Chirchiq tumani. Tuman hokimi, IIB boshligʻi va bir qator mutasaddi rahbarlar “Jumabozor” MFYda joylashgan 7-sonli maktabgacha ta'lim tashkilotining bayram dasturida ishtirok etdi.

📹DAYJEST VIDEOSINI FACEBOOKDA KO'RISH