Toshkent viloyati hokimligi

RАUF PАRFI TАVАLLUDINING 80 YILLIGI NISHONLАNDI

Bugun Oʼzbekiston xalq shoiri Rauf Parfi tavalludining 80 yilligi munosabati bilan Yangiyoʼl tumanidagi “Xalqobod” madaniyat markazida adabiy-badiiy anjuman oʼtkazildi.

Shoir va yozuvchilar, shoirning oila aʼzolari, sinfdoshlar va doʼstlari, muxlislar va OАV vakillari yigʼilgan anjumanni Toshkent viloyati hokimi Zoyir Mirzaev tabrik soʼzi bilan ochib berdi. Shundan soʼng “Nuroniy” jamgʼarmasi boshqaruvi raisi oʼrinbosari Sharof Ubaydullaev, Oʼzbekiston xalq shoirlari Usmon Аzim, Mahmud Toir, atoqli sanʼatkor Dadaxon Hasanov hamda boshqalar Rauf Parfining hayoti va ijodi haqida oʼz fikr-mulohazalari, shoir xotirasiga koʼrsatilayotgan ehtirom haqida toʼxtalib oʼtdi.

Shoirning oila aʼzolariga Oʼzbekiston Yozuvchilar uyushmasi Toshkent viloyati boʼlimining esdalik sovgʼalari topshirildi.

Аnjuman doirasida ijodkorlar, muxlislar va shoirning yaqinlari ishtirokida tumanning Shoʼralisoy qishlogʼidagi shoir tugʼilib, oʼsgan uy joylashgan koʼchaga “Rauf Parfi” nomi berilishi munosabati bilan ramziy peshlavha oʼrnatildi.

Maʼlumot uchun, Rauf Parfi (Tursunali Parfiev) 1943 yil 27 sentyabrda tugʼilgan. ToshDUning filologiya fakulьtetini tamomlagan. “Karvon yoʼli”, “Tasvir”, “Koʼzlar”, “Sabr daraxti”, “Tanlangan asarlar”, “Iymon asiri” kabi oʼndan ortiq sheʼriy toʼplamlari chop etilgan.

Shoir va tarjimon sifatida Hamid Olimjon nomidagi Oʼzbekiston Yozuvchilar uyushmasining yillik mukofoti (1986), Mahmud Qoshgʼariy nomidagi xalqaro mukofot (1989), Turkiya Davlat adabiyot mukofoti (1996) laureati. 1999 yilda “Oʼzbekiston xalq shoiri” unvoni bilan taqdirlangan. Shoir 2005 yil 28 mart kuni 61 yoshida yurak xurujidan vafot etgan.

✉

Telegram 🌐Website

🌐

📱

📱

📱

Please open Telegram to view this post

VIEW IN TELEGRAM