#Iftixor

QUTLAMOQ SHARAF

ХIХ yozgi Osiyo oʻyinlarida
zafar quchgan sportchilarimizga

Xushxabar xush yoqar bori ellarga,
Quvonch quvvat berar asli dillarga,
Bayroq yarashadi gʻolib qoʻllarga,
Kuchli beshtalikda oʻzbekcha sadaf,
Gʻolibin qutlamoq xalqiga sharaf!

Sizning qalbingizda Vatan kamoli,
Sizning chehrangizda Vatan jamoli,
Yangi Oʻzbekiston — yangi iqboli,
Sof niyat atalar — ushalgan matlab,
Sizlarni qutlamoq biz uchun sharaf!

Yigirma ikkita oltin shodasi,
Bu oʻzbek xalqiga shodlik bodasi,
Olamni tutmishdir xush ovozasi,
Ular koʻksingizda turar yarqirab,
Oltin sohiblarin qutlamoq sharaf!

Mayli, u Osiyo, mayli, u Gʻarbdir,
Bahodir boksi — oʻzbekcha zarbdir.
Muzaffar, Murodjon bu — yangi safdir,
Bobolar, momolar duosin jamlab,
Mardi maydonlarni qutlamoq sharaf!

Yovqur Toʻmarisning yorugʻ izlari,
Osiyo oʻyinlarin gʻolib qizlari,
Yigirma toʻrt medal — oydek yuzlari,
Taxmina, Safina, Sharifa, Zaynab,
Nechun she’r yozmayin Sizlarni qutlab?!

Oʻttiz bir bronza, oʻn sakkiz kumush,
Bu koʻkdan tushmadi — bu halol yumush.
Kimlar buni hatto koʻrmay ketdi tush,
Maydon mardnikidir, mardlar biz taraf,
Sizlarni qutlamoq bizlarga sharaf!

Har ulugʻ ish uchun imkon kerakdir,
Imkon yaratguvchi inson kerakdir,
Yurtboshim niyati — togʻdek yuksakdir,
Sizlarga toledan baxtu taxt tilab,
Ona xalqimizni qutlamoq sharaf!

Mahmud Toir,
Oʻzbekiston xalq shoiri

✉Telegram 🌐Website 🌐YouTube 📱Instagram 📱Facebook 📱Twitter

#hokim_qarori

YANGIYO‘L VA TOSHKENT TUMANLARIDA IJTIMOIY XIZMATLAR MARKAZLARI ISHGA TUSHIRILADI

Toshkent viloyatining Yangiyo‘l va Toshkent tumanlarida eksperiment tariqasida ijtimoiy xizmatlar va yordamlar tizimi ishga tushiriladi. Bu haqda viloyat hokimi tegishli qarorni imzoladi.

Unga ko‘ra, har bir mahallaning mahalla fuqarolar yig‘inlari binosida ijtimoiy xodimlar uchun alohida xona ajratilib, zarur jihozlar bilan ta’minlanadi.

➡️ Batafsil

✉️Telegram 🌐Website 🌐YouTube 📱Instagram 📱Facebook 📱Twitter

🟦🟦🟩🟩

Chorshanba - investitsiya, eksport masalalarini o‘rganish va sanoat zonalarida olib borilayotgan ishlar bilan tanishish kuni.

Qibray tumani. Tuman hokimi sektor rahbarlari hamrohligida "Agro light business" gulchilik klasteri faoliyati bilan yaqindan tanishdi.

Bekobod tumani. Tegishli mutasaddilar ishtirokida "Nayman" mahalla hududida faoliyat yurituvchi eksportyor korxona "Nayman invest" mas'uliyati cheklangan jamiyatida ishlab chiqarish jarayonlari o'rganildi.

Piskent tumani. Turkiyalik investorlar bilan hamkorlikda "Suvti" mahallasidagi keng ko'lamli ishlar doirasida hududda joylashgan kichik sanoat zonasida yangi tekstil korxonasi bunyod etilishi rejalashtirilmoqda.

Nurafshon shahar. Bosh prokuratura tomonidan shakllantirilgan ishchi guruh a'zolari hududdagi tadbirkorlarni qo'llab-quvvatlash va investitsiyalarni jalb qilish borasida amalga oshirilayotgan ishlar holatini ko'zdan kechirdilar.

Oqqo'rg'on tumani. Tuman hokimi tegishli mas'ullar ishtirokida tumandagi "EGE" to'qimachilik korxonasi faoliyati bilan yaqindan tanishib, aholi bandligini ta'minlash borasida fikrlarini bildirib o'tdi.

Chirchiq shahar. Shahar hokimligi mutasaddilari hamda Tatariston Respublikasining "ТЕМПО" xolding ishlab chiqarish kompaniyasi vakillari bilan "Chirchiq metall tuzilmalari" zavodi hududini ko'zdan kechirib, ishlab chiqarish jarayonlari bilan tanishdilar.

Yangiyo'l tumani. Bosh prokuratura ishchi guruhi tomonidan tumandagi "GLOBAL KOMSCO DAEWOO" mas'uliyati cheklangan jamiyatining qog'oz sellyulozasini ishlab chiqarish faoliyatini kengaytirish bo'yicha loyihasi ko'zdan kechirildi.

Yuqori Chirchiq tumani. Tumandagi "Ahmad Yassaviy" mahallasida joylashgan "Sunny Land Production" korxonasi va "Fayzobod" mahallasidagi "Eco Agro Product" fermer xo'jaliklari aholiga sifatli oziq-ovqat mahsulotlari yetkazilishi yo'lida xizmat qilmoqda.

✉️Telegram 🌐Website 🌐YouTube 📱Instagram 📱Facebook 📱Twitter

#statistika

Toshkent viloyatida savdo sohasida faoliyat koʻrsatayotgan korxonalar nechta?

2023-yilning 1-sentyabr holatiga ko‘ra, viloyatda savdo sohasida jami faoliyat ko‘rsatayotgan korxona va tashkilotlar soni 14 331 tani tashkil etdi. Ushbu sohada eng ko‘p faoliyat ko‘rsatayotgan korxona va tashkilotlarga ega bo‘lgan hududlar quyidagilar:

➡️Zangiota tumani – 2036 ta
➡️Qibray tumani – 1141 ta
➡️Toshkent tumani – 1052 ta
➡️Chirchiq shahri – 895 ta

✉️Telegram 🌐Website 🌐YouTube 📱Instagram 📱Facebook 📱Twitter

#diqqat_eʼlon

Hurmatli tadbirkor va eksportyorlar!

Joriy yilning 13-oktyabr kuni soat 10:00 da Nurafshon shahridagi “Nurafshon business city” direksiyasida Toshkent viloyati hokimining tadbirkor va eksportyorlarning sohadagi mavjud muammolarini bartaraf etish, takliflarini oʻrganish yuzasidan ochiq muloqoti oʻtkaziladi.

Unda viloyat sektor rahbarlari, mutasaddilar, xususan, mazkur masalaga bevosita aloqador va daxldor tashkilot-idoralar rahbarlari ishtirok etishadi.

📍Muloqotga barcha tadbirkor va eksportyorlarni taklif etamiz.

Eslatma: Qabulda ishtirok etish uchun roʻyxatdan oʻtish soʻraladi. Roʻyxatga olish vaqti joriy yilning 13-oktyabr kuni soat 09:00ga qadar davom etadi.

☎️Murojaat uchun telefon:
+998993149353

Toshkent viloyati hokimligi.

✉️Telegram 🌐Website 🌐YouTube 📱Instagram 📱Facebook 📱Twitter

#Piskent_tumani

Nо cоmment | "Suvti" mahallasida olib borilayotgan obodonlashtirish ishlari

✉️Telegram 🌐Website 🌐YouTube 📱Instagram 📱Facebook 📱Twitter

#Tadbir

   Oʻzbekiston Yozuvchilar uyushmasi va uyushmaning Toshkent viloyati boʻlimi hamkorligida 13-oktabr kuni soat 11:00 da  Parkent tumanidagi 33-umumta’lim maktabida Chingiz Aytmatov tavalludining 95 yilligi hamda yozuvchi Xayriddin Sultonning qirgʻiz tilida nashr  qilingan “Yoʻqchilik va toʻqchilik” kitobi taqdimoti boʻlib oʻtadi.

Manzil: Toshkent viloyati, Parkent tumani, Qirgʻizovul MFY

✉️Telegram 🌐Website 🌐YouTube 📱Instagram 📱Facebook 📱Twitter