#Rasmiy

XALQ DEPUTATLARI QIBRAY TUMANI KENGASHINING NAVBATDAN TASHQARI SESSIYASI BOʻLIB OʻTMOQDA

Ayni paytda Xalq deputatlari Qibray tumani kengashining navbatdan tashqari sessiyasi boʻlib oʻtmoqda.

Sessiya kun tartibiga tashkiliy masala kiritilgan. Kun tartibidagi masala yuzasidan Toshkent viloyati hokimi Zoyir Mirzayev tahliliy nutq soʻzlamoqda.

Zoyir Mirzayev oʻz soʻzida tumanni iqtisodiy-ijtimoiy rivojlantirishga doir dolzarb masalalarga toʻxtaldi. Xususan:

➖Tumanda bugun qariyb 20 ming nafar fuqaro mehnat migranti sifatida xorijda boʻlib turibdi. Bu Qibray uchun yarashmaydigan holat;

➖Bundan besh yil oldin tumanda aholini ichimlik suvi bilan taʼminlanganlik darajasi 61 foiz boʻlsa, bugun bu koʻrsatkich 87 foizga yetdi;

➖Tumanda olti oy yakuni boʻyicha sanoat mahsulotlari, oʻtgan yilga solishtirganda, ishlab chiqarish hajmi oʻzgarmagan. Qaytaga 8 ta korxona oʻz faoliyatini toʻxtagan.

➖ Aholi soniga nisbatan 84 ta sartaroshxona, goʻzallik salonlari singari xizmat koʻrsatish sohasi obyektlari taxchil.

➖KPI tizimi boʻyicha Tuman mahallaridagi hokim yordamchilari umumiy 76 bal olgan, bu koʻrsatkich viloyatda 13 oʻrin hisoblanadi;

➖Salohiyatli tadbirkorlar Qibrayda oshkoralik, adolat boʻlishiga ishonmaydi. Eksportyor korxonalar faoliyatini qoʻllab-quvvatlash yoʻq;

➖Natijada, keyingi ikki yilda tumanda ishlayotgan 7 ta eksportyor korxona boshqa tumanlarga hisob raqamini koʻchirib olib ketgan. Demak, ular bu yerdagi mutasaddilar bilan ishlashni xohlamagan;

➖Qibrayda qurilish va qishloq xoʻjaligi sohasida juda koʻp qonun buzarlik, boshboshoqlik bor. Buni tartibga solish vaqti keldi;

➖Viloyatda eng koʻp umumiy ovqatlanish shoxobchalari Qibrayda. Biroq, ularning aksariyati rasman ishga olinmagan, nolegal ishlaydi. Mana shunday holatlar bandlik dasturlarining ijrosiga monelik qiladi. Shu maʼnoda jamoatchilik, tuman deputatlari masalaga eʼtibor qaratishi zarur;

➖Qibray tumanida yashirin iqtisodiyotga qarshi keskin kurashish kerak. Shu maqsadda tuman hokimi raisligida maxsus ishchi guruh tuzish lozim;

➖Yana bir ogʻriqli masala. Tumanda yetishtirilayotgan qishloq xoʻjaligi mahsulotlarining atigi 8 foizi qayta ishlanadi;

➖Qibray tumani hokimining oʻrinbosarlari, hokimlikning boshqa barcha mutaxassislari bugundan boshlab vazifasidan ozod qilinadi. Ularning faoliyatiga huquqiy baho beriladi, “toza” chiqsa, keyin ishini davom ettiradi.

➖ Shuningdek, Qibray tumanidagi barcha davlat tashkilotlarining rahbarlari, huquq-tartibot idoralari bundan istisno, lavozimidan ozod qilinadi. Ularning faoliyatiga ham bir hafta ichida baho beriladi;

➖ Kadrlar bilan ishlashning “Qibray tajribasi” joriy qilinadi. Boʻshagan oʻrinlarga, tuman tashkilotlariga tanlov asosida yoppasiga yoshlar ishga olinadi. Qibrayga shu tariqa “yangi qon” quyilmasa boʻlmaydi;

➖Bugun Qibrayda 4 ming nafar bola uchun bogʻchada joy yoʻq. Maktabgacha taʼlimga qamrov 67 foiz, xolos. Bu Qibray uchun sharmandali holat emasmi?

➖Tumandagi 16 ta mahallada bittayam bogʻcha yoʻq. Masalan, “Qurilish”, “May”, “Oʻnqoʻrgʻon”, “Uymovut” singari mahallalarda bolalar uchun bogʻcha umuman yoʻq!

➖Tumanda murojaatlar bilan ishlash ayanchli 1697 ta murojaat kelib tushgan boʻlsa, shundan atigi 8 foizi ijobiy hal etilgan, xolos.

➖28 ta qabul, 128 ta fuqaro. Yaʼni bitta qabulda oʻrtacha 4 ta fuqaro qatnashgar. Hokim qabul oʻtkazsa, 4 nafar fuqaro kelibdi. Kim ishonadi bunga? Koʻzboʻyamachilikku bu?!

Yuqoridagilardan kelib chiqib, shuningdek, investitsiya, sanoat sohasida yoʻl qoʻygan kamchiliklari bois, davlat rahbari raisligida oʻtkazilgan yigʻilish yakunlariga koʻra, Miragzam Mirkasimov lavozimidan ozod qilingan edi.

Yigʻilishda Zoyir Mirzayev Qibray tumani hokimi lavozimiga Muzaffar Rashidov nomzodini tavsiya qildi.

✉️Telegram 🌐Website 🌐YouTube 📱Instagram 📱Facebook 📱Twitter

#Rasmiy

MUZAFFAR RASHIDOV ➖ QIBRAY TUMANI HOKIMI

Adliya maslahatchisi Rashidov Muzaffar Abrorovich - Xalq deputatlari Qibray tumani Kengashining qarori bilan tuman hokimi etib tayinlandi.

M. Rashidov 1987-yili Toshkent viloyati Zangiota tumanida tugʻilgan. Maʼlumoti – oliy. 2009-yilda Toshkent davlat yuridik institutini tamomlagan.

Lavozimga tayinlangunga qadar, Ohangaron tumani prokurori lavozimida ishlab kelayotgan edi.

🌐Telegram 🌐Website 🌐YouTube 📱Instagram 📱Facebook 📱Twitter

#rasmiy

Oʻzbekiston Respublikasi Prezidentining farmoyishi bilan bir guruh tadbirkorlar “Faol tadbirkor” koʻkrak nishoni bilan taqdirlandi.

Ular orasida viloyatimiz vakillari ham bor:

Abduxalilov Abdurasul Abdurashidovich - Boʻstonliq tumanidagi “Turon Resort” masʼuliyati cheklangan jamiyati taʼsischisi.

Rizayeva Gavxar Nigʻmonovna - Parkent tumanidagi “Zarkent Gavhari” fermer xoʻjaligi boshligʻi.

Saidaxmedov Iqboljon Ibragimovich - Oʻrta Chirchiq tumanidagi “Fresh Food Pack” masʼuliyati cheklangan jamiyati taʼsischisi.

Saliyev Saydulla Inayatillayevich - Toshkent tumanidagi “Bonito Group” masʼuliyati cheklangan jamiyati rahbari.

Sidelyov Aleksandr Yuryevich - Angren shahridagi “Teploizolyatsionnaya kompaniya” xorijiy korxonasi direktori.

Xvan Grigoriy Mangimovich - Yuqori Chirchiq tumanidagi “Hanuz Enterprises” masʼuliyati cheklangan jamiyati taʼsischisi.

Xojiyev Nabijon Nugmanjonovich - Chinoz tumanidagi “Perfect Paper Group” masʼuliyati cheklangan jamiyati rahbari.

Ergashev Shukurulla Zikrullayevich - Ohangaron shahridagi “Ohangaron quvur metallurgiya zavodi” masʼuliyati cheklangan jamiyati rahbari.

Yusupov Akmal Maratovich - Oqqoʻrgʻon tumanidagi “Yustex” masʼuliyati cheklangan jamiyati bosh direktori.

Mukofot muborak boʻlsin, aziz ishbilarmonlar!

🌐Telegram 🌐Website 🌐YouTube 📱Instagram 📱Facebook 📱Twitter

🟦🟦🟩🟩

Payshanba - Sektor rahbarlarining kichik biznes va xususiy tadbirkorlik subyektlari vakillari bilan uchrashadigan hamda muammolarini hal qilishga eʼtibor qaratilinadigan kun

🔘Yangiyo'l shahri. Uchrashuvda tadbirkorlar tomonidan tushgan murojaatlarni koʻrib chiqish uchun masʼullarga koʻrsatma berildi.

🔘Piskent tumani. Bu galgi uchrashuvda kichik sanoat zonalari va ulardagi imkoniyatlar haqida taqdimot oʻtkazildi.

🔘Oqqo'rg'on tumani. Muloqot chogʻida koʻtarilgan muammolarning 8 tasi joyida xal etildi

🔘Yuqori Chirchiq tumani. Uchrashuvda tadbirkorlikni yanada rivojlantirish boʻyicha takliflar tinglandi.

🔘Chinoz tumani. Muloqot davomida joriy yilda amalga oshirilishi rejalashtirilgan investitsiya loyixalari ijrosi koʻrib chiqildi

🔘Zangiota tumani. Bugungi uchrashuvda ishtirok etgan tadbirkorlar oʻz muammolarini dadil koʻtarib chiqdilar.

📹DAYJEST VIDEOSINI FACEBOOKDA KO'RISH

#Piskent_tumani
#No_comment

Uzumchilik – xalqimizning asriy qadriyatlaridan biri

🌐Telegram 🌐Website 🌐YouTube 📱Instagram 📱Facebook 📱Twitter.