#mavsum_yumushlari

Bahorning oʻzgaruvchan ob-havosida dehqonlar har bir vaqtni gʻanimat bilib, allaqachonlar dala yumushlarini boshlab yuborishgan.

“Dolzarb 30 kunlik” tadbirlari doirasida hozirda hududlarda boshoqli don ekinlarini oziqlantirish uchun talab etiladigan oʻgʻitlar zaxirasini yaratish bilan birga, ariq-zovurlarni, irrigatsiya tarmoqlarini tiklash, koʻchat ekish, ipak qurti boqish mavsumiga tayyorgarlik koʻrish jarayonlari amalga oshirilmoqda.

Mazkur jarayonlar videolavhada batafsil O'rta Chirchiq tumani misolida.

✉️Telegram 🌐Website 🌐YouTube 📱Instagram 📱Facebook 📱Twitter

#Bildirish

Navroʻz bayramida haftasiga 5 kun ishlaydiganlar ketma-ket 5 kun dam oladi

Prezidentning “2023-yilda rasmiy sanalarni nishonlash davrida qoʻshimcha ishlanmaydigan kunlarni belgilash va dam olish kunlarini koʻchirish toʻgʻrisida”gi farmoniga muvofiq, Navroʻz umumxalq bayrami munosabati bilan:

Besh kunlik ish haftasida ishlaydigan xodimlar – 5 kun (18-22-mart kunlari);

Olti kunlik ish haftasida ishlaydigan xodimlar – 4 kun (19-22-mart kunlari) ketma-ket dam oladi.

Besh kunlik ish haftasida ishlaydigan xodimlarning dam olish kunlari quyidagicha koʻchiriladi:

➖ 11-mart — shanba kunidan 20-mart — dushanba kuniga;
➖ 25-mart — shanba kunidan 22-mart — chorshanba kuniga.

Shuning hisobiga besh kunlik ish haftasida ishlaydigan 11 va 25-mart kunlari ishga chiqishlariga toʻgʻri keladi.

Olti kunlik ish haftasida ishlaydigan xodimlar uchun 20-mart — dushanba va 22-mart — chorshanba kunlari qoʻshimcha dam olish kunlari boʻladi.

Ish haftasining turidan qatʼi nazar barcha xodimlar uchun 23-mart, payshanbadan boshlab odatdagi ish kuni hisoblanadi.

Maʼlumot uchun, 8-mart (chorshanba) — Xotin-qizlar kuni ham Mehnat kodeksining 131-moddasiga asosan dam olish (ishlanmaydigan) kuni hisoblanadi.

✉️Telegram 🌐Website 🌐YouTube 📱Instagram 📱Facebook 📱Twitter

#innovatsiya

OKMK kosmik uskunalarda qoʻllaniladigan indiy olish texnologiyasiga ixtiro patentini qoʻlga kiritdi.

🌐BATAFSIL

✉️Telegram 🌐Website 🌐YouTube 📱Instagram 📱Facebook 📱Twitter

#ezgu_tashabbus

Qibraydagi “Oqqoʻrgʻon tajribasi” viloyatga namuna boʻlishi kutilmoqda

🌐BATAFSIL

✉️Telegram 🌐Website 🌐YouTube 📱Instagram 📱Facebook 📱Twitter

🟦🟦🟩🟩

Seshanba – Hokim yordamchilari, yoshlar yetakchilari bilan muloqot va yoshlar bilan uchrashuvlar oʻtkazish kuni. Bugun shu mavzu atrofida soʻz yuritamiz.

🔘Olmaliq shahri. Olmaliq shahar hokimligi va Yoshlar ishlari agentligi tomonidan faol yoshlarning Samarqand va Buxoroga sayohati tashkil etildi.

🔘Bekobod tumani. Xotin-qizlar bandligini taʼminlash, ayollar oʻrtasida jinoyatchilik va huquqbuzarliklarning oldini olishga qaratilgan taʼsirchan choralar koʻrilmoqda.

🔘Boʻstonliq tumani. Tuman hokimi boshchiligida mahallalarda faoliyat yuritayotgan yoshlar yetakchilari bilan navbatdagi uchrashuv boʻlib oʻtdi. Uchrashuvda yetakchilarning shu kungacha bajargan ishlari yuzasidan sarhisobi tinglandi.

🔘Qibray tumani. Qibray tumani 2-sektor hududidagi mahallalarda “Oqqoʻrgʻon tajribasi” boʻyicha amalga oshirilayotgan ishlar masʼullar ishtirokida muhokama qilindi.

🔘Angren shahri. “Ervali bobo” ziyoratgohida “Samarchoʻgʻ”, “Sogʻlom”, “Geolog” mahalla fuqarolar yigʻinlarining raislari, hokim yordamchilari va yoshlar yetakchilari boshchiligida mahallaning kattayu kichigi, yoshu qarisi ishtirokida hashar uyushtirildi.

🔘Piskent tumani. “Yashil makon” umummilliy loyihasi doirasida “Doʻstlik” mahallasida koʻkalamzorlashtirish ishlari boshlab yuborildi. Mahalla raisi, hokim yodamchisi, xotin-qizlar faoli va yoshlar yetakchisi tomonidan Bahor va Fayzobod koʻchasida yashovchi fuqarolarga mevali koʻchatlar tarqatildi.

🔘Yangiyoʻl shahri. 10-umumiy oʻrta taʼlim maktabining 11-sinf oʻquvchilarining qiziqishlaridan kelib chiqib, ularni maʼlum bir sohaga yoʻnaltirish maqsadida Yangiyoʻl shaharlararo Qoʻriqlash boʻlimida ochiq eshiklar kuni tashkil etildi.

📹DAYJEST VIDEOSINI FACEBOOKDA KO'RISH

#Shukuh

Bahor keldi seni soʻroqlab…

Salqin saharlarda, bodom gulida,
Binafsha labida, yerlarda bahor.
Qushlarning parvozi, yellarning nozi,
Baxmal vodiylarda, qirlarda bahor…

Zulfiyaxonim qalamiga mansub boʻlgan ushbu satrlar inson qalbiga bahoriy tuygʻularni olib kiradi…

Ona tabiat yana kelinchak misol nafis bahorni qarshi oldi. Halizamon bir yonda erta tongdan suv sepilgan koʻchalardan taralgan yerning tafti, bir tomonda yashil maysalar, qiygʻos gullagan daraxtlarning xushboʻy ifori kishini sarmast qilajak… Koʻklamning ilk kunidagi xush nasimlar qishning ayozli kunlaridan ozorda qalblarga mayin sokinlik va oʻzgacha kayfiyat ulashmoqda…

Bahor yangilanish, yasharish fasli… Bugun bahorning ilk kuni.

Bu kun atoqli shoiramiz Zulfiyaxonimning ham tavallud ayyomlari. Mazkur sana munosabati bilan bugun joylarda turli tadbirlar, adabiy kechalar oʻtkaziladi.

✉️Telegram 🌐Website 🌐YouTube 📱Instagram 📱Facebook 📱Twitter

#hamkorlik

Viloyatdagi umumtaʼlim maktablarida “fin tajribasi” qoʻllaniladi.

🌐BATAFSIL

✉️Telegram 🌐Website 🌐YouTube 📱Instagram 📱Facebook 📱Twitter

#Bildirish

Toshkent viloyati hokimligining yangi rasmiy sayti ish boshladi – Toshkentviloyati.uz

Bugundan eʼtiboran Toshkent viloyati hokimligining yangi rasmiy veb sayti ishga tushirildi. Sayt hozircha test rejimida ishlamoqda.

Eslatib oʻtamiz, Toshkent viloyati hokimligining hozirgi sayti bundan 17 yil avval ishga tushirilgan boʻlib, ayni paytda koʻp jihatdan talabga javob bermay qolgan edi. Xususan, axborot siyosati sohasidagi oʻzgarishlar, qonun va qonunosti hujjatlarida hokimliklar rasmiy veb sayti xaritasi qanday boʻlishi kerakligi haqida aniq koʻrsatmalar berildi, talablar qatʼiylashdi.

Mazkur veb sayt Oʻzbekiston Respublikasi Prezidentining 2022-yil, 14-iyunda qabul qilingan “Davlat organlari va tashkilotlari faoliyatining ochiqlik darajasini oshirish va baholash tizimini joriy etish chora-tadbirlari toʻgʻrisida”gi Farmoni (PF-154) da koʻrsatilgan indikatorlar mazmunidan kelib chiqib yaratildi.

www.toshkentviloyati.uz ni kuzating, rasmiy axborotga ishoning.

✉️Telegram 🌐Website 🌐YouTube 📱Instagram 📱Facebook 📱Twitter