#jarayon

Avval xabar berganimizdek, Oqqoʻrgʻon va Bekobod tumanlaridagi yer usti yuqori bosimli gaz quvurlarida avariya holati yuzaga kelgan edi.

Hozirda "Hududgaz Toshkent" gaz taʼminoti filiali xodimlari tomonidan taʼmirlash ishlari olib borilmoqda.

Tamirlash ishlari tugatilgandan soʻng “Hududgaz Toshkent” gaz taʼminoti filiali matbuot xizmati gaz ta'minoti tiklanishi bo'yicha qoʻshimcha  maʼlumotni taqdim qiladi.

“Hududgaz Toshkent” gaz taʼminoti filiali matbuot xizmati

✉️Telegram 🌐Website 🌐YouTube 📱Instagram 📱Facebook 📱Twitter

Bugun Prezident Shavkat Mirziyoyev Oʻzbekiston Qurolli Kuchlari Harbiy tibbiyot akademiyasiga tashrif buyuradi

Akademiyada 140 nafar talaba va 40 nafar tinglovchilar va paramedik (taktik medik) 20 nafar harbiy xizmatchi tahsil olmoqda.

Ulardan, bakalavr kursantlari 24 nafar, harbiy internatura tinglovchilari — 18 nafar, klinik ordinatorlar — 21 nafar, shuningdek, rezerv va zaxiradagi ofitserlarni tayyorlash kursi talabalari – 140 nafar.

2022-yilda Akademiya axborot-resurs markazi 15000 ta ilmiy, oʻquv va badiiy adabiyotlar hamda 1730 ta oʻquv darsliklarini oʻzida mujassam etgan elektron tibbiy kutubxonaga ega boʻldi.

Akademiya uchun 250 nafar talabaga moʻljallangan oʻquv binosi, 186 kishiga moʻljallangan yotoqxona, 300 kishiga moʻljallangan oshxona, 256 oʻrinli katta konferensiya zali, kompyuterlash-tirilgan va zamonaviy oʻquv qurollari bilan jihozlangan 18 auditoriyalar, jarrohlik amaliyotlarini real vaqt rejimida videokuzatish imkonini beruvchi amaliyot xonalari, 3 ta internet xonalari, saf maydoni va sport shaharchasi tashkil etildi.

✉Telegram 🌐Website 🌐YouTube 📱Instagram 📱Facebook 📱Twitter

#Maxsus_dayjest

Qahraton sovuq oʻz kuchini koʻrsatayotgan bir vaqtda aksariyat uyidan koʻchaga chiqmaydi. Ammo ayrim soha vakillari borki, qor va yomgʻirda ham oʻz vazifasini sidqidildan ado etadi, yoʻllarni qor va muzlamadan tozalaydi. Viloyatimiz boʻylab ana shunday zahmatkash obodonlashtirish xodimlari va yoʻlsozlar uchun “Mehr ulashaylik” aksiyasi davom etmoqda. Aksiya doirasida nafaqat issiq qahva hamda palov, asosiysi koʻngillariga iliqlik ulashilmoqda.

🟣Kasaba uyushmasi. Oʻzbekiston kasaba uyushmalari Federatsiyasi Toshkent viloyati Kengashi tomonidan ham koʻchada xizmat oʻtayotganlarga osh damlab, tushlik vaqtida tarqatildi.

🟣Bekobod tumani. Tuman yoshlar yetakchilari sovuq kunlarda hamyurtlarimizga madadkor boʻlish maqsadida “Mehr ulashing” aksiyasini eʼlon qilishdi.

🟣Nurafshon shahri. Nurafshon shahri IIB boshligʻi va boʻlim xodimlari sovuqda mehnat qilayotgan xodimlarga issiq yeguliklar tarqatishmoqda.

🟣Yuqori Chirchiq tumani. Tuman yoshlar yetakchilari “Mehr ulashing” aksiyasi doirasida Obodonlashtirish boʻlimining mehnatsevar xizmatchilariga issiq kofe va shirinliklar tarqatishdi.

🟣Piskent tumani. Hokimlik va deputatlar obodonlashtirish xodimlari hamda yoʻlsozlar uchun issiq qahva, osh tarqatdilar.

🟣Ohangaron tumani. Qahraton qish sovugʻida ham tinmay mehnat qilayotgan, koʻchalarimiz, yoʻllarimiz tozaligi uchun jonbozlik koʻrsatayotgan obodonlashtirish boʻlimi ishchi-xodimlariga bepul tushlik tashkil etildi.

🟣Qibray tumani. Viloyat Transport boshqarmasi va Qibray tumani hokimligi tomonidan Obodonlashtirish boʻlimi xodimlari uchun issiq choy va issiq yeguliklar tortiq etilmoqda.

🟣Ohangaron shahri. “Kuch birlikda” koʻngillilar harakati va Ohangaron shahri mahallalaridagi hokim yordamchilari hamkorligida Obodonlashtirish boʻlimi xizmatchilariga tushlik vaqtida issiq taomlar tarqatildi.

🟣Yangiyoʻl tumani. "Qoʻshtepa mahallasida tadbirkorlar tomonidan 80 kg osh damlanib, mahalla ahliga tortiq etildi.

✉Telegram 🌐Website 🌐YouTube 📱Instagram 📱Facebook 📱Twitter