#bugunning_mavzusi

Ob-havoning keskin sovib ketishi kommunal sohalarda koʻplab muammolarni yuzaga keltirmoqda.

Kuz-qish mavsumini betalofat oʻtkazish hamda vujudga kelgan salbiy holatlarni oʻz vaqtida bartaraf etish maqsadida hududlarda kommunal soha xodimlari tomonidan uzluksiz faoliyat yoʻlga qoʻyilgan. Qisqa satrlarda shu haqda.

🔹Bekobod tumani. Hokimlik tashabbusi bilan tashkil etilgan “Tezkor shtab” joylarda yuzaga kelgan muammolarni zudlik bilan hal etmoqda.

🔹Yangiyoʻl tumani. Sektor rahbarlari tumanning “Gʻalaba” mahallasida boʻlib, daftardagi xonadonlar sharoitini oʻrganmoqda. Bepul koʻmir bilan taʼminlash choralarini koʻrmoqda.

🔹Toshkent tumani. “Hududgaz Toshkent” gaz taʼminoti tuman filiali xodimlari aholi xonadonlarida boʻlib, gaz bosimi meʼyorini nazorat qilishmoqda.

🔹Qibray tumani. “Baytqoʻrgʻon” mahallasida joylashgan transformatorda nosozlik aniqlanib, zudlik bilan yangisiga almashtirildi. Hozirda aholiga elektr energiyasi uzluksiz uzatilmoqda.

🔹Angren shahri. Shahar elektr tarmoqlari korxonasi tomonidan fuqarolardan kelib tushayotgan murojaatlar joyiga chiqib, tezkor hal etilmoqda.

🔹Boʻstonliq tumani. Tuman aholisini is gazidan zaharlanish, yongʻinlar va havo-gaz aralashmasining chaqnashidan ehtiyot boʻlishga daʼvat etuvchi tadbirlar boʻlib oʻtmoqda.

🔹Chirchiq shahri. Ob-havoning keskin sovib ketishi tufayli joylarda energiya taʼminotida avariya holatlari koʻpaymoqda. Chirchiq shahri elektr tarmoqlari korxonasi tunu kun rejimda ish olib bormoqda.

🔹Ohangaron shahri. Favqulodda vaziyatlar boʻlimi xodimlari aholi bilan yongʻin havsizligiga rioya qilish boʻyicha profilaktik suhbatlar oʻtkazishmoqda.

🔹Boʻka tumani. Tuman FVB va IIB xodimlari bilan hamkorlikda “Yongʻin xavfsizligi oyligi” doirasida ijtimoiy soha obyektlarida tungi oʻrganish tadbirlari oʻtkazilmoqda.

✉️Telegram 🌐Website 🌐YouTube 📱Instagram 📱Facebook 📱Twitter