#Onlayn

Ayni vaqtda Olmaliq shahridagi “Metallurg” madaniyat saroyida viloyatda boʻshab qolgan oʻringa Oʻzbekiston Respublikasi Oliy Majlisi Senati aʼzosi saylovini oʻtkazish boʻyicha qoʻshma majlis boʻlib oʻtmoqda.

Majlisda Markaziy Saylov komissiyasi raisi Zayniddin Nizomxodjayev soʻz olib, nomzodni saylash toʻgʻrisida yigʻilganlarga atroflicha maʼlumot berdi.

Saylov kodeksiga koʻra, majlisga rais etib Xalq deputatlari viloyat Kengashi deputati Farhodbek Umarov saylab olindi. Shundan soʻng majlis reglamenti, majlis kotibiyati, qoʻshma majlis ishini yuritish boʻyicha hayʼat aʼzolari, Maslahatlashuv kengashi, sanoq komissiyasi aʼzoligi nomzodlari ovozga qoʻyildi hamda deputatlar tomonidan tasdiqlandi.

Jarayonda Toshkent viloyati hokimi Zoyir Mirzayev ishtirok etmoqda.

✉️Telegram 🌐YouTube 📱Instagram 📱Facebook 📱Twitter

#Onlayn #Fotolavha

Qoʻshma yigʻilish: yashirin ovoz berish jarayonlari boshlandi

Avval xabar berganimizdek, ayni paytda Xalq deputatlari viloyat, tuman va shahar kengashlarining qoʻshma yigʻilishi davom etmoqda.

Senat aʼzoligiga Toshkent viloyati hokimi Zoyir Mirzayev nomzodi ilgari surildi. Yashirin ovoz berish jarayonlari boʻlib oʻtmoqda.

✉️Telegram 🌐YouTube 📱Instagram 📱Facebook 📱Twitter

#Onlayn

Zoyir Mirzayev Senat aʼzosi etib saylandi

Sanoq komissiyasi xulosasiga koʻra, qoʻshma majlisda 643 nafar deputat ishtirok etib, ovoz berish jarayonlarida ularning barchasi qatnashdi.

Qoʻshma majlisda deputatlarning 641 nafari nomzodni yoqlab ovoz bergani maʼlum qilindi va Zoyir Mirzayev mutlaq koʻpchilik ovoz bilan Oliy Majlis Senati aʼzosi etib saylandi.

Qoʻshma yigʻilishda Z.Mirzayev soʻz olib, bildirilgan ishonch uchun xalq vakillariga minnatdorlik bildirdi.

Xalq deputatlari Toshkent viloyati, tuman va shaharlari Kengashining qoʻshma majlisi shuning bilan oʻz ishini yakunladi.

✉️Telegram 🌐YouTube 📱Instagram 📱Facebook 📱Twitter