#Dayjest

21-oktyabr – Oʻzbek tiliga davlat tili maqomi berilgan kun. Ushbu sana munosabati bilan joylarda adabiy-maʼrifiy tadbirlar, sheʼriyat kechalari va ijodiy uchrashuvlar tashkil etilmoqda. Qisqa xabarlar shu haqda.

🔘Xalq taʼlimi boshqarmasi. Oʻzbek tiliga davlat tili maqomi berilganligining 33 yilligi munosabati bilan 800 dan ortiq taʼlim maskanlarida bayram tadbirlari boʻlib oʻtdi. Ularda olimlar, taniqli yozuvchi va shoirlar, jurnalistlar ishtirok etmoqda.

🔘Kadastr boshqarmasi. Tashkilot xodimlari “Sen mening faxrimsan, ona tilim!” shiori ostidagi chellenjni boshlab berdilar.

🔘Ohangaron shahri. Til bayrami munosabati bilan boʻlib oʻtgan tadbirda faol va ijodkor yoshlar taqdirlandi.

🔘Ohangaron tumani. “Ona tilim, sen – millat gʻururisan!” mavzusida 15-maktabda tashkil etilgan kechada filologiya fanlari doktori, professor Isomiddin Yormatov ishtirok etdi.

🔘Oqqoʻrgʻon tumani. Yoshlar madaniyat markazida oʻtkazilgan til bayramiga tuman hokimi Alisher Karimjonov qatnashib, oʻzbek tili fidoyilarini tabrikladi.

🔘Yuqori Chirchiq tumani. Til bayramida tuman faollari va ijodkor yoshlar oʻzbek adabiy tili asoschisi Alisher Navoiy timsoliga ehtirom koʻrsatishdi.

🔘Olmaliq shahri. 7-maktabda boʻlib oʻtgan adabiy-maʼrifiy tadbirda mahalliy gazeta va televideniya masʼullari oʻquvchilar bilan jonli muloqot qildilar.

🔘Boʻka tumani. Maʼnaviyat va maʼrifat boʻlimi tashabbusi bilan oʻzbek tili bayramida “Jadidlar” spektakli namoyish etildi.

🔘Angren shahri. “Alisher Navoiy” nomidagi madaniyat saroyida shahar hokimi Alisher Raimov shahar ijodkorlari bilan uchrashdi.

🔘Qibray tumani. “Doʻrmon” oromgohida boʻlib oʻtgan davlat tili bayramida bir guruh pedogog va yoshlar taqdirlandi.

🔘Piskent tumani. Tillarni oʻqitishga ixtisoslashgan 1-IDUMda oliy toifali suhandon Jamshid Umrzoqov oʻquvchilarga mahorat darsi oʻtdi.

🔘Boʻstonliq tumani. 20 dan ortiq maktablarning ijodkor oʻquvchilari chizgan rasmlardan iborat koʻrgazma oʻzbek tili kuniga bagʻishlandi.

📹DAYJEST VIDEOSINI FACEBOOKDA KO'RSIH

#Dayjest

Payshanba – Toshkent viloyatida “Yashil makon” umummilliy loyihasi doirasida “Dolzarb qirq kunlik” tadbirlari bugundan boshlandi. Xususan, Toshkent viloyatida. 2022-yil kuz mavsumida 2023-yil bahor mavsumlarida 14 million tupga yaqin daraxt va buta koʻchatlari ekish rejalashtirilgan. Qisqa xabarlarimiz shu haqda bo`ladi.

🔘Viloyat prokuraturasi. Viloyat prokurori Shavkatjon Raximov boshchiligida Olmaliq shahrida joylashgan 80-sonli kar va zaif eshituvchi bolalar uchun ixtisoslashtirilgan maktab-internati hududida 200 tup pavloniya, kashtan va boshqa turdagi manzarali daraxt koʻchatlari ekildi.

🔘Ohangaron shahri. Xalq deputatlari shahar Kengashining Agrar, suv xo‘jaligi masalalari va ekologiya buyicha doimiy komissiyaning yig‘ilishida "Yashil makon" umummiliy dasturi doirasida olib borilgan ishlar hamda amalga oshirilishi lozim bo‘lgan vazifalar yuzasidan mas’ullar hisoboti tinglandi.

🔘Olmaliq shahri. Shahar Mahallabay ishlash va tadbirkorlikni rivojlantirish markazi va hokim yordamchilari tomonidan Ibn Sino koʻchasining 1 gektar yer maydoniga 1700 ta mevali va manzarali daraxtlar ekilmoqda.

🔘Chirchiq shahri. "Yashil makon" umummilliy loyihasi doirasida “UMID” MFY hududida koʻchatlar ekish davom etmoqda.

🔘Parkent tumani. Ona diyorimizni yashil makonga aylantirishdek ezgu maqsadni koʻzlagan "Dolzarb 40 kunlik" koʻchat ekishdek xayrli tadbirda faol ishtirok etishga chorlandi.

🔘Oqqorg'o'n tumani. “Dolzarb 40 kunlik” tadbirlarida tumanda 446 ming. 450 ta tup manzarali va mevali ko‘chatlar o‘tkaziladi.Bugun ushbu umummilliy loyihasida tuman irigatsiya bo‘limi xodimlari tomonidan 350 tup tut va tok ko‘chatlari o‘tkazildi.

🔘Piskent tumani. "Qishloq hayoti" gazetasining bugungi 41-sonida jurnalist Ibrohim Toshevning piskentlik olim, professor Erkin Berdiyevning yashil makonlarni asrash va ko‘paytirish haqidagi maqolasi chop etildi.

📹DAYJEST VIDEOSINI FACEBOOKDA KO'RSIH