#Расмий_баёнот

❗️Ўзбекистон Республикасига коронавируснинг кириб келиши ва тарқалишини олдини олиш юзасидан чора-тадбирлар дастурини тайёрлаш бўйича республика махсус комиссиясининг 2020 йил 30 мартдаги 13-сон баёнига асосан Адлия вазирлиги ҳамда Давлат хизматлари марказлари томонидан автотранспорт воситалари ҳаракатланишига махсус рухсатномалар (стикер) берилиши йўлга қўйилган.

Жорий йилнинг 6 апрель соат 18:00 га қадар Давлат хизматлари марказларига жами 168 521 та арза келиб тушган. Шундан, 163 444 та кўриб чиқилиб, 28 073 таси қаноатлантирилган (16,7%), 135 371 таси рад этилган (80,3%).

❗️Давлат хизматлари агентлиги стикерлардан белгиланган мақсадларга зид равишда фойдаланмаслик ёки уларни суистеъмол қилмаслик ҳақида бир-неча марта расмий огоҳлантиришларга қарамасдан, бу каби ҳолатлар кўплаб кузатилмоқда.

Ўз навбатида бундай ҳолатлар республикада белгиланган режим тартибининг бузилишига олиб келиб, коронавирус пандемиясига қарши кўрилаётган чораларга салбий таъсир кўрсатмоқда.

6 апрель куни соат 20.00 дан 7 апрель соат 6.00 га қадар Тошкент шаҳар Ички ишлар бош бошқармаси Йўл ҳаракати хавфсизлиги бошқармаси ва Тошкент шаҳар Давлат хизматлари марказлари ўзаро ҳамкорликда ўтказилган автотранспорт воситалари учун берилган стикерлардан мақсадли фойдаланиши устидан назорат-рейд тадбирлари натижасида 52 та стикер бекор қилиниб, автомашиналар жарима майдонига қўйилди.

❗️ Бу каби назорат-рейд тадбирлари мунтазам равишда республиканинг барча ҳудудларида ўтказилиши ҳақида огоҳлантирамиз!

Ҳурматли фуқаролар!

Стикерлар имтиёз эмас, карантин шароитидаги қатъий чорадир!

Ўзингиз ва яқинларингизни асранг. Уйда қолинг!

Давлат хизматлари агентлиги

https://davxizmat.uz/uz/news/bir-kechada-52-ta-stiker-bekor-qilinib-avtomashinalar-jarima-maydoniga-joylashtirildi